ISAYA 47:13 - Biblía Axweesantá Hhohho' ar Mungú 2004

¹³ Kiíng taa baál nee hara'ayuuseerók tidá' yaariir, gimáy i sihhiitiye' kiíng i ba/amisiye', inooínaadá' doori nee tsatse/uuwo ngi xuuxu'uumá', nee umuúqo slahhángw ti'iita muruú kiíng i sláw ngun aaririná'.

ISAYA 47:13 Iomraidhean Croise

ISAYA 44:25

Aníng layudaá lama in hhitiím, kudá' tlaa/aá xuá' in daktana tleéhh, axweesantá múk sageeloén an sií', tam xu'utir'ín an daktu'uuma tleéhh.

ISAYA 47:15

Mukdá' taa harahhíf ador'ín a tí, kudá' taa sagedawiimít, kudá' nee kiíng aga alhi'iimite' iimír masoombi'iimaroge. Inooín tambeera gin áy, umuú heewo iri amoorós xuu', tam oo kiíng i ba/amís i kaahh.»

ISAYA 47:9

Muruuwí tsár kiíng i gaanslár i harati'iit baraá looár wák i aleeró, qatlór na/iiwók nee kwaali'iitaro i sleér. Handá' kiíng tam da/aluso'ooro, tam /uuruú úr oo qwaslaari'iima u koonda.

ISAYA 57:10

Kuungá' loohír tleer naa qaroó slaaqatimís ala kuungá' a kat'aaká, «Gaarí a gadiyér tawo.» Kuungá' /uuruú /abén kuri sleeré' an gár tasa /ararandi'iiká.

ISAYA 8:19

Nee qoomár burna bayé', «Tlawé' gi'i yaahamisuú awaak, nee muruú /ayma'aá mululu'uúm adór tsir/o, asma i qoón muu munguii'ín ngiwa yaahamisiya', nee múk aa qaatl kuwa yaahamiisi as múk slaáf.»

YEREMIA 51:58

«Anuú AAKOÓ MUNGÚ Aleesleemusmo a kah, koo/idá' yangaariit ar Babuloni ka yaamií daahh kari hhapeérár alqoomees, nee afeerós tidá' urén kari daa/ ar asla. Muu ina tawo gadiyumaamiís, xoordu tina tawo gadiyédár faakiyé' ala alhhe'eesay'ín a asla.»

YEREMIA 51:64

‹Adoorí an adoodá' gixsár Babuloni iri /et nee iri baloó sihhitaká malé alé, asma amotlakweedá' AAKOÓ MUNGÚ i gawaawós i huwi.› » Alhhe'eesoó axweesantá Yeremia.

ESEKIELI 24:12

Ala aníng aqo gadiyér tawo an tleéhh, kuútuuwós ku ló'wa úr tam asla gu aleesleeraaká.

DANIELI 5:30

Xweeraadaá kilae waawutmo Belshasa oo múk Kaldayo kuri gaás.

HABAKUKI 2:13

Ga/aawaagáy gaarí amór i dahh a amór AAKOÓ MUNGÚ Aleesleemusmo. Tí muu iwa daawimiti as gár asla i fak nee xoordu gadiyér tawo gaa fák.