ISAYA 48:20 - Biblía Axweesantá Hhohho' ar Mungú 2004

²⁰ Hám daxta tlawé' Babulonír wa ale, /akumiité' yaamaá Kaldayór wa ale. Kaangwí alki/itaak ar tseeór qwala/, kaangwí ooaak, afoorí ya/aawaák ay ku/uyaá yaamu, ta oa', «AAKOÓ MUNGÚ múk Yakobo kuduú sagadiyuuseerós gwaa ba/amís.»

ISAYA 48:20 Iomraidhean Croise

2 SAMUELI 7:23

Slám baraá yaamuwo muu a gaalá oo ta slaqasi nee mukók oo Israeli? Kudá' Munguúín aa ba/amisár áy as tawa mukós. Muruú urén oo waa/oo/amo guri tleéhh baraá yaamuuwose dír geeraá mukose, umuuwós iri xu'utiít. Giri ba/amisár áy baraá Misri as inós, xoordu giri geeraaín wa guús nee mungui'ine.

ESRA 2:1

Mukwí an kuduú aya, kudá' naa waatl baraá loohaywo, kudá' Nebukadnesa, waawutmoó Babuloni aa loohatís ay yaamaá Babuloni, inooín tay kií/ yaamaá Yerusalemu nee awa Yuda, umuú heewo ayaawós.

WARA'AMI 126:1

AAKOÓ MUNGÚ tiwa malé ki/ís Siyoni, a adór tlata direne.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 12:4

Baalaadae kuungá' an oa', «AAKOÓ MUNGÚ sluufmisaak, firimaak ar umuuwós. Xoordu tlehhmi'iiwós ti xu'utise', adór umuuwós ira xirfuút na alki/iitaak.

ISAYA 24:14

Panaydá' aa meet iri tseeamín, iri daa' ar qwala/, tari tseeamín iimír /uwá wa alé as aleesleemuú AAKOÓ MUNGÚ.

ISAYA 26:1

Baalaadae daa'angwí ku daa' baraá yaamaá Yudawo, atén gixsár gawit a koomaán, Mungú ba/ama ngin atén ar harwediit adór koo/i.

ISAYA 42:10

Daa'ángw /abén daa'aak dír AAKOÓ MUNGÚ, hhapeemo sleémeero xirfuuwós ngu daaiye'. Gimsé' tlawi i /orotl nee umuúqo gár baraadá' i diriia, ayeemaá sawen nee yaamuloouuser'ine.

ISAYA 43:1

AAKOÓ MUNGÚ, Kudá' kuungaá múk Yakobo naa tleehh, kudá' kuungaá múk Israeli naa buqumbuqun, i kaahi, «Ma da'ayumitaara', asma kuungá' naa ba/amís. Aníng kuungá' naa ateét as tawa kwe'eé'.

ISAYA 44:22

Aníng dakumisuuhúng kuduú adór huunkáy ugwa fiíts, nee tlakweemaahúng kudaá adór tlaanguhe. Amor'eé' ki/aare', asma aníng kuungá' naa ba/amís

ISAYA 48:6

Muruudá' naa geerií axweés, sleémeero araak daxta. Daxta u malé alki/ita'aakáhe? Ala iimír hamí kuungá' muruú /abén u axasá' kudá' taa luú/ kuúng ta baloó xu'ká.

ISAYA 49:13

Kuungaá doóri daaé' ar qwala/, kuungaá yaámu xirfayeemisé' kuungaá tlóm'i baraa/é', asma AAKOÓ MUNGÚ mukós gwaa gurkwa/ás nee mukós kudá' aa slahhahhaa' gwaa gurtláy.

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 51:14

Kudaádá' ta slahh'eemisi ki gaanslár tuu/, ta qatliiká, sleeme ta /eetiiká baraá bohoongw, slamí muruú /ayma ngu dakusiaaká.

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

ISAYA 52:11

Tlawsé', tlawsé', gixsár Babuloni geexawaak, gár slasla/aar ma kwatimitara'. Ti'iité' baraá gixsaro, ti kiloohúng hheehhe'ese' kuungaádá' xooslár AAKOÓ MUNGÚ loohisá'.

ISAYA 52:9

Taangwaá yaamaá Yerusalemu daaé', asma AAKOÓ MUNGÚ mukós gwaa gurkwa/ás inós Yerusalemu gaa gweér.

