ISAYA 47:11 - Biblía Axweesantá Hhohho' ar Mungú 2004

¹¹ Gár tlaakw in sleér ar ta baloó aleesleeraaká pa/asaro Ala amotlakwe i haraxupút ar ta baloó aleesleeraaká kwirhhitaro, tin hhaamiis ar gaanslaay ar adór ta baloó xu'ka.

ISAYA 47:11 Iomraidhean Croise

NEHEMIA 4:11

Slamí wakuuserén ina ó', «Ngi xuiaaká sleeme ngi ariiaaká, ay dír nay hardahaan tla/angw'ín i ale, ngiri tsu/aán, gadiyeésíng ngay xasltisán.»

WARA'AMI 35:8

Inooínaá kilá' i hhane', nee tsaaxweelidá' naa qaasiyé' ngi ohiin, sleémeero i baraadií qororo'otiye'.

WARA'AMI 50:22

«Tí alhooreesaak, kuungaásingá aníng i gunqaaremisá', án kuungá' munduwa karslamiís, tam heé nu tuú/ iri qwaar.

WARA'AMI 55:15

Kuká' i gaanslár qatliye', i slafi /eetiye' ay baraá gi'i, asma tlakweema naa hatsiyé' baraá maray'ine nee baraá muner'ine.

WARA'AMI 73:19

Adoorí a adoomá kira hhaamiís ar wa'aá wák, kina suquúy ar adór de'e tlaqa.

AXWEESANOÓ SAGALOOA 13:21

Gitse/aá tlaakwá' heé tlakweemaá tlehhaahhiít ngun eeharahariyá', Ala heé hota ganaá' qeemuú muruú hhó' gu sláy.

ISAYA 13:6

/Aa/amiimé' asma deelór AAKOÓ MUNGÚ naa tseewuúr. Baalár qwanaay ni hardát amór Aleesleemusmoó wá ale.

ISAYA 29:5

Wakuuseerók tidá' yaariir i adór teeri tleehhít, nee mukdá' kiíng iga baramaanumaamiis ku adór tsinór balaangw tleehh, kaangwí in gaanslár tleehharuut.

ISAYA 30:13

gawaá adoorihe, tlakweemasingá' kuungá' nu qwaareesiyá', adór koo/ír gáwtí tleér ar aa tsatit, adór koo/ír aa tsatit iri yaamií hú' hamtidár kilae.

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

ISAYA 45:7

Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

ISAYA 47:9

Muruuwí tsár kiíng i gaanslár i harati'iit baraá looár wák i aleeró, qatlór na/iiwók nee kwaali'iitaro i sleér. Handá' kiíng tam da/aluso'ooro, tam /uuruú úr oo qwaslaari'iima u koonda.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

ISAYA 57:1

Heé hota ganaá' bira gwaá', heé adoorí ga gaárií xuú' i kaahh. Heé hhoó' bira gwaá', heé gaarí ga tsatsaahhaám i kaahh oo káh, «Heé hota ganaá' kura tláy, amotlakwe munguwa sleér,

YEREMIA 51:29

Yaamu naa daaraxaatiyé' nee i nu/uu/utsiyá' as slahh'amu. Asma AAKOÓ MUNGÚ gár aa ístí tsaát dír Babuloniro ga boo/ees, yaamaá Babuloni ki deewa'atis, niri yaamuloouuse wasleesiyá'.

YEREMIA 51:43

Gixsaduuwós naa gár dae tlaaq tleehhitiyé', yaamuuín naa qor'otiyé' nee a xaanxaay, yaamaá ta hootiiká, yaamaá tar waraahhiiká nee muu.

YEREMIA 51:8

Babuloni aa gaanslár hú' nee iri qeqtiín. Tsuunqumiisé' as inós, xa'anoó maasáy ti hanise' as slahh'amuuwós, doóqa i hungú/.

WA/AA/I 1:21

«/Ifor'eé' ngiwa axaasiyé', heé aníng iga gurkwa/as i kaahh. Wakuuser'eé' sleémeero slahh'amuueé' nguwa axaasiyé', tidá' kuúng taa tléhh ngina saqwalaa/iyé'. Baalaadá' taa al'axwés ni hardat, tidá' wakuuser'eé' slahh'amuú adór kwe'eé' kwí nguwa sleer.

ESEKIELI 7:26

Amotlakwe i baloó lakitká, muruú tlákw ti alkoomaakón hardahmuuwo. Iigu'utu ngun leelehhiyá' dír aaruuseero, kaahamuuse dabe ga xu'ká, hara'aya dír bariiseero i káhh.

Matayo 18:34

Daqaarmoodá' iri buúhh, guri huúw dír múk gu slahh'eemiís ay dír iinaadá' sleémeero ngi faaki bu'utuuwo.»

Luka 12:59

Án a kah, a baloó ti'itaká baraadae ay dír heelmooduú alhhe'eesaay kway bu'.»

Luka 17:27

Asma qoomár de'emaá Noawo muu ina /ayín nee ina wahán, slám tana duuxuuxún nee kina duxuút, tam ay bál Noa iwa dáh baraá miringamo, nee tluwoó da/atén nay hardáh, mukdá' sleémeero guri hhaamiís.

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.

Geehhoeemaá 3:3

Gawaá adoorihe axweesantadá' adór kara ilaót nee adór kara axamís inslaweek, nee ka ót, ta hhu'u'uún. Ala kuúng bar aga dal'iká, aníng ni hardáh amoorók i aleeró adór fisusmo, ala qoomaadá' aníng ni hardah kuúng a xu'uká.