ISAYA 48:1 - Biblía Axweesantá Hhohho' ar Mungú 2004

¹ Iia qaasaak doó Yakobo, kudá' taa umuú Israelí tsaát, kuduú xwaylár Yuda. Kuungaádá' lo'ór /ayá' ar umuú AAKOÓ MUNGÚ nee kuungaádá' Munguú Israeli ngu tawo afeérár kaahá', ala ar looeemaawooká laqaá ar adór gana'aaká.

ISAYA 48:1 Iomraidhean Croise

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

IIMU/UUNGW 35:10

Mungú guri báy, «Umuuwók a Yakobo, ala tu malé bayká Yakobo, ala daxta umuuwók an Israeli.» Guri ateét «Israeli.»

2 WAAWITÁ 17:34

Tam hamí tlehhmi'ii'ín kudaá qaro kin alkón tlehhtuwo. Inooín Mungú ngu sluufmiisiaaká, laqaá adoodá' AAKOÓ MUNGÚ i slai ngi eeharahariaaká nee dabeerose nee kaahirose. Hara'ayarí an tidá' AAKOÓ MUNGÚ aa haniís dír na/aá Yakobo, kudá' aluuwo umuuwós aa báy, «Israeli.»

2 WAAWITÁ 5:20

Gehasi, sagadiyusmoó Elisha heé Mungú iri baraá guruuwós i oó', «Hám qaytsiít, aakooeé', muruudá' Na'amani heé Aramu naa huúw gwa sií' ooharo. Ar adoodá' AAKOÓ MUNGÚ ir hotaatina, aníng un alta'aaím as gaa ngiwa slaw dirose.»

WARA'AMI 63:11

Ala waawutmo Mungú gun sa qwalalaa/, kudá' sleémeero al'axweesani nga qaasiye, ar umuuwós ta qwalalaa/, ala afér lamuuse kan xasltis.

WARA'AMI 66:3

Mungú bawaak, «Tlehhmi'iiwók iwa dae tlaaqiya' a adór milá? Asma /uuruuwók ku úr, wakuuseerók ni hardát, tiri dír geeraawógií niinaweemís.

WARA'AMI 68:26

«Mungú diidi'iimisaak baraá boo/oó ure, AAKOÓ MUNGÚ xirfayeemisaak, kuungá' sleémeero awa xwaylár Israeli!»

WARA'AMI 68:27

Benyamini a tlahhoó niiná in giirín, aluuwós geeraharuusér hhay Yuda nee muk'ín, aluudá' tari geeraharuusér Sebuluni nee ar Naftali.

TI'INAANGW 23:13

«Muruuwí sleémeero naa kuungá' báw iialooeesaak. Munguaá hatlá' mi firiirimaara', tam umer'ín makawa axaás gawaá aferhunge.»

AXWEESANOÓ SAGALOOA 5:16

Ahaá asma gár ma'aá baraá tsiinqarók dahhá' kis tsee/ár fak? Nee kutltá hhalaangók gár kas baraá lohaá urén i hup?

ISAYA 26:13

Aá AAKOÓ MUNGÚ, Munguúrén, bariisér hatlá' atén tina balít, ala atén kuúng kilók un lamabu'umaán tawa Munguúrén.

ISAYA 44:5

Oo wák iri ooi, ‹Aníng oo AAKOÓ MUNGÚ.› Kooko in ooi, ‹Aníng oo doó Yakobo.› Oo hatlá' /aymuuwí guri gawaá dakós i gooín, ‹Anuú doó AAKOÓ MUNGÚ.› Umuú tlahhaywós guri bay, hhay Israeli.»

ISAYA 45:23

Aníng lo'o aga /aáy kilooeé', asma baraá afkueene /ayma'aá ti'imiitá a axweesanoó ganaá'. Axweesante'eé' i tawo ki/ká. Umuú heewo ni dir'eenií tumbarara'aat. Umuú heewo lo'o gan /aay kuwa inkihhím dir'eene.

ISAYA 46:12

Kuungaáká sage gawden aníng iiárií qaasaré', kuungaásíng saaw dír ba/amaro aníng iiárií qaasaré'.

ISAYA 51:1

Aníng iiárií qaasaré' kuungaádaá hotaá ganaa'á' ngi sla'á', kuungaá AAKOÓ MUNGÚ leelehhiitá'. Tlaa/adá' tunduwa dakuút i qaytsitaak nee baraá bohongwdá' tunduwa duúx ar folit.

ISAYA 51:2

Baabuúhúng Abrahamu ga/aawaak nee Sara tidá' kuungá' naa laqwal. Qoomár án Abrahamu nguwa ateét na/aay gu konká, Ala aníng nguri tsuúq, na/iiwós ngiri ló'wa yaareés.

ISAYA 58:2

Tam adoorihe umuú deelooro in i hardarahiyá' iwa firirina' nee loohir'eé' xu'utiro ngiwa slaiya', baré kwaáo' inooín an xoorór hota ganaa' nee ar dabér Munguúín gaa si'ká. Inooín aníng in slaiyá' kwasleema ngiwa adór ganaá' ar tsaat, nee kwaáo' Mungú nguwa i tseewuya' ngi slaiyá'.

ISAYA 62:8

AAKOÓ MUNGÚ lo'o gaa /aáy ar dakós oo doó /iyáy nee ar dakwduú aleesleemú koóm, i kaahi, «Aníng balangwhúng u male hanisaaká tawa muruú /aymár wakuuserhúng. Tam dahaaye difaáírhúng ga baloó watká tidár gadiyér dabaahúng.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

ISAYA 65:16

Gawaá adoorihe, umuú heé ti kilós tsuuquúm baraá yaamuwo ti tsuuqi ar umuú Munguú ló'. Nee heé lo'ór /aáy baraá yaamuukae, lo'o ngi /ayi ar umuú Munguú ló'. Asma slahh'amaayér aáng aa qaroó gunqaarút, dír ilaaeene kaa qaroó luú/.»

YEREMIA 4:2

Barnaxes lo'o aga /ák ar looeema nee ar sakwasleemár ganaa' nee ar hotaá ganaa'á', tari ó', ‹Ar adór AAKOÓ MUNGÚ ir hotaatina,› daqaní xoordu tsuuqa ngiri dir'eé' wa slayá', tari xirfayeemisiyá' as aníng.»

YEREMIA 44:26

Gawaá adoorihe axweesantá AAKOÓ MUNGÚ iiárií qaasaak, kuungaá múk Yuda sleémeero kuká' baraá yaamaá Misrír hoót. Anuú AAKOÓ MUNGÚ a kah, «Ga/aawaak, aníng lo'o aga /aáy ar umuueé' oo úr, nee a kah, heé Yuda oo yaamaá Misrír hoota oo káh, ‹Adoodá' AAKOÓ MUNGÚ ir hotaatin.› I kaahh tumu wák.

YEREMIA 5:2

Inooín tam lo'o ngi /ayia' iwa kaahiya', «Adoodá' AAKOÓ MUNGÚ ir hotaatin.» Tam adoorihe inooín a lo'o ngin /ayiyá' ar lama.

TLAHHOÓ LAÁWI 19:12

Lo'o ma tawo /ayaar ar umuueé', tam umuú Munguúhúng kuri /oslisliindá'. Aníng an AAKOÓ MUNGÚ.

MIKA 2:7

Xaysé' xwaylár Yakobo, axweesanoó adoorí i qóna? Xáy, AAKOÓ MUNGÚ qitluuwós gwaa máyi? Xáy, inós adoorí ga tlehhaahhíti? Xáy, axweesantaeé' ka hhooeekáhe dír kudá' gan'amúr hoota?»

SEFANIA 1:5

Mukdá' looa nee slahhaangw nee tsatse/ ngi i tumbarara'amiitá' gawaá daandeemaá maray'ín wa alé un qwaareés, nee kudá' ngu i tumbarara'amiitá' iwa lo'ór /ayiya' ar umuú AAKOÓ MUNGÚ, bartaqae i lo'ór /ayiyá' ar munguú lama oo ta bay Milkomu.

SEKARIA 5:3

Aluuwo iri báy, «Gár taa baraá kitaábuuwí gooín a lo'oodá' yaamu sleémeero gi /aay. Bihhaá wák awa kitaábuudae gár taa gooín a adór fisuuse kar qwaareesi iimír hamí ar harqoomoó lo'oodá', bihhaá tsare gár taa gooín a adór mukduú lo'ór lama ga /aa/aáy kur qwaareesi iimír hamí ar harqoomoó lo'oodá'.»

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

FAARO 24:7

Ma'aá bu'uutá' awa /ooma'aaká kin sláy, dahaasingw'ín ma'aá yaariir gi sláy. Waawutmooín ku úr ta Agagiwo, nee waawuti'iimarós iri kángw kilá' wa iia tleeruúr.

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Yohana 1:47

Qoomár Yesu Natanaeli nguwa ár iwa amoorós kay, Yesu iri oó', «Ga/aaweek, heewí a heé Israelú kilá'. Waaqooda i káhh baraawose.»

Yohana 4:24

Mungú a qeeru, nee mukdá' inós gu sluufmiís, gár kuwa hariím a kun sluufmiis ar baraá qeeru nee looeema.»

Rumi 2:17

Xáy kuúng a adoomá? Kuúng a daara/aán asma tawa heé Yahudi. Kuúng gár ta i tliintí' a hara'ayár Mose. Nee slám kuúng an daara/aán tawa kat, «Aníng a heé Mungú.»

Rumi 9:6

Ala a ooaaká axweesantá Mungú ina warqeér. Asma múk xoorór Israeli sleémeero a múk Israeli oo kil'eeká.

Rumi 9:8

Gídaabárós a tí, tlahhoó hee, hee gu na/oó Mungú tleehhiiká. Ala na/iidá' taa laqwalín as al'axweesantá Mungú, kudá' an na/aá Abrahamu.

DABE 10:20

AAKOÓ MUNGÚ, Munguúhúng ilaiwaa/aak, inós sagadiyusaak, ti alkoomakonde' nee inós, nee lo'o ka /agá' ar umuuwós.

DABE 33:28

Gawaá adoorihe, múk Israeli iri saxareemár hoot, xwaylár Yakobo gár ga daawitis i káhh dír yaamaá balaangw nee difaái, yaamaá doori i har'ií paahhamisiya'.

DABE 5:28

«AAKOÓ MUNGÚ axweesantahúng sleémeero gana axaás, aníng iri báy, ‹Axweesantadá' naa kuúng bayé' aga axaás sleémeero, nee axweesantadá' sleémeero i qoón.

DABE 6:13

AAKOÓ MUNGÚ, Munguúhúng ilaiwawa/aak, inós kilós sagadiyusaak, nee lo'o /ayaak ar baraá umuuwós kilós.

1 Timoteo 4:2

Intsaahhasarí amór i dahh a amór mukduú lamuuse. Afoodá' hho' ar baraá muner'ín aa hhitirút adór gár taa daá/ ar muqslír da/a/aam.

Geehhoeemaá 2:9

Aníng slahh'amaayeerók a xuú', nee narkuwoge. Ala kuúng a daqaarmo. Nee slám a xuú' /ooslislíngw mukdá' káh, atén a múk Yahudi, ala laatí a inooineeká, ala inooín a múk Neetlángw eeharahár.

Geehhoeemaá 3:9

Ga/aaweek, mukko i deer oo Neetlángw eeharahár. Inooín ta kaahi atén a múk Yahudi, ala laatí a loeká, ala inooín a lamuuse. Aníng mukwí ngu /uurutís as iwa amoorók i hardihi, nee iwa tumbarara'aati dír geeraawók i alé, as inooín ngiwa tsaahhiya' adór aníng kuúng ur slaá'.