ISAYA 45:7 - Biblía Axweesantá Hhohho' ar Mungú 2004

⁷ Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

ISAYA 45:7 Iomraidhean Croise

2 WAAWITÁ 19:25

Kuúng aga axaskáhe adór aníng kaangwí hám ni tlehhiit ngura qoomeés iimír aange. Kuúng una qaás as gixsaduudá' koo/i gawden kiwa warqes tawa ufér sluhhaay.

YOBU 10:13

Ala hamí daxta aníng a xuú' adór qooma sleémeero kuúng aníng ir naaqo slahhtá slá'.

YOBU 2:10

Yobu hareerós gari mu/aywaáts, iri oó', «Kiíng adór tar axwes a adór /ameenár daktana ir axweemaamis. Bar muruú hhó' una dír Mungú wa ilaoohaán, gár muruú tlákw kus ilaoohanaaká a milá?» Baraá muruuwí sleémeero Yobu /aymuú tlaákw afkose gwaa ooiiká.

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

WARA'AMI 105:28

Mungú giwti gari huúw baraá Misri, yaamu niri giwiyé', ala múk Misri axweesantós kaa iialooeesiiká.

WARA'AMI 29:11

AAKOÓ MUNGÚ mukós gu /uurií haniis, AAKOÓ MUNGÚ mukós gu tsuuq ngway waydií haniis.

WARA'AMI 74:16

Tlaatla/aangw a kók nee xweera a kók, kuúng slahhaangw nee tsee/amá ina dir'íni qás.

WARA'AMI 75:7

Ala Mungú an kudá' kwasleema ga tsaát, heewí gu niinawees nee kuqá' gu xirfayees.

WARA'AMI 8:3

Doori bira i qaytsiít, kudaá gadiyér dabaawók, slahhaangw nee tsatse/ kudá' kuúng taa qás,

TI'INAANGW 14:20

Uhmoodá' iri sihhiít tla/ángw slaqwaruusér Misri nee xoorór Israeli. Uhmooduú huunki múk Misri guna giwís, ala múk Israeli xweeraawo guna i gwa/aát, gawaá adoorihe slaqwaruusér Misri múk Israeli gwa i tseewuuriiká xweera sleémeero.

ISAYA 31:2

Tam adoorihe Mungú ku sagaloó', i slahh'amuú huwahuuw, Inós axweesantós ga warqeesiiká, Ala in sihhiit iwa slaqwi nee maraá múk tlákw nee in slaaqw nee mukdá' múk tlakweemaá tlehhahhiít gu alee/iimamiís.

ISAYA 42:16

Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

ISAYA 44:24

AAKOÓ MUNGÚ kuduú ba/amusmoohúng, kudá' kuungá' naa baraá gur'ér amuuhúngí tleehh, i kaahi, aníng kilooeé' doori ina intláh nee yaamu ina hhaáf, qoomár ngiwa tlehhiit heé aníng iga alee/iis i kaahh.

ISAYA 47:11

Gár tlaakw in sleér ar ta baloó aleesleeraaká pa/asaro Ala amotlakwe i haraxupút ar ta baloó aleesleeraaká kwirhhitaro, tin hhaamiis ar gaanslaay ar adór ta baloó xu'ka.

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

YEREMIA 31:35

Adoorí an adoodá' AAKOÓ MUNGÚ i kaahi. «Anuú AAKOÓ MUNGÚ Aleesleemusmo, aníng an kudá' gaa qoomees tsee/amá iwa gwa/aati tlaatla/ango, xweeraawo slahhaangw nee tsatse/ iwa gwa/aatiya', kudá' tlawi gaa gwaanduú ma'áy tleehh.

YEREMIA 51:20

Kuúng an yuúndueé' nee xooslmooeé' oo slaqwara. Kuúng un xoordúr naasuusúw, kuúng un waawuti'iimárár hhaamiís.

WA/AA/I 3:38

Muruú tlákw nee oo hhoe dír ni daraahhi a baraá afkú Kudá' Gáwtí diriaakáhe?

ESEKIELI 32:8

Aníng miislo awa gawaá doori in giwís gawaá dooriwo. Nee daanduú yaamu iri giiw. Anuú Aakoó MUNGÚ tí aga oó'.›

DANIELI 2:22

Axweesanoó bó/ nee oo lu/aaráy gun geehhooees, gár baraá ma/ami ga xuu' nee gwa/aateema i dirós i dirii'iyá'.

Yoeli 2:2

A deelór giwti nee gurhaami, deelór huunkáy nee ma/amí. Slawtá ur ar ingigi naa naká/, tlom'ii gi tuuntúk gay giwís. Gár adoorí kaa ariiká kureeriiwo iimír aange, slám ka baloó ariiká baraá qari sleémeero ar aluú wa hi'iita.

AMOS 3:6

Xáy, tarumbeéta kaqo tawo ufaáhhi baraá gixsaro, muu iri da'ayutiiká? Xáy, gár tlaakw iqo baraá gixsár wa tleehharúta ar amór AAKOÓ MUNGÚ dahhaaká?

AMOS 4:13

Mungú an kudá' tlom'i gaa tleehh nee fur'aaro, inós inslawaywós gun dír heéwí oo', inós an kudá' tlaatla/aangw gu xweerí warqeés, nee an kudá' sagér tlom'i ga yaamií adaráh. Inós umuuwós an AAKOÓ MUNGÚ, Munguú Aleesleemusmo.

AMOS 5:6

AAKOÓ MUNGÚ leelehhaak, daqaní kuungá' a hotá'. Bar adooriheeká inós i pu/uut baraá doó Yosefu, adór asltá wa alé, nee nuri hhaamiis, tam heé nu /iís iri qwaar, baraá yaamuloouusér Beteliro.

NAHUMU 1:8

Ala ar alwuoodá' wa/amiima, hotaá wakusmoowós gin qwaarees, wakuuseerós gari guus ay baraá giwti.

Tlehhema'aá ya/Abuuse 4:28

As kawa tleehhi tidá' kuúng taa slá' nee taa tsabiín kawa tlehh ar /uuruuwók, iimír iimu/uungo iwa bo/.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

Yuda 1:13

Inooín a adór gwaanduú tlawi, kudá' ila/aaro ta aleeslayká, mureewasler'ín ka geehhoo' adór sloorór gwaanduú baraá tlawi. Inooín a adór tsatse/uú tawó qwaqwadiím, kudá' dir'ín taa amohhe'eés baraá ma/ami ay alhhe'eesay wasle.

Yuda 1:6

Nee malayke sleeme tidá' taa uráy i haniís, uray'ín kudá' taa sláy kwaa gaárií xuiiká, ala didár hotaín wa hariim kari geexáy. Gawaá adoorihe Mungú gari tseék baraá giwti ar tseegamór alhhe'eesay wasl, as kiwa sakwasleemuuti bál deelór sakwasleemár ure.