ISAYA 46:4 - Biblía Axweesantá Hhohho' ar Mungú 2004

⁴ Tam qoomár bar aga dimadiindé', aníng aqo kuduú kilá', Tam qoomár se'engwhúng al/awtanto bira /awaakúy aníng kuungá' nu loohiís. Aníng adoorí ana tleéhh nee an kumiít tlehhtuuwo, nun loohiís nee nu ba/amís.

ISAYA 46:4 Iomraidhean Croise

WARA'AMI 48:14

«Adoorí an adór AAKOÓ MUNGÚ i dirii'i, Munguúrén i alhhe'eesoó konká. Inós atén tin geerahaar ay kureeraá kureér.»

WARA'AMI 68:19

Aako i xirfuuti, kudá' umuúqo deelooro huwaarén ga loohiís, Mungú an ba/amarén.

WARA'AMI 71:18

Tam aníng aga diimi, tam al/awtantá kooma, kuúng Mungú, án mi geexawaar, ay dír /uuruuwók nee uraywók ngway oo' dír qari sleémeero ar aluú wa hardah.

WARA'AMI 71:9

Aníng mi kwahhaar qoomár bar aga diím, /uuruueé' bira /aarúy, aníng mi geexawaar.

WARA'AMI 92:14

Mamu ngi laqwaliyá' ay qoomár diimaay, nin hatsiyá' duwaawo nee naa/amawo.

ISAYA 41:4

Heé adoorí sleémeero a tleehharut gaa tleehh a heemá? Heé umuúqo qarto gaa iimír iimu/úngw wá ateet? An aníng AAKOÓ MUNGÚ kuduú iimu/uungw nee oo alhhe'eesaay, aníng aqo kudaádá' adoorí gaa tleehh.

ISAYA 43:13

Aníng an Mungú, iimír hamí wa tleemu ay alhhe'eesaay, aníng an Inós. Heé gawaá dabaeene kuungá' nu tuú/ i kaahh. Heé gadiyér'eé' ga baáq a heemá?»

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

ISAYA 48:12

Múk Yakóbo, aníng iiárií qaasaré', nee oo Israeli kudá' naa ateét. Aníng a Inós, aníng an kuduú geera nee oo alhhe'eesaay.

MALAKI 2:16

AAKOÓ MUNGÚ, Munguú múk Israeli i kaahi, «Asma aníng s a sla'aaká hee hareerós ar bi/i ngiwa huushi si'imawo. Aníng alsi'imuú adór kwí u aáhh, hee tumu wák hareerós ar bi/i ngiwa huushi si'imawo.»

MALAKI 3:6

AAKOÓ MUNGÚ Aleesleemusmo i kaahi, «Aníng a AAKOÓ MUNGÚ, kudá' warqaaqawaaká, an gár kuungá', xwaylár Yakobo, tundusa qwaareesiiká.

Rumi 11:29

Asma Mungú gurtleemuú aa haniís gu alki/iiká, nee slám hee bar ngwa tsawaár, gu si'iiká aluuwo.

DABE 1:31

baraá xaanxaywo aga aande', adór AAKOÓ MUNGÚ Munguúhúng nura gagaár ar saxareema baraá aaiihúng sleémeero ay diirí hám tay diria', adór hee na/aywós ngur gagaraarin.

Ebrania 1:12

Kuúng u mutuutúk adór inqwaruú wa ale. Muruuwí sleémeero ku kwaahh adór inqwaruú aa qaátl wa ale, as inqwaruú /abén kuwa tsiiti. Ala kuúng a baloó warqeeraaká, nee kureeriiwók hartsatangw'ín i kaahh.»

Ebrania 13:8

Yesu Kristo an kuduú kilá', isá/ nee laarí tam ay alhhe'eesay wasle.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.