ISAYA 46:2 - Biblía Axweesantá Hhohho' ar Mungú 2004

² Kuungaá mungui aga huhu'uundé' dinkwaárií ale, kuungá' munguiihúng awa murslaagat /iisaro i aleesleera'aaká, ala kuungaá kilá' tundu huuw baraá loohaay.

ISAYA 46:2 Iomraidhean Croise

2 SAMUELI 5:21

Múk Filisti slaqsi'ii'ín kudá' mungui kiri didií geexáy, Daudi nee mukós kiri hingeés amór saaw.

ISAYA 30:6

Kaangwí an iigu'utuú Mungú aa laqán daanduú makaydaá baraá xaanxoó bihhaá basa, «Ya/abuuse i waaráhh ar baraá tla/ángw yaamaá slahh'amuú koomá', yaamaá direeraá /ameena nee awa yaqambeero ngi koomá', nee daysheero nee dayshér ti gileehha. Inooín daqaari'iimar'ín nga tsa/aasiyé' gawaá daanduú daqwayer'ín, nee gawaá daanduú angamíar'ín, as tawa daqay amór múk gi gaa wa buaaká.

ISAYA 37:12

Xáy, munguiidaá xoordu, xoorduuín nga tu/ií'i qoomár baabuúeé' Gosani, nee Harani, nee Resefuwo ngiwa hhaamiís dinkwa nee múk Edeni kuduú Telasárír hoót.

ISAYA 37:19

Mungui'ín kiri baraá ásltí supín, asma gaa a munguaá kil'eeká. Ala a gadiyér dabaá muu. Gaa a gufteeri nee tla/u. Gawaá adoorihe munguiidá' kiri suwatsaát.

ISAYA 44:17

Bartá xa'ano tidá' aa met gan slaqsoó mungúr tleehh, nee gari i tumbarara'aat, gari sluufmiis gari firiirín iwa kaahi, «Kuúng an Munguúeé', aníng tu/áng.»

ISAYA 45:20

Kuungaásingá' xoorór aa met, dinkwaárií burumburiité', hardahaaré' daqaní ni tseewurá'. Mukdaáduú murslaaqatuú gufteeraá loohiís i xu'utír konká, nee tan munguú hatlá' firiirín kudá' ba/amisaro gi aleeslawaaká.

YEREMIA 48:7

As koo/irhúng tidá' gawit nee daqaari'iimaro kiwa harahhifé', kuungá' sleeme tundu ar tláy. Mungú kudá' ta bay Kemoshi ku loohatis dinkwa nee kaahamuuseerós nee geeraharuuseerose.

YEREMIA 51:47

Gawaá adoorihe, ga/aawaak, baala ni xeér ar aníng murslaaqatuú munguaá Babuloni nguwa muux, yaamuuín sleémeero ki mureekees, muk'ín sleémeero ku baraadií tsuu/.

DANIELI 11:8

Munguii'ín kudaá hatlá' giri gagaar ay Misri, nee kudá' taa weeqatisi nee xoosladá' taa tleéhh ar peésa nee ar sahaábuwo. Kureeraá hhawa'aakahe waawutmooduú basa i haratlayká amór waawutmoó /iya.

NAHUMU 1:14

AAKOÓ MUNGÚ hara'aya ngaa oó' daanduwoge, i kaahi, «Hee tumu wák oo tlahhaywók gu doók u sleeraaká. Murslaaqatuuwók kudá' taa tléhh, nee kudá' taa weeqatís, in naasúw baraá doó Munguúwók wa alé. /Antaarók an foól asma kuúng tu tlaákw.»

HAR'OHUUSE 18:24

Mika iri oó', «Kuungá' munguiidá' aníng naa tleéhh ina ar tleeré' dinkwa nee kaahamusmo, ala gár aníng ni koom a milá? Slamí án kuungá' adór ir yaahasa' a adoomá?»

1 SAMUELI 5:3

Looaytleér matlaatlér boo/e múk Ashdodi tawa hardáh, naxés Dagoni aa gurúr huú' yaamií ale dír geeraá sandakmooduú alqadór AAKOÓ MUNGÚ. Dagoni kuri taataáhh, kuri sihhtís dirós tidií ale.