ISAYA 49:25 - Biblía Axweesantá Hhohho' ar Mungú 2004

²⁵ Looeemaawo AAKOÓ MUNGÚ i kaahi, «Tam haasaánguú heé migusmo ku hayoh tam haasaánguú heé xaraásl kuqo hayoh. Asma mukdá' nee kuúng ti tlampa'aamisá' nee aníng ti tlampa'aasaán, nee aníng na/iiwók i ba/amís.

ISAYA 49:25 Iomraidhean Croise

IIMU/UUNGW 12:3

Oo kuúng u tsuúq, án u tsuúq, Oo kuúng u lu'umís, án un lu'ús. Nee baraá kuunge xoordu sleémeero kin tsuuq.»

WARA'AMI 35:1

AAKOÓ MUNGÚ kudá' aníng i il/aamá', ila/eek, aleeslaqwáng dír mukdá' nee án slaqwa'a.

ISAYA 10:27

Slám male ale baraá deeloodae huwaawós gi hingees gawaá suumaroge, nee taaqwaniirós gawaá istoge gan giqáy.»

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 14:2

Múk xoordaá hatlá' múk Israeli kunar tláy, kway ki/is baraá yaamuuín kudá' AAKOÓ MUNGÚ aa haniís, baraá yaamuudaá AAKOÓ MUNGUHE. Múk Israeli mukduú xoordaá hatlá' kuri aal, tawa adór lawaalér hhawaate nee ar /ameena. Mukdá' inooín gaa loohatis ngun loohatisiyá', nee kudá' inooín gaa baraamaanuus nguri sawaawuti'iná'.

ISAYA 19:20

Muruuwí tari laya nee lamabu'uungw dír AAKOÓ MUNGÚ Aleesleemusmoowo baraá yaamaá Misriro, qoomár birna amór AAKOÓ MUNGÚ i /aa/iyé' as baramaanusmo, inós gin ba/amusmoówí ya/aaw, giri aleekalaa/, giri ba/amis.

ISAYA 25:4

Asma kuúng ana dír guwaay tleehhít dír narkutmoowo, ana koo/ír gawit tleehhít dír heé aa aleni oo baraá slahh'amu, ana dír guway tleehhít qoomár bambaaór xaraasla, nee ana mahhtí tleehhít qoomár siree/iro. Asma slahhtá múk tlákw i xarásl adór bambaaór fukukuú' gawaá koo/i.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 33:22

Asma AAKOÓ MUNGÚ an kudá' kwasleemaduurén ngi tlaáq nee ti sawaawuti'ii'iím, AAKOÓ MUNGÚ an waawutmoorén, inós atén tin ba/amis.

ISAYA 35:4

Múk da'ayumiít ku beera', mune hhe'eesé', ma da'ayumitaara', Ga/aawaak, Munguúhúng ni hardah as li/aay nguwa bui, Inós li/aay gun buu' gawaá wakuuserhúng. Inós ni hardah as kuungá' nuwa ba/amisi.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 5:29

Slaqwaruuser'ín in /orótl adór diraangw, nin /orootliyá' adór na/aá diraangw, kudá' /orootlá' nee sluqor'ín ngi oohá' ngiri huwiyé' amór saaw dír heé ga tuú/ iwa kahhi.

ISAYA 51:14

Kudaádá' ta slahh'eemisi ki gaanslár tuu/, ta qatliiká, sleeme ta /eetiiká baraá bohoongw, slamí muruú /ayma ngu dakusiaaká.

ISAYA 51:22

AAKOÓ MUNGÚ Munguúwók, kudá' mukós aleekal/aám, i kaahi, «Ga/aawaak, án slooqomoodá' nura oonitís ugwa hingeés. Kuungá' slooqomooduú buhhtaaeé' u wata'aaká.

ISAYA 54:13

Na/iiwók sleémeero ki intsaahhatis nee AAKOÓ MUNGÚ. Diihhooár na/iiwók iri tláhh.

YEREMIA 15:21

Aníng kuúng un ba/amís baraá dabaá múk tlakwe nee un tuú/ dír múk xaraasla.»

YEREMIA 29:10

«Anuú AAKOÓ MUNGÚ an kah, ‹Alaá kureeraá mibeeraá faanqwe awa hotaahúng baraá yaamaá Babuloniro, aníng ni hardáh, qoomaarihe al'axweesante'eé' tidá' ngiri boo/eés ar nuwa ki/is baraá yaamuuká'.

YEREMIA 31:11

Anuú AAKOÓ MUNGÚ múk Yakobo ngwa gweér baraá tseegamooro. Una ba/amís dír kudá' inós gu baá/ /uuruuwo.

TLAHHOÓ LAÁWI 25:54

Ala bar heesíng kwaa tu/iiká nee mukós, ku gweeri kurkú inslaslángw kureeraá mibeeri kooane.

NAHUMU 2:13

Ga/aaweek, AAKOÓ MUNGÚ Aleesleemusmo i kaahi, «Án a slaáqw nee kuúng, gaarduwók kudaá slaqwara i hhamiís ar asla, slaqwaruuseerók tidár adór direeri ngari tsuú/ ar paánga. Sluqoorók tidá' sleémeero an amór saáwí kwaáhh baraá yaamuwo, nee afór ya/abuuseerók kay malé axasiiká baloó alé.»

SEKARIA 14:12

Nee xoordu sleémeero kudá' naa slaqwarár aye' amór gixsár Yerusalemu AAKOÓ MUNGÚ gin muux ar tiqtír tlakw, slaqooín niri tsutsatsuiyá' sihhtanoórí ale, nee ilaaín niri tsutsatsuiyá' baraá xoxi'ii'ín i ale nee tsifreeri'ín niri tsutsatsuiyá' baraá afer'ín i ale.

SEKARIA 14:3

Diirí an dír AAKOÓ MUNGÚ niwa ti'iiti, inós nee xoorduuká' tiri muxiyá' adór /iisí ir slaqwaaqun.

SEKARIA 9:11

Anuú AAKOÓ MUNGÚ a kah, «As tseerér alqador'eé' tidá' taa axweesaán nee kuungá', mukdá' taa tsegiít ngu baraá hhalángw ma'aá koomaaká wa duúx.

Marko 3:27

«Heé dahamu gu aleesláw baraá doó heé /uuruú koóm i kaahh, xoosla gay hayoh, barnaxes heedaádá' /uuruú koóm gwa geerií tseegiiká, daqaní do'dá' gway sangw /awa/awín.

Galatia 4:26

Ala /ameenidár hatlá' an adór gixsár Yerusalemu tidár gawaá doorí dirii'. Inós an lawaalo'oorooká, nee an aayoorén.

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.