ISAYA 49:21 - Biblía Axweesantá Hhohho' ar Mungú 2004

²¹ Daqaní kuúng tay baraá gurií o', ‹Heé iga na/iikí laqwaal? Na/iieé' nina hhané' niri faakiyé' baraá loohaay amoodá' saaw, heé na/iiká ngaa urees? Ga/aawaak, aníng aáng tina kilooeé' geexáy, kuká' amór i dahhiya' a amoomá?› »

ISAYA 49:21 Iomraidhean Croise

ISAYA 1:8

Gixsár Siyoni kaa kilós geexáy, adór islángw baraá qaymór sabiíbu, adór hháw qaymór taangí, nee adór gixsár taa harweér nee slaqwaruuse.

ISAYA 27:10

Asma gixsadá' koo/i gawit kaa kilós geexáy, kana geexáy kari máy adór xaanxaay, makaay kin baraadá' wa de'én niri tlahhminá'. Nee haleemiiwós ngiri /ayiyá'.

ISAYA 29:23

Asma qoomár na/ii'ín birnga ariyé', kudá' aníng naa inooíní haniís, inooín umuueé' nguri xirfayeesiyá', umuú Kudá' Hhoohhoó' oo Israeli nguri xirfayemisiyá', nee Munguú Israeli nguri ilaiwawa/iyá'.

ISAYA 3:26

Afér gixsár Siyoniro gaa a wa/aa/i nee tsuunqumis, gixsarí tari adór /ameenír taa geexáy ar pakáy, iri iwít baraá teeri.

ISAYA 5:13

Gawaá adoorihe, muk'eé' ku loohatis asma sagawasler'ín. Mukhúng kudá' ta ilaiwawa/i qwari gu tsuu/, múk yaariír waxe gu tsú/.

ISAYA 52:2

Teeri kukueek sihhiitáng, kiíngasír Yerusalemu taa haasaáng wa ar tláy, teeri kukueek, sihhiitáng. Kiíngasír dasír Siyoni taa haasaáng wa huúw.

ISAYA 60:15

Kiídár aáng taa sií' nee taa aáhh, tam heé baraadár waaraáhh i kaahh. Ala hamí daxta i xirfayeés ay alhhe'eesay wasle. Tari gixsár qwala/ baraá qari sleémeero.

ISAYA 60:8

Muruuwí aa /akumiit adór huunkáy a milá? Adór hhookár harakikii/ amór maray'ín.

ISAYA 62:4

Kiíng ti male bayká, «Ar taa sií'.» Nee yaamuuwók ki male bayká, «Deewa'ame.» Ala tin bay, «Ar ni slaa'.» nee yaamuuwók kiri bay, «Awa taa duúx.» Asma AAKOÓ MUNGÚ kiíng ugwa sla'atís, nee yaamuuwók ki duux.

ISAYA 64:10

Gixsaduuwók kudá' hhohho' naa darma tleehhitiyé' Siyoni aa darma tleehhít, Yerusalemu aa deewá'.

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

Rumi 11:24

Asma kuungá' múk xoordaá hatlá' tunduna gawaá xa'anoó sla/atá wa tsaát, tunduri haátl gawaá xa'anoó taa dahaás. Múk Yahudi a adór haleemiidá' kilá' awa xa'anoodá' taa dahaás. Ala a gár ak inslaahh haleemiidá' taa tsaát kiwa ki/isi gawaá xa'anoodá' i dahhiya', ta haleemiidá' xa'anoó sla/ato.

Galatia 3:29

Ala kuungá' bar múk Kristo, kuungá' a xwaylár Abrahamu sleeme. Gawaá adoorihe aalidá' ar Mungú a toohúng asma al'axweesantadá'.