ISAYA 46:10 - Biblía Axweesantá Hhohho' ar Mungú 2004

¹⁰ Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›

ISAYA 46:10 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

YOBU 23:13

Ala inós i baloó warqayká, heé inós gu warqeés a heemá? Nee gár inós tleehhamooro i slai an tidá' tleehharuut.

WARA'AMI 135:6

AAKOÓ MUNGÚ tidá' inós gwa sla'atis ga tleehh gawaá dooriwo, nee baraá yaamuwo, baraá tlawi nee iloowós sleémeero.

WARA'AMI 33:11

Axweesantá AAKOÓ MUNGÚ aa oó' i warqeeraaká ay kureerisleém. Inslawoó muunaáwós i kumaamiit dír qari sleémeero.

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 14:24

AAKOÓ MUNGÚ Aleesleemusmo lo'o gaa /aáy i kaahi, «Adoodá' tleehhamooro naa istí tsaát, adoodá' aqo in tleehharút. Adoodá' naa slaá' tleehhamooro, adoodá' aqo in bó/.

ISAYA 25:1

Aá AAKOÓ MUNGÚ, kuúng an Munguúeé', aníng kuúng un xirfayeés nee un diidi'iimiís, asma kuúng muruú waa/oo/amór koóm una tléhh, muruuwók kudá' taa qoomés iimír aange, aqo un boo/és ar inkihhimu nee looeema.

ISAYA 40:8

Gitso in kát, nee /ayo iri /óts, ala axweesantá Munguúrén in hotaatiín ay alhhe'eesay wasle.»

ISAYA 41:21

AAKOÓ MUNGÚ, waawutmoó Yakobo i kaahi, «Kuungá' munguaá xoordu, sakwasleemarhúng huwaare', axweesantahúng tidá' ta koonda ooár awaare',

ISAYA 41:4

Heé adoorí sleémeero a tleehharut gaa tleehh a heemá? Heé umuúqo qarto gaa iimír iimu/úngw wá ateet? An aníng AAKOÓ MUNGÚ kuduú iimu/uungw nee oo alhhe'eesaay, aníng aqo kudaádá' adoorí gaa tleehh.

ISAYA 43:13

Aníng an Mungú, iimír hamí wa tleemu ay alhhe'eesaay, aníng an Inós. Heé gawaá dabaeene kuungá' nu tuú/ i kaahh. Heé gadiyér'eé' ga baáq a heemá?»

ISAYA 44:7

Munguú adór aníng a heemá? Gimsé' ngi alki/iiti, inós ngi dír geeraaeé' wa ooi. Heé kaangwí gwaa iimír aáng wa alki/iit, qoomár iwa tleehharutiiká, kángw muruú tleehharuút ngu dirén i ooi dír ira tleehharutiiká.

ISAYA 45:21

Kangwsíng ooare' ar gwa/aateema ti dinkwaárí hara'ayinde'. A heemá heé kaangwí naa ti'imiit gwa geerií oo'? Heé muruuwí ngwaa geerií alki/iit a heemá? Xáy, aqo aníngeéke AAKOÓ MUNGÚ? Munguú hatlá' i kaahh aqo har aníng kilooeé'. Munguú ganaá' nee oo ba/amusmo oo hatlá' i kaahh aqo har aníng kilooé'.

ISAYA 46:11

Aníng deelaqaasi an iimír da/aáwí ateét. Heé sufueé' gu xuú' un amór yaamaá saáwá huúw. Tí aníng aga oó' nee an boo/eés, tidá' naa qoomeés aqo an tleéhh.

ISAYA 48:14

Sleémeero dinkwa i burumburitaak iia qaasaak. Heé baraá tla/angwhunge kaangwí gwaa alki/iit a heemá? AAKOÓ MUNGÚ Koreshi gu slaa', inós tidá' Mungú i slai ga boo/ees daanduú Babuloniro, inós múk Kaldayo gu i haratláy.

ISAYA 48:3

Muruú aa tleehharuut nguna iimír aáng wa oó', Aníng ar afkueénuú kilae una axweés nee nguri dirhúng i xu'utís, nee nguri gaanslár boo/eés.

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

ISAYA 55:11

An adoodá' axweesantá aa baraá afkueé' wa ti'it, asma iwa tawo ki/ká amor'eé' ale. Ala aqo tidá' ni slaa' gan boo/és, aqo tidá' kasa ya/aáw gan tléhh.

YEREMIA 44:28

Mukdá' sleémeero aa kotsqomiit baraá slaqwaraaro iri yaamaá Misrír wa waátl ay yaamaá Yuda, inooín ki ló'wa niina. Qoomaarihe múk Yuda kudá' aa meet tari hotaá áy yaamaá Misri axweesantá ló' kari tsaahh áx a te'eéne laqaá tooín!»

ESEKIELI 39:8

«Deeloorí ni daanda kah ar tsuwa ló' ni hardát. Anuú Aakoó MUNGÚ tí aga oó'.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

HOSEA 5:9

Aníng múk Israeli bura slaáhh iri deewaa' baraá tla/ángw tlahh'aá Israeliwo, kaangwí naa oó' oo ló'.

Tlehhema'aá ya/Abuuse 15:18

aa xu'utiít iimír aange.› »

Tlehhema'aá ya/Abuuse 3:23

Umuúqo heewo oo aarusmoowí gu iiárií qaasaaká, ku qwaarees.›

Tlehhema'aá ya/Abuuse 5:39

Ala barnaxes amór i dahh a amór Mungú, hhitimaro a aleesleera'aaká. As adoorí kuungá' mutunduwa tsaáhh tawa adór múk nee Mungú slaqwá'.» Axweesanaywós kuri ya/án.

Ebrania 6:17

Gawaá adoorihe Mungú sleeme lo'o gana /aáy qoomár al'axweesantós ngiwa gawdeesár wa slaá' dír mukdá' al'axweesnatadá' ga aál, adór inós ir baloó warqayká baraá tidá' aa al'axweesi.