ISAYA 46:3 - Biblía Axweesantá Hhohho' ar Mungú 2004

³ Aá xwaylár Yakobo aníng iiárií qaasaaré', Iiárií qaasaaré' panoó doó Israeli aníng nuna amohhe'eemiís iimír tunduwa laqwaál, nuna loohamaamiís iimír tawa baraá guruú aayo.

ISAYA 46:3 Iomraidhean Croise

WARA'AMI 28:9

AAKOÓ MUNGÚ, mukók ba/amiseek, kudá' kók sleémeero tsuuqeek. Kuúng ta de'eemusmooín, inooín gagariimeek ay kureerisleém.

WARA'AMI 71:6

Án kuúng ugwa haratlintií' iimír tiwa laqwaál, kuúng an kudá' aníng iga dux baraá guruú aayír'eé' wa ale, án kuúng u xirfayeemiís deelo sleémeero.

TI'INAANGW 19:4

‹Kuungá' adoodá' aníng naa tleéhh dír múk Misri aga aandé', nee kuungá' nuri ar tláw amor'eéní ale adór gwareesi na/iiwós ngir loohamaamis ar hhampe'eeriwós.

ISAYA 1:9

Barnaxes AAKOÓ MUNGÚ Aleesleemusmo, atén taa panáy meetisiiká, atén aga adór Sodoma tleehhitaán, a slaqamís nee Gomora.

ISAYA 10:20

Slám malé alé baraá deeloodae penoó aa meet oo múk Israeli, mukdá' niiná naa /uy oo doó Yakobo, inósuudá' gaa muux ngu harahhifiaaka, ala aqo AAKOÓ MUNGÚ, Kudá' Hhoohhoó' oo Israeli, ngun harahhifiyá' ar looeema.

ISAYA 10:21

Panoó Yakobo kudá' aa meet i kii/ amór Munguú /uuruú koóm.

ISAYA 10:22

Asma mukók oo Israeli tam ku yaariire adór hhasángw afaá tlawi, aqo har panoó niiná kilós nin kii/, hhaamisa kaa geerií oó', nee gan'amu aa tleehharuút.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 37:4

Dooqa AAKOÓ MUNGÚ, Munguúwók /aymi'iidaá geeraharusmoodá' gaa qo axaás, kudá' aakoowós waawutmoó Ashuru naa ya/aáw as Munguú slaáf nguwa niqisi. Nee doóqa AAKOÓ MUNGÚ Munguúwók inós gu iigahhaat daanduú /aymi'iidá' aa axaasi. Gawaá adoorihe mukwí aa meet aleefiriimang.› »

ISAYA 4:3

Slám panaydá' aa Siyónírí meet nee kudá' taa geexáy baraá Yerusalemu, kin bay, «Múk hhohhó' oo Mungú.» Kuká' an kudá' taa gooín baraá kitaábuuwós tawa múk baraá Yerusalemúr wa hoót.

ISAYA 44:21

Aá múk Yakobo muruuwí inslawaak, nee kuungaá múk Israeli a sagadiyuuser'eé'. Aníng kuungá' nuna tleéhh, kuungá' a sagadiyuuser'eé'. Aá múk Israeli án kuungá' nu gunqaresaaká.

ISAYA 46:12

Kuungaáká sage gawden aníng iiárií qaasaré', kuungaásíng saaw dír ba/amaro aníng iiárií qaasaré'.

ISAYA 48:1

Iia qaasaak doó Yakobo, kudá' taa umuú Israelí tsaát, kuduú xwaylár Yuda. Kuungaádá' lo'ór /ayá' ar umuú AAKOÓ MUNGÚ nee kuungaádá' Munguú Israeli ngu tawo afeérár kaahá', ala ar looeemaawooká laqaá ar adór gana'aaká.

ISAYA 51:1

Aníng iiárií qaasaré' kuungaádaá hotaá ganaa'á' ngi sla'á', kuungaá AAKOÓ MUNGÚ leelehhiitá'. Tlaa/adá' tunduwa dakuút i qaytsitaak nee baraá bohongwdá' tunduwa duúx ar folit.

ISAYA 51:7

Aníng iiárií qaasaré' kuungaá hotaá ganaa'á' ngi xuá', mukdá' baraá muner'ine daber'eé' ngi koomá' /ooslislíngw muu mu da'ayumitaara' nee mutunduwa amoqwaareés nee kaantíngw muu.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

DABE 1:31

baraá xaanxaywo aga aande', adór AAKOÓ MUNGÚ Munguúhúng nura gagaár ar saxareema baraá aaiihúng sleémeero ay diirí hám tay diria', adór hee na/aywós ngur gagaraarin.