ISAYA 45:4 - Biblía Axweesantá Hhohho' ar Mungú 2004

⁴ Aníng kuúng una ateét ar umuuwók. Aníng kuúng un umuú iia tleér i haniís tam handá' aníng i xu'kahe. Adoorí ana tleéhh as daanduú sagadiyuuser'eé' múk Yakobo nee as múk Israeli kudá' naa tsawaár.

ISAYA 45:4 Iomraidhean Croise

WARA'AMI 105:6

kuungá' xwaylár Abrahamu sagadiyusmoowós, kuungaásingaá xwaylár Yakobo kudá' aa tsawaár.

WARA'AMI 136:22

Aalír sagadiyusmoowós Israeli, Asma sla'aarirós i warqeeraaká ay alhhe'eesay wasle!

ISAYA 43:1

AAKOÓ MUNGÚ, Kudá' kuungaá múk Yakobo naa tleehh, kudá' kuungaá múk Israeli naa buqumbuqun, i kaahi, «Ma da'ayumitaara', asma kuungá' naa ba/amís. Aníng kuungá' naa ateét as tawa kwe'eé'.

ISAYA 43:14

AAKOÓ MUNGÚ kuduú Ba/amusmoohúng, Kudá' Hhoohhoó' oo Israeli, i kaahi, «Aníng slaqwaruuse a ya/aáw Babuloni as kuungá' afér baraá gixsa kawa giqay, qwal/uú múk Kaldayo iri warqáy tari tsuunqusmo.

ISAYA 44:1

Ala daxta kuungaá múk Yakobo iia qaasaak, sagadiyuuser'eé', múk Israeli kudá' naa tsawaár.

ISAYA 44:28

Aníng an kudá' Koreshi gu babáw, «Kuúng an de'eemusmoó muk'eé', kuúng tidá' aníng ni qomeemees an boo/és. Aníng an kudá' gixsár Yerusalemu ga babáw, ‹Kiíng Yerusalemu, ti male /abees tlehhmuwo.› Nee daanduú Doó Munguhe an kah, ‹Iihhafiirír Doó Mungú ka malé iihhaaf.› »

Matayo 24:22

Ala bar deeloodá' kaa /aareesiiká, geeraawo heé ba/ám i kaahh. Ala asma kudá' taa tsawaár deeloodá' ka /aarees.

Marko 13:20

Ala Aako bar deeloorí gaa /aareesiiká geeraawo, heé geeraawo ba/ám i kaahh. Ala inós deeloodá' gana /aareés as mukdá' inós aa tsawaár.

Tlehhema'aá ya/Abuuse 17:23

Asma aníng ana hi'iimiít baraá gixsarí wa ale, nee qoomár niwa hi'iimiit, kitángw ilahhooa una ár oo taa gooín /aymi'iiká' i alé, ‹Dír munguúdá' xu'utiitaaká.› Ala aníng kángw ni alki/iit an kángw Munguúdá' kuungá' ta sluufmisa', kudá' kuungá' ta xua'aaká.

Rumi 11:7

A adoomá daxta? Gadaádá' múk Israeli aa leelehhiít, gaa slayká. Ala mukdá' taa tsawaár gaa sláy. Awa hatlá' kiri mune gawdeés,

Rumi 9:6

Ala a ooaaká axweesantá Mungú ina warqeér. Asma múk xoorór Israeli sleémeero a múk Israeli oo kil'eeká.

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.

1 Tesalonike 4:5

Ala kuungá' ma hootara' ar ilatleerír tlakw, adoodár múk xoordu ir hooti, kudá' Mungú gu xua'aaká.