ISAYA 45:24 - Biblía Axweesantá Hhohho' ar Mungú 2004

²⁴ Inooín daanduueene tan ooi, «Gan'amu nee /uuru i dír AAKOÓ MUNGÚ kilós i dirii'iyá'.» Kudá' sleémeero ngwaa buhhtisiye' nin hardihiyá' kiri mureekees.

ISAYA 45:24 Iomraidhean Croise

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

WARA'AMI 110:2

AAKOÓ MUNGÚ hhartók ar aleesleemuú waawuti'iima ngi haniis Siyonír wa ale, iri ooi, «Waawuti'iím baraá wakuuseeroge!»

WARA'AMI 71:16

AAKOÓ Munguúeé', aníng tlehhmi'iiwók awa uren in alki/iít, gan'amuuwók kilós un xirfayeés.

WARA'AMI 72:9

Kudá' baraá xaanxáy wa hootá', i geeraawós i tumbarara'atiye' nee wakuuseerós afe ngi yaamúr dits.

WARA'AMI 89:17

Kuúng an /uuruuín oo úr, nee as sla'aariroge atén /uuruú arba/ati ugwa slawaán.

ISAYA 26:4

AAKOÓ MUNGÚ na harahhifeek ay kureeraá kureér, asma AAKOÓ MUNGÚ, an tlaa/ár alhhe'esay wasl.

ISAYA 41:11

Ga/aaweek kudá' kuúng ugwa i buhhiye', iga mureekeés nee kaa baál. Kudá' nee kuúng ti tlaampa'aamisá', inooín a gár tawo nee ki hhaamiis.

ISAYA 44:8

Ma da'ayumitaara' laqaá ma xurumitaara'. Xáy aníng kuungá' iimír geeraawo naa kaangwí bawiikáhe? Kuungá' a lamabu'uuser'eé'. Xáy Munguú adór aníng i deéro? Tlaa/ár hatlá' i káhh, aníng a xuaaká.»

ISAYA 45:25

Xwaylár Israeli baali ga sleér nee xirfuuwo dír AAKOÓ MUNGÚ wa aleeró.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

ISAYA 55:5

Ga/aawaak, xoordaá kuungá' ta xua'aaká in atetá', nee xoordaá kuungá' nu xua'aaká ni tii'íngwár hardihiyá' amorhúng. As anuú AAKOÓ MUNGÚ, Munguúhúng, kudá' hhoohhoó' oo Israeli, an kudá' kuungá' naa iia tleerees.»

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 60:9

A miringér baraá ma'aay tidá' yaamaá afaá tlawtá daahh, kinga geerahaár nee miringér Tarshishi. Tidá' na/iiwók ngaa amór saáwa ki/is, peésar'ín nee sahaábu ngi koná' as daanduú umuú AAKOÓ MUNGÚ, Munguúhúng, nee daanduú Kudá' wák oo Hhoohhoó' oo Israeli, asma inós kuungá' nuna xirfayeés.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 61:11

Asma adoodá' yaamu harma/o ngir duxaaxina', nee adoodá' qaymo gár taa baraá qaymórí dahaás ngir duxaaxiin, an adoodá' Aakoó MUNGÚ hotaá ganaa'á' nee xirif, ngir huwi dír geeraá xoordu sleémeero.

YEREMIA 33:16

Deeloodae yaamaá Yuda ki ba/amis, nee awa Yerusalemu i hootiyá' ar saxareema. Gixsarí umuuwós kuri bay, ‹AAKOÓ MUNGÚ an gan'amuurén.›

HABAKUKI 3:19

AAKOÓ MUNGÚ, kuduú Aako, an /uuruueé'. Inós diqiyaá ya'aaeé' gin gawdeemiis adór kuqaá saaragi. Aníng in alee/iis tlom'i ngiwa tsa/am. Ku haniisi dír /aylusmoó daá' ar gidaandoori.

SEKARIA 10:12

Aníng muk'eé' nguri gawdeés baraá anuú AAKOÓ MUNGÚ, inooín nari hootiyá', inooín umuueé' nguri xirfayeemisiyá'. Anuú AAKOÓ MUNGÚ tí ngina oó'.»

SEKARIA 10:6

Aníng doó Yuda un /uurií qaás, án doó Yosefu u ba/amís, án inooín i ki/ís ayaaín asma iga gurtleemuú wa ár, inooín kwaáo' inaqo baloó kwahhiiká, asma aníng a AAKOÓ MUNGÚ, Munguúín. Aníng firor'ín a axaás.

SEKARIA 12:5

Mukdá' urén oo Yuda tari baraá muner'ínií ooi, ‹Yaamuloouusér Yerusalemu /uuru gwaa sleér dír AAKOÓ MUNGÚ Munguúín, kuduú Aleesleemusmo wa ale.›

SEKARIA 8:23

Qoomaadae múk mibaangw, oo umuúqo tsifrír xoorduuwo pasltá inqwaarír heé Yahudi ngin oohiyá', tari ooi, ‹Góh nee kuúng ti alkoomaán, asma aga axasaán adór Mungú ir dinkwa nee kuungá'.› Anuú AAKOÓ MUNGÚ tí ngiwa oó'.»

Luka 13:17

Qoomár iwa axweesi, kudá' sleémeero inós ngu tlaampa'amisá' kiri mureekeés. Ala boo/aay sleémeero iri qwalalaá/ asma muruuduú waa/oo/amo sleémeero Yesu aa tleéhh.

Luka 19:27

Ala wakuuser'eé' tidá' diirí huwaare', tidá' aníng iga si' ngiwa sawaawuti'ii'iim. Nee ki dír geeraaeé' wa tsu/á'.› »

Yohana 12:32

Aníng birta gáwtí tleés, muu sleémeero u amor'eé' uuruúx.»

Yohana 7:37

Baalaadár alhhe'eesaay an deeloodá' ak ur. Baalaadae Yesu ina sihhiít iri tseé' ar afór ur iri oó', «Hee bira waxiít, ni amor'eé' hardihi, as iwa wahi.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Efeso 3:16

Án Mungú u firiiriím as /uuru nguwa kuungá' i haniisi ar Qeeruuwós, baraá munerhunge, ar har qoomoó daqaari'iimár xirfuuwós,

Efeso 6:10

Gimsé', ilakaaharu tleehhaak baraá Aakoowo, nee baraá aleesleemuú /uuruuwose.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

Kolosai 1:11

An firiiriimaán as kahhó' Mungú baraá aleesleemuuwós kudá' xirfuú kooma, kuungá' nