ISAYA 47:6 - Biblía Axweesantá Hhohho' ar Mungú 2004

⁶ Aníng muk'eé' una i buúhh, aalir'eé' ngiri meetagaás, ngiri haniís gawaá dabaawók i alé, ala kiíng iga gurtleeriiká, qoomaadaádae kiíng bariise ana huwár iloói tsa/ás.

ISAYA 47:6 Iomraidhean Croise

2 SAMUELI 24:14

Daudi iri oó' dír Gadi, «Hhaslór yaariir iga eér! Ala a tsiní tiwa slahhi nee AAKOÓ MUNGÚ, ta tiwa qaasi baraá dabaá muu, asma AAKOÓ MUNGÚ i gurtleemuú kón.»

2 QOM'I 10:11

Huwár kuungá' baabuúeé' nay tsa/aás ka ur, ala huwár aníng nuy tsa/aas ka iloo' ta tidár baabuúeene. Baabuúeé' kuungá' nuna muúx ar qawaay, ala aníng kuungá' nun muúx ar xiiraawe.› »

2 QOM'I 28:9

Alaá deelór niinawe heeko wák ta bay Obedi aarusmo AAKOÓ MUNGÚ kudá' Samariár hoót ina ti'iít, slaqwaruusér Israeli gana al'áy dinkwa nee muruudá' naa haasaáng wa huwi'i oo múk Yuda nee muko qoomár niwa tseewúy Samaria, giri báy, «AAKOÓ MUNGÚ, Munguú baabi'iihúng, múk Yuda guna i buúhh, an gár kuungá' kusa balé', ala gaarí amór i dahh a amór Mungú.

2 QOM'I 36:17

Gawaá adoorihe, AAKOÓ MUNGÚ waawutmoó Kaldayo guri amor'ín i tleés. Inós masoombar'ín gari tsuú/ baraá guruú dooín kudá' hhoohhoó' i aleeró, slám hee tumu wák oo taa gurtláy i kaahh, tam dasi laqaá garma, laqaá heé aa din, laqaá oo liitlakusmo. AAKOÓ MUNGÚ muu sleémeero guna haniís gawaá dabaá waawutmoó múk Kaldayo.

2 QOM'I 36:20

Mukdaádá' sleémeero aa /uy tsu/utaaro guri ar tláy ay Babuloni, guri lawaaleerós tleéhh nee lawaalér daaqaywós ay qoomár waawuti'iimár Persia iwa iimu/uún.

ESRA 5:12

Ala qoomár baabi'iirén Munguú doori nee yaamu nguwa buhhtisiyé', ina buúhh giri haniís gawaá dabaá Nebukadnesa waawutmoó yaamaá Babuloni, heé Kaldayo, inós an heé do'owí gwaa hhitin, muu gurir tláy ay yaamaá Babuloni.

WARA'AMI 69:26

Asma heedaadá' kuúng taa múx inooín ngun slahh'eemisiyá', kudá' kuúng taa inkahhi'ií qás, inooín ngun inkaahhamiisiyá'.

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ISAYA 13:16

Na/ii'ín awa qaweero kin xooro qwaarees dír ilaaín wa alé, maray'ín kin hayoh, nee tlaaway'ín kuri uhín ar /uuru.

ISAYA 14:17

Kudá' yaamu ga xaanxaay tleéhhi? Kwí an kudá' gixsadaá baraá yaamu gaa hhaamísi? Aa kudá' mukdá' taa tsegiít gwa sí'i' gweermooro?›

ISAYA 14:6

Hhartadá' naa múkár muxiyé' ar xaraasleema ar muxtár ga/alér ilaa/a wasl. Hhartadá' xoordu kira sawaawuti'ii'ín ar buhhta, nee ar slahh'eemisuú baloó lakiitaaká.

ISAYA 43:28

Gawaá adoorihe aníng geeraharuuseedá' hhohho' an meeta gaás. Aníng múk Yakobo nguri hhaamiís, nee múk Israeli nguri máw kuwa /oosliislin.»

YEREMIA 50:42

Ga/alduuín nee lawluwo nga taataahhiyé', a múk xaraásl, oo gurtleemuú koomaaká. Kududuhay'ín a adór gwaanduú tlawi, inooín ta gawaá daandeemaá faras. Farsuuín ngwa ii tsa/ané', tindin haratláy amór kuungaá Babuloni.

WA/AA/I 1:14

«Tlakweemaaeé' sleémeero gina burumburaarín, giri gawaaeénií qaás, giri dinkwárí tseék ar dakós, ngiri gawaá istaeéní tarereé', aníng iri al'iloouyé', Aako aníng iga qaás gawaá dabaá múk aníng tlaampa'aasaro ni aleeslawaaká.

WA/AA/I 1:21

«/Ifor'eé' ngiwa axaasiyé', heé aníng iga gurkwa/as i kaahh. Wakuuser'eé' sleémeero slahh'amuueé' nguwa axaasiyé', tidá' kuúng taa tléhh ngina saqwalaa/iyé'. Baalaadá' taa al'axwés ni hardat, tidá' wakuuser'eé' slahh'amuú adór kwe'eé' kwí nguwa sleer.

WA/AA/I 2:2

Aako dír hotaá múk Yakobo gana hhaamiís sleémeero ar gurtleemu wasle. Koo/idá' gawit ar múk Yuda gana yaamií daáhh ar buhhtaawós. Mukdá' urén nee waawuti'iimar'ine gina yaamií daáhh ar murekesaay.

WA/AA/I 4:16

AAKOÓ MUNGÚ, inósuú kilá' gina diyaá/, gi sangw male i qaytsimitiiká, kaahamuuse ka sangw malé ilaiwa/iiká, tam bariise ka gaárí xuuiiká.

WA/AA/I 5:12

Inooín geeraharuuseerén kana dabaaínár tareereín, tam bariiseerén ngaa ilaiwawa/ii'iiká.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

ESEKIELI 28:16

Slaasláwár yaariir ar taa sleér uri malgu'uumár ar eér, nee tlakweema kiri tléhh. Gawaá adoorihe án un guús adór gár slasla/aár wa ale dír tloomar'eé' tidá' hhoohhooe. Nee keruúbidá' u xuúm uri tlatlahhás amór saaw baraá tla/ángw tlaa/eedá' qwiirii/á' wa ale.

OBADIA 1:10

Asma tlakweemaadá' taa tléhh dír hhiyaawók Yakobo, alsi'imu in oh, kiíng tari suqút ay alhhe'eesay wasle.

OBADIA 1:16

Asma adoodá' buhhtaaeé' kira xuúf gawaá tloomar'eé' tidá' hhoohhooe, an adoodá' xoordu ngir xufiitiis buhhtaaeene daqisleém, nin xufiitiyá' tari ba/uumiit oonitameero, nari hhaná' adór múk kaáhh baloó alé baraá yaamuwo.

SEKARIA 1:12

Aluuwo malaykamoodú AAKOÓ MUNGÚ iri ilawaáts, iri oó', «Aá AAKOÓ MUNGÚ Aleesleemusmo, ay xaylá Yerusalemu ka siaiin gurtleemuuwo, nee gixsadaá Yudawo, kudá' taa i buhhahhiín kureeriiká mibeeraá faanqwe.»

SEKARIA 1:15

Ala aníng xoorduudaá baraá diihhooár hootá' ina buhhtisiyé'. Ar ló' aníng múk Israeli una i buúhh gár niinawe, ala xoordu slahh'maayedá' ngina doogiyé'.›

Matayo 7:2

Asma sakwasleemadá' kuungá' muu kur sakwasleemuta', kingi kuungár sakwasleemuut. Harqoomaydá' tar qoomeemesa', kungu dirhúng i qoomeemees sleeme.

DABE 28:50

Xoorór xaraasl ar bariise ga gaárí xuaaká, laqaá tam masoomba ga gurtlatleeraaká.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.