ISAYA 62:11

Ga/aawaak, AAKOÓ MUNGÚ kaangwí gwaa alki/iít ay ku/uyaá yaamu, múk Siyoni bawaak, «Ga/aawaak, ba/amusmoohúng naa hardáh. Nee qeemuuwós gu kón, bu'utuwós i dír geeraawós.»

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

YEREMIA 31:10

Kuungá' xoórdu, axweesantá AAKOÓ MUNGÚ iiárií qaasaak, ilahaniisaak dír ayeemaá sawene, kudaá iisaapoó tlawi, tawa kata', ‹Aníng muk'eé' oo Israeli una diyaá/, ala daxta un burumbuúr nee un geerahaár, adór de'eemusmo bee/aangós ngur geeraharhaahari.›

YEREMIA 31:11

Anuú AAKOÓ MUNGÚ múk Yakobo ngwa gweér baraá tseegamooro. Una ba/amís dír kudá' inós gu baá/ /uuruuwo.

YEREMIA 31:21

Loohirók tí alhooreseek, kikiár u geerahaar slahheek, ma sagaqwaaraar loohidá' ur ooharo, tidá' taa ót qoomár tawa tlatleer. Aá Israeli, kií/, amór do' ii ki/eek baraá gixsaduuwók.

YEREMIA 50:2

«Afo ilahanisaak baraá xoorduwo, Bendeéra gáwtí tleesaak nee ka oá', ma gaa lu/aara', ooaak adór yaamaá Babuloni kira hayóh, munguú ta bay Beli kwaa mureekeés. Munguúdá' ta bay Merodaki kwaa dae tsaát, murslaaqatuuín kwaa mureekeés nee slaqsi'ii'ín kaa dae tsaat.

YEREMIA 50:28

«Iia qaasaak, inooín naa /akumiitiyé', naa kotsqomitiyé' baraá yaamaá Babulonír wa alé, ta baraá Siyonír wa kángw ilaharmiis adór AAKOÓ MUNGÚ, Munguúrén li/aay ngura buú', li/aay as Do'ós kudá' hhoohhoó'.

YEREMIA 50:8

«/Akumiité' baraá yaamaá Babuloniro, tsee/áy ti'iitaak baraá yaamaá Kaldayo, umuú heewo kuqá' munguwa dán, adór gurtuú geeraá aara.

YEREMIA 51:45

Muk'eé', ti'itaré' baraasinge. Umuú hee slaqwtós ngi tu/i dír buhhtaá xaraaslá' awa AAKOÓ MUNGUHE.

YEREMIA 51:48

Naagáy doori nee yaamu, nee umuúqo gár baraaínií diriia, tari daa' ar qwala/ as Babuloni, asma hhituusér /iikú daahh aa amor'ínií haratleér. Anuú AAKOÓ MUNGÚ tí ngina oó'.

YEREMIA 51:6

Baraá Babulonír wa /akumiitaré', umuú heewo slaqwtós ngi tu/i, mutunduwa hhaamiís baraá sakwasleemarós, asma qoomaarihe AAKOÓ MUNGÚ i li/oó bu'ún, yaamuudá' gin sakwasleemuut ar adoodá' iwa harina'.

SEKARIA 10:8

Aníng muk'eé' un ateét nguri dinkwaárií burumbuúr, asma iga tuú/, inooín niri adoodár aángár tlahhiyá'.

SEKARIA 2:10

AAKOÓ MUNGÚ i kaahi, «Kiíng gixsár Siyoni, daá', qwalalaá/, asma ga/aawaak aníng ni hardáh nee kuungá' niri alhootaán.

DABE 30:4

Tam geera kuungá' tunda diyaa/i baraá ku/uyaá yaamu awa saawá', AAKOÓ MUNGÚ, Munguúhúng nun burumbuúr nuri ki/is.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Geehhoeemaá 18:4

Aníng afór hatlá' ngiri axaás ar gawaá dooraá daahh. Afoorí i kat, «Muk'eé', kuungá' ti'iité' baraawose, as ma dinku'uumisaara' nee inós baraá tlakweemaawose, nee slám as kuungá' mutunduwa muúx dinkwa nee inós.