ISAYA 49:22 - Biblía Axweesantá Hhohho' ar Mungú 2004

²² Aakoó MUNGÚ i kaahi, «Ga/aaweek, aníng dakw'eé' u gáwtí tleés amór xoordu, laya ngiri tleéhh dír muu, inooín daaqayhúng nguri da/eewér huwyá', tam dasuuhúng nguri gawaá sum'i'ínár huwiyá'.

ISAYA 49:22 Iomraidhean Croise

WARA'AMI 102:22

qoomár xoordu bar taa dinkwár i burumburiít, AAKOÓ MUNGÚ kuri sluufmiís nee waawitá sleémeero.

WARA'AMI 22:27

Múk baraaká' yaamu sleémeero kaangwí oo AAKOÓ MUNGÚ ku insláy, tari amoorósí kii/. Múk xoordu sleémeero nee tlahhi'i sleémeero AAKOÓ MUNGÚ kway i tumbarara'aat.

WARA'AMI 72:17

Yaeemír waawutmo i kumaamit, waawutmo ku diidi'iimaamisi qooma sleémeero ar tsee/amá iwa gwa/aati, xoordu sleémeero tsuuqa ngi slaye' ar inós, nee inós ku bay, «Kudá' taa tsuúq.»

WARA'AMI 72:8

Inós aleesleemu ngu kon bihhér yaamu sleémeero, iimír yaaeedá' ur ar ta babay Eufrate ay alhhe'eesoó yaamu.

WARA'AMI 86:9

AAKOÓ MUNGÚ, xoorduudá' sleémeero kuúng taa tléhh u i hardihiyá', kuúng turi i tumbararaa'amiit, umuuwók kuri xirfayemiis.

ISAYA 14:2

Múk xoordaá hatlá' múk Israeli kunar tláy, kway ki/is baraá yaamuuín kudá' AAKOÓ MUNGÚ aa haniís, baraá yaamuudaá AAKOÓ MUNGUHE. Múk Israeli mukduú xoordaá hatlá' kuri aal, tawa adór lawaalér hhawaate nee ar /ameena. Mukdá' inooín gaa loohatis ngun loohatisiyá', nee kudá' inooín gaa baraamaanuus nguri sawaawuti'iná'.

ISAYA 18:3

Kuungaásaá yaamuloouusér baraá yaamu sleémeero, iia qaasaak, kuungaásingá' baraá yaamú wa hootá', qoomár bendeéra bar ka gawaá tlom'í wa tleés ta qaytsitá', qoomár tarumbeéta barka ufaáhh iia ka qasá'.

ISAYA 43:6

Aníng bihhaá /iya in baw, ‹Muk'eé' geemawaak.› Bihhaá basa ngiri baw, ‹Muk'eé' mu ila/amara'.› Daaqay'eé' amór saáw wa ki/isare' nee dasuueé' amór alhhe'eesoó yaamuú wa ki/isare'.

ISAYA 49:12

Ga/aawaak, muk'eé' ngu amór saáw wa ki/ís, bihhaá /iya nee /uwaawo, nee amór yaamaá Sinimuwo.

ISAYA 62:10

Kuungá' múk Yerusalemu, afér gixsaaro tsee/ay ti'iitaak, loohi amohhe'eesaak as muu. Loohír ur tleehhaak, tlaa/e hingeesaak, laya laqamaak as muu.

ISAYA 66:19

«Aníng laya an qaás, baraá tla/angw'ín, dir'ine awa na meetiye' ngiri huúw baraá xoordu, amór Tarshishi, nee amór Puti, nee amór Ludi kudá' ga/aldaá xuá' tlaqutuwo, nee amór Tubali, nee amór Yowani, amór ayeemoodá' sawen awa afaá tlawi kudá' handá' kangw'eé' ngwa axasi'iiká nee xirfuueé' ngwaa ari'iiká. Amoodae muk'eé' xirfuueé' guri alki/iit dír xoordu.

ISAYA 66:20

Hhaeehúng sleémeero kingay ki/is baraá xoordaá hatlá' wa ale adór ilahhooár anuú AAKOÓ MUNGÚ. Kingin ki/is ar faras, nee ar gaardu, nee ar /aampu, nee ar wayshama' nee ar angamiadu ay baraá gixsár Yerusalemu dír tloomar'eé' tidá' hhoohhoo'. Inooín kingi huuw, adór múk Israeli ilahhooár balaangw kingir haahuwi baraá xooslmoó hhoohhoó ar ale ay dír dooeé' anuú AAKOÓ MUNGÚ.

SEKARIA 8:22

Múk yaariír nee xoordaá /uureemaá koomá' ni hardihiyá' ay Yerusalemu as anuú AAKOÓ MUNGÚ Aleesleemusmo iwa leelehhiya' nee iwa harhheehhe'eesiya' as ngiwa gurtlaw.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Luka 13:29

Aluuwo muu nin hardah oo da/aáw daáhh nee /uwawo, nee oo /iikú daáhh nee basko, nee inooín tari iwiit dír muruú /ayma baraá waawuti'iimár Munguhe.