ISAYA 48:7 - Biblía Axweesantá Hhohho' ar Mungú 2004

⁷ Muruuwí laarí tleehharumiít kuúng ugwa geerií axasiká. Kahhó' a o'ká, «Ga/aaweek, aníng muruuwí u geerií xuu'.»

ISAYA 48:7 Iomraidhean Croise

YOBU 32:13

Ti harmagahhe' hee miwa oo', ‹Daxta sagalooa aga sláw, Heé Yobu gur baá/ a Mungú, a heewooká.›

ISAYA 48:6

Muruudá' naa geerií axweés, sleémeero araak daxta. Daxta u malé alki/ita'aakáhe? Ala iimír hamí kuungá' muruú /abén u axasá' kudá' taa luú/ kuúng ta baloó xu'ká.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»