ISAYA 46:9 - Biblía Axweesantá Hhohho' ar Mungú 2004

⁹ Muruudá' aáng aa tleehharuut inslawaak. Asma aníng a Mungú, Munguú hatlá' i kaahh. Aníng a Mungú, Munguú adór aníng i kaahh.

ISAYA 46:9 Iomraidhean Croise

YOBU 10:13

Ala hamí daxta aníng a xuú' adór qooma sleémeero kuúng aníng ir naaqo slahhtá slá'.

WARA'AMI 111:4

Inós aleesleemu guna haniís oo tlehhmi'iiwós kudá' waa/oo/amo kiwa inslasláy. AAKOÓ MUNGÚ i hhooeemaá kón nee gurtleemuwo.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

TI'INAANGW 8:10

Farao iri oó', «A matlo.» Mose iri oó', «A adoosíng kara ó'. Masók kuúng a xú' adór oo nee AAKOÓ MUNGÚ Munguúrén alqoomá' ir kaáhh.

TI'INAANGW 9:14

Asma qoomaarihe kuúng muxtar'eé' sleémeero u sleér, nee geeraharuuse nee mukók sleémeero, as kahhó' kawa tsahh adór oo nee aníng slaqmís ir kaáhh baraá yaamu sleémeero.

ISAYA 41:26

Heé iimír iimu/uungo iigu'utuuwí gwa oo', as kahhó' atén kuwa xuaan. A heemá heé adoorí ga geerií oo'? As atén tawa ooaan, looeema gaa oó', I kaahh tumu wák oo adoorí gaa oo', laqaá oo gaa alki/iit, Sleeme i kaahh tumu wák oo /aymi'iiwós gaa axaas.

ISAYA 41:27

Anuú AAKOÓ MUNGÚ adoorí ana geerií oó' dír Siyoni, sleeme kaangwí hhó' nguri huúw dír Yerusalemu.

ISAYA 42:9

Ga/aawaak, muruudá' naa geerií oó' aa tleehharuút, hám daxta a muruú /abén un káh dír ira ti'itiiká aníng un oó'.

ISAYA 43:10

AAKOÓ MUNGÚ i kaahi, «Kuungá' a lamabu'uuser'eé', nee sagadiyuuser'eé' ar naa tsawaár, as kahhó' aníng iwa xua' nee iwa haratlintia', nee kawa tsahha' adór aníng tar Mungú. Mungú geeraaeé' gaa haar i kaahh, nee sleeme oo ta aluueé' wa tleehhi i kaahh.

ISAYA 45:14

AAKOÓ MUNGÚ i kaahi, «Daqaari'iimár Misri nee ar Kushi a toohúng, mukdá' tlét oo Seba a lawaalerhúng, inooín kuungá' nu eehariyá', inooín kaa daba tsegiít nuri i tumbarara'atiyá', nuri firiná', iwa kaahiya', ‹Mungú a dinkwa nee kuungá', Munguú hatlá' i kaahh aqo har inós kilós.› »

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

ISAYA 46:5

Kuungá' aníng heé ir slaqmisa' a heemá tari slaqmís nee inós. Nee heé ir alqoomesa' a heemá tari slaqmís nee inós.

ISAYA 48:3

Muruú aa tleehharuut nguna iimír aáng wa oó', Aníng ar afkueénuú kilae una axweés nee nguri dirhúng i xu'utís, nee nguri gaanslár boo/eés.

ISAYA 65:17

«Ga/aawaak, dooraá /aben nee yaamaá /aben i tlehhiít, muruú aáng ku male inslayká, sleeme u iitleesaaká.

YEREMIA 49:19

Ga/aawaak, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Edomu ngur guus baraá yaamuuín wa alé. Aníng geeraharusmooeé' oo aníng i iialooeemiís un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlaampa'aás a gaalá?

YEREMIA 50:44

Ga/aaweek, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Babuloni ngur guus baraá yaamuuín wa ale. Aníng geeraharusmooeé' oo ni slaa' un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlampa'aás a gaalá?

YEREMIA 6:16

AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

Yoeli 2:27

Kuungá' kay xuá' adór aníng nir baraá tla/ángw múk Israeli i dirií', nee adór aníng tar AAKOÓ MUNGÚ, Munguúhúng, slám oo hatlá' i kaahh. Nee muk'eé' kureeriwo ku malé mureekeesiiká.»

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

DABE 32:7

de'emaá bál qaro inslawaak, kureeraá yaariir awa naa waarahhiye' aldakutaak. Baabi'iihúng yaahasaak, kuungá' tunduqo mu/aywaats. Bariiserhúng yaahasaak, kuungá' tundu ádbáy.

DABE 33:26

Munguú adór Munguú Yeshuruni i kaahh. Inós nina gawaá doorí wa aweér uri alee/iisár áy, nee inós i gáwtá wa hi'iimiit ar xirfuuwós oo yaariír.