ISAYA 48:11 - Biblía Axweesantá Hhohho' ar Mungú 2004

¹¹ Adoorí an tleéhh as daanduueénuú kilá'. Asma waáy gár umuueé' kus waaqaqai? Aníng xirfuueé' u baloó heé hatlá' i haniisaaká.

ISAYA 48:11 Iomraidhean Croise

WARA'AMI 106:8

Ala tam adoorihe gina ba/amís as umuuwós, as aleesleemuuwós oo úr nguwa laqan.

WARA'AMI 115:1

A ateneeká, AAKOÓ MUNGÚ, a ateneeká, ala kuúng kilók na xirfuút, as sla'aarirók ar warqawaaká nee inkihhimuwók.

WARA'AMI 25:11

Aá AAKOÓ MUNGÚ, tlakweemaaeé' gurtlaweek as umuuwók, asma tlakweemaaeé' ki yaariir.

WARA'AMI 25:7

Tlakweemaeé' nee dee/aanuueé' awa iimír án tawa masoomo mi inslawaar, aá AAKOÓ MUNGÚ, án inslawáng ar har qoomoó sla'aarirók ar warqawaaká asma hhooeemawók.

ISAYA 37:35

Asma aníng gixsarí an xuúm nee an ba/amís daanduueé' wá ale, nee as daanduú sagadiyusmooeé' Daudi.› »

ISAYA 42:8

Aníng umuueé' a AAKOÓ MUNGÚ, xirfuueé' u hanisaaká dír heé hatlá', laqaá xirfayemisuueé' u hanisaaká dír munguaá murslaaqat.

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

ISAYA 48:5

Aníng kaangwí nguna iimír aáng wa oó', dír ira tleehharutiiká aníng nguna dirhúng i oó', aluuwo ma ooaar, «Murslaaqatuueé' kwí muruuwí guna tleéhh, murslaaqatuueé' kwí naa daákw nee naa kwahhuút kaangwí guna oó'.»

ISAYA 48:9

Daanduú ilaiwa/amér umueene aníng buhhta iga máw, asma daanduú xirfueene mune aga guú/ aluuwo aníng kuúng muwa qororo'oós.

ISAYA 52:5

Hám daxta gawaá adoorihe anuú AAKOÓ MUNGÚ a kah, ‹Aníng gár ni tleehh diirihe bar muk'eé' kuna tawo ar tláy dír ilaaeé' wa ale. Waawitaáín ta tsuunqumiis.› » AAKOÓ MUNGÚ i kaahi, «Umuueé' kun /oosliislín umuú daqto.

YEREMIA 14:7

Muk'eé' iga i /aá/ tawa kaahi, «Tam tlakweemaarén i lamaabu'uná' daandeemorene, AAKOÓ MUNGÚ atén kuúng ti alee/is as kuúng kilók, dee/aanurén ku úr, atén kuúng ugwa tlakweemáy tleehhaán.

ESEKIELI 20:14

Ala aníng tina kilooeé' ilaa/, as ilaiwa/amér umuueé' makawa waaqaá' nee xoorduudá' ngaa ariye', qoomár inooín ngiwa duúx baraá yaamaá Misrír wa aleeró.

ESEKIELI 20:22

Ala aníng dakw'eé' una ilaá/ as ilaiwa/amér umuueé', makawa waaqaá' nee xoorduudá' inooín ngaa ariye', qoomár ngiwa duxuum baraá yaamaá Misrír wa aleeró.

ESEKIELI 20:39

«Hám daxta kuungaá múk Israeli, anuú Aakoó MUNGÚ nun babaw, ‹Án bir iialooeemisa'aaká, kár ala gimsé', kumité' munguaá hatlá' sluufmisuuwo, ala tundun /uurutis umuueé' kudá' hhoohhoó' kuwa meera' /osliisliingo ar ilahhooa nee slaqsi'iihúng kudaá munguaá hatlá' kudá' ta haratlintaatia'.›

ESEKIELI 20:44

Kari tsahhá' adór aníng tar AAKOÓ MUNGÚ, qoomár burna adór harimaaká i tleéhh, adór alqoomaaká nee tlehhmi'iihúng kudá' tlakw, ala adór ilaiwa/amér umuueé'. Anuú Aakoó MUNGÚ tí aga oó'.»

ESEKIELI 20:9

Ala aníng adoorí tleehhamooro ana máw as ilaiwa/amér umuueé', as kahhó' mukuwa waaqaqaá' nee xoorduudá' nee inooín alhootá', kudá' ngaa ariye', aníng tiwa xu'utís ngiwa duúx baraá yaamaá Misrír wa alé.

ESEKIELI 36:22

«Gawaá adoorihe múk Israeli kubeer, Aakoó MUNGÚ i kaahi, Tí ni tleehhár wa slaa' a tleehhaaká as kuungá', ala an tlehhiít as ilaiwa/amér umuueé' kudá' hhoohhoó', kudá' kuungá' taa slasla/areesé' baraá tla/ángw xoorduudá' ti diya/até'.

DANIELI 9:17

Gawaá adoorihe, Munguúeé', firór sagadiyusmoowók iiarí qaaseek as kuúng. Ar gurtleemuwoge didár hotaawók tidá' taa hhitín male gurtlaweek.

Yohana 5:23

as muu sleémeero Garma nguwa ilaiwawa/i, adoodá' Baabá kur ilaiwawa/i. Heé Garma gu ilaiwawa/aaká, tam Baabuúdá' Garma ngwaa ya/aaw gu ilaiwawa/iiká sleeme.

Rumi 2:24

Asma Gooi i kat, «Umuú Mungú ku waaqaaqaa' nee múk xoordaá hatlá' as kuungá'.»

1 SAMUELI 12:22

AAKOÓ MUNGÚ mukós gu geexayká as ilaiwa/amér umuuwós kudá' iia tleér, asma AAKOÓ MUNGÚ adoorí guna sla'atís ar kuungá' nuwa mukósuú kilá' tleehhi.