ISAYA 46:12 - Biblía Axweesantá Hhohho' ar Mungú 2004

¹² Kuungaáká sage gawden aníng iiárií qaasaré', kuungaásíng saaw dír ba/amaro aníng iiárií qaasaré'.

ISAYA 46:12 Iomraidhean Croise

WARA'AMI 119:150

Mukdá' aníng i hara/untsiím, oo xaraásl naa tseewuyé', múk dabeerók ga baloó ohaaká.

WARA'AMI 119:155

Kuúng múk daba tlákw u ba/amiská, asma kaahirók ngi yaahamisiaaká.

WARA'AMI 49:1

Kuungaá muu sleémeero, kaangwí iiárií qaasaak, kuungaá yaamaá hootá' iiaa sihhaak.

WARA'AMI 76:5

Miguuse ana mura' hayót, inooín nari slar/amiitiyé' gu'uteero adór múk aa qaatl, nari daba' tsatiitiyé'.

ISAYA 28:14

Gawaá adoorihe, kuungaásingá' niquuse, axweesantá AAKOÓ MUNGÚ iiárií qaasaak, kuungásingá' waawuti'ii'imá' baraá Yerusalemuro.

ISAYA 28:23

Iia qaasaak, afor'eé' iiárií qaasaak, iia qaasaak, axweesante'eé' iiárií qaasaak.

ISAYA 45:20

Kuungaásingá' xoorór aa met, dinkwaárií burumburiité', hardahaaré' daqaní ni tseewurá'. Mukdaáduú murslaaqatuú gufteeraá loohiís i xu'utír konká, nee tan munguú hatlá' firiirín kudá' ba/amisaro gi aleeslawaaká.

ISAYA 46:3

Aá xwaylár Yakobo aníng iiárií qaasaaré', Iiárií qaasaaré' panoó doó Israeli aníng nuna amohhe'eemiís iimír tunduwa laqwaál, nuna loohamaamiís iimír tawa baraá guruú aayo.

ISAYA 48:1

Iia qaasaak doó Yakobo, kudá' taa umuú Israelí tsaát, kuduú xwaylár Yuda. Kuungaádá' lo'ór /ayá' ar umuú AAKOÓ MUNGÚ nee kuungaádá' Munguú Israeli ngu tawo afeérár kaahá', ala ar looeemaawooká laqaá ar adór gana'aaká.

ISAYA 48:4

Asma aníng kuúng un xuú' adór tur saga gawít, tu isa gawít adór muqsli, slám gitsee/aawók ki gawit adór muqslír sirdaa/aat.

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

ISAYA 59:14

Sakwasleemár ganaa' kaa bihhií qaás, hotaá ganaa'á' direne na saweesiyé', looeema kaa yaamaá hara'adáh baraá lohdaá urene, doó kwasleemaro gana'amu pa/aangw gu slayká.

ISAYA 59:15

Looeema naa qwaariyé', kudá' tlekweemaá tlehhitaaká hotaawós i baraá tsaxwa. AAKOÓ MUNGÚ adoorí gari ár, guri buhhtís. Adoorí guri buhhtís asma sakwasleemár ganaa' i káhh.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

ISAYA 9:9

Muu sleémeero gari xuu', múk tlahhoó Efraimu nee kudaádaá' yaamuloouusér Samariawo, ala kudaádá' axweesá' ar daara/aangw nee ar taqanaa/i. Inooín i kaahiyá',

YEREMIA 2:5

AAKOÓ MUNGÚ i kaahi, «Xáy, gár tlaakw ar baabi'iihúng na ariyé' dir'eene a milá, tam tari puruúts dir'eene, tari eeharín alaá muruú tawór wa alé, nee inooín niri tawo tleehhitiyé'.

AMOS 5:7

Tsaxwaahúng kuungásingá' sakwasleemár ganaa' ngi tangekufiimá' tawa gár tlii/, nee hotaá ganaa'á' kiri waaqaé'.

HABAKUKI 1:3

Waáy, mihar muruú tlákwií laqaqaán nee slahh'amuwo, asma hhita nee /aytaro i dír geeraaeé' dirii'iyá', slám gila nee afo tlaxungo naa /eetiyé'.

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

Efeso 2:13

Ala hám daxta, baraá Kristo Yesuwo, kuungaádá' aáng saawá' bál geeraawo, tunda tseeweés as gwa'arár Kristo.

Efeso 5:14

Gaarí an gár tasa oó', «Tláw, kuúnguudá' guaiím, waasleé/ baraá múk aa qaátl wa ale, daqaní Kristo kuúng u i gwa/aat.»