ISAYA 49:5 - Biblía Axweesantá Hhohho' ar Mungú 2004

⁵ Nee hám daxta AAKOÓ MUNGÚ, kudá' aníng iga tleehh iimír niwa baraá guruú aayor'eéní dirii' as tawa sagadiyusmoowós. As múk Yakobo nguwa amoorós i ki/is, nee múk Israeli nguwa amoorós i burumbuur. AAKOÓ MUNGÚ iga ilaiwa/amérí sláy dír geeraawose, nee Munguúeé' an /uuruueé', i axwees,

ISAYA 49:5 Iomraidhean Croise

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

ISAYA 11:12

Inós bendeéra gan gáwtí tlees tawa laya dír xoorduuwo, múk Israeli kudá' taa tlatlahhaás gu burumbuur, múk Yuda oo taa diyayaá/ gu haraki/is, badu tsiyahhaawo awa yaamu.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 25:1

Aá AAKOÓ MUNGÚ, kuúng an Munguúeé', aníng kuúng un xirfayeés nee un diidi'iimiís, asma kuúng muruú waa/oo/amór koóm una tléhh, muruuwók kudá' taa qoomés iimír aange, aqo un boo/és ar inkihhimu nee looeema.

ISAYA 27:12

Baalaadae AAKOÓ MUNGÚ balaangós gu slaahh iimír yaaér Eufratér wá tleemu, ay digmuú yaamaá Misri. Kuungaá Israeli tunduri wakeetín burumburiingo.

ISAYA 43:4

Asma kuungá' a múk slahhaá' dir'eene, nee oo ni ilaiwawaa/, aníng kuungá' nu slaá'. Aníng múk hatlá' u máw as kuungá' nuwa slaw, xoordaá hatlá' in waa'aláh ar kuungá'.

ISAYA 44:2

AAKOÓ MUNGÚ kudá' kuungá' naa tleehh, kudá' kuungá' naa buqumbuqun baraá guruú aayooro nee kudá' nu alee/iís, i kaahi, «Ma da'ayumitaara', kuungaá múk Yakobo, sagadiyuuser'eé', Yeshuruni kudá' aníng naa tsawaár.

ISAYA 49:1

Aníng iiárií qaasaré' kuungá' hhapaá sawen, iia qaasaak kuungaá múk sawén, AAKOÓ MUNGÚ ina ateét qoomár aníng niwa baraá guruú aayoórí kaahh, ina umií tsaát qoomár niwa baraá guruú aayor'eéní kaahh.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

ISAYA 52:13

Ga/aawaak, sagadiyusmooeé' i daqaari'iit ku iia tleerees nee kuri gáwtí tlees nee ilaiwa/amér ur ga sláy.

ISAYA 56:8

Aakoó MUNGÚ kudá' mukduú Israeli aa tsiyayaxaat gu burumburiím i kaahi, «Aníng múk hatlá' ngu burumbuúr dír kwí naa geerií burumbuuri.»

YEREMIA 1:5

«Iimír qoomár kuúng tuwa tsihiiká baraá guruú aayooro aníng kuúng una xuú', nee qoomár tuwa laqwaaliiká aníng kuúng una hhoohhoeés, una tsawaár as tawa aarusmoó xoordu.»

SEKARIA 6:13

Inós an heedá' Doó AAKOÓ MUNGÚ gu tleéhh, ilaiwa/amér waawuti'iima ga sláy, iri iwiit gawaá kitángw waawuti'iima, iri waawuti'ín, nee bihhaawose kaahamusmoó Mungú i deér, nee tla/ángw inooínaaká' tsare xu'utír wayda i deer.

Matayo 11:27

Iri oó', «Baabuúeé' umuú gaaro nga gawaá dabaaeénií qaás. Ala heé Garma gu xuú' i kaahh, aqo har Baabá kilós. Slám heé Baabá gu xuú' i kaahh, aqo har Garma kilós nee kudá' Garma xu'utisaro aa slaá'.

Matayo 15:24

Yesu giri báy, «Aníng dír ti ya/aáw a dír múk Israeli kilós, kudá' aa adór bee/ángw wa qwaar.»

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 23:37

«Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Luka 19:42

iri oó', «Geeraawo masók tam kiíng muruudá' una xú' deelór laarihe oo wayduú huúw diroge. Ala hám daxta kwaa luú/ dír ilaawoge.

Yohana 3:35

Baabá Garma gu slaa'. Inós mura' sleémeero gwa dabaá Garmií qaás.

Tlehhema'aá ya/Abuuse 10:36

Kuungá' Ya/abtoodá' Mungú aa huúw dír múk Israeli a xuá', Ya/abtoodá' hho' ar wayda ar loohír Yesu Kristo. Inós an Aakoó muu sleémeero.

Rumi 15:8

Án kuungá' nun baw Kristo aa sagadiyusmoó múk Yahudi tleehhiít, as ngiwa laqan adór muruudá' Mungú aa oó' tar ló'. Inós al'axweesantadá' aa dír baabi'iirén i oó' ga boo/ees.

Galatia 1:15

Ala Mungú aníng ina tsawaár iimír aníng tiwa laqwaaliiká, iri ateét as gurtleemuuwós, as aníng inós nguwa sagadiyuus.

1 Petro 3:22

Inós ina tsa/án gawaá doori, iri iwiít dákw doó /iyáy oo Mungú. Malayke nee kudá' aleesleemuú koomá' nee kudá' /uuruú koomá' kaa gawaá dabaawósií qaás.