ISAYA 47:10 - Biblía Axweesantá Hhohho' ar Mungú 2004

¹⁰ Kiíng aga yaandahhe'és baraá tlakweemaawók ale, a kat, ‹Heé aníng i ga/áw i kaahh.› Sagalooarók nee xu'utiroge iga qwaareesiyé', tari baraá muunaáwók i ó', ‹Aníng a kilooeé', heé hatlá' oo adór aníng i kaahh.›

ISAYA 47:10 Iomraidhean Croise

WARA'AMI 10:11

Tlakusmo i baraá muunaáwós i kaahi, «Mungú aa sagaqwaár, ilaawós gaa tuuntuúk, i baloó xuumisiiká.»

WARA'AMI 52:7

«Ga/aawaak, laatí heewí an kudá' Mungú gwa dír guwaywós tleehhiiká. Ala aqo har daqaari'iimarós gana harahhiíf, nee diihhooa gari baraadá' wa leelehhiít.»

WARA'AMI 64:5

Tana naagiís baraá inslawoó tlakwe, tari kaahi slayé' adór tsaaxweelay'ín kur lu/i, kawa xui, Heé gi ár i kaahh.

DAHARUSMO 8:8

Heé gwa'ara ila/aro ga aleesláw i kaahh, laqaá heé baalár gwa'ara pa/asaro ga aleesláw i kaahh. Qoomár slaqwaraaro heé kotsqoót i kaahh, nee heé tlaákw tlakweema ngu ba/amisiaaká.

ISAYA 28:15

Asma kuungá' a kata', «Atén nee gwa'ara alqado aga tleehhaán, nee gi'i taa axweesani slawaán, qoomár amotlakwe bir taa i hardát, amoorén ngi keeraaká, asma lama ana dír guwayrén tleehhaán, nee al/ayma an dír tay nahhataan.»

ISAYA 29:15

«Tsaxwaaín mukdá' axweesanay'ín gu dír AAKOÓ MUNGÚ wa lu/u/uúm, nee mukdá' tlehhmi'ii'ín baraá giwtírí diriiá', mukdá' káh, ‹Heé atén ti ga/áw a heemá? Heé atén ti xuú' a heemá?›

ISAYA 44:20

Inslawaywós i baraá gaadaádá' da/ara tleehhiit kilós. Heé adór kwí aa hhitiruút ti baloó ba/amisiiká, laqaá sleeme i kaahiiká. «Gaarír gawaá dakw'eé' oo doó /iyáy a lamtookáhe.»

ISAYA 47:8

Gawaá adoorihe, tí iiárií qaaseek kiíngár diihhooár slaa', kiíngadaádá' saxareemár hoot. Kiíng ana ó' baraá muunaáwók i aleeró, ‹Aníng a kilooeé', heé hatlá' oo adór aníng i kaahh aníng a adór kwaalo'órár hootaaká, laqaá tam na/iieé' sleeme i qatliaaká.›

ISAYA 5:21

Tsaxwaaín kudá' ti múk sageeloén wa tsatsahhaamá', nee kudá' ti kilooín tsatsahhaamá' tawa múk daharuú koóm.

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

YEREMIA 23:24

Xáy, hee nahhaata gaqo aleesláya ngway qo tsuwa araaká? Ahaá, anuú AAKOÓ MUNGÚ a kudá' dawaakáhe umuú diiro, gawaá doori nee baraá yaamuwo? Anuú AAKOÓ MUNGÚ tí ngina oó'.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

ESEKIELI 8:12

Aluuwo Mungú iri báy, «Heewí, aga aándi kángw bariisér múk Israeli taa tlehhiít baraá giwtír wa alé, umuú heewo i baraá kutuwirós tidá' slaqsa'aá munguaá hatlá' koom. Inooín i kaahiya', ‹AAKOÓ MUNGÚ atén ti ga/ayká. AAKOÓ MUNGÚ yaamu gwaa máy.› »

ESEKIELI 9:9

Inós iri báy, «Tlakweemaá múk Israeli, nee awa múk Yuda, ki ur ló'wa aleeró. Daanduú yaamu aa haáts tseerdaá muko, nee baraá gixsaro heé gan'amuú tlehhiít i kaahh. Asma ta kaahi, ‹AAKOÓ MUNGÚ yaamu gaa máy, AAKOÓ MUNGÚ i xumisiiká.›

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

SEFANIA 2:15

Gaarí aqo tsuuwá gixsadáe, tidá' aa hot ar daara/aangw nee diihhooa, tidá' aa baraá muunaáwós i o', «Aníng an aníng, oo hatlá' i kaahh, aqo har aníng.» Ga/aawaak adór ira deewá', diirí tari dír makaay ni watliya'. Umuúqo heé waaraahha gan niqmis gari qoongo'oomiis.

Rumi 1:22

Inooín ta kaahi, «Atén a sagalooár koomaán,» ala laatí inooín tari daktu'uút.

1 Korinto 3:19

Asma sagalooár muu a daktu'uuma dír Munguhe. Asma Gooi i kat, «Mungú múk sageeloén gu ohaahín baraá al/aymar'ine.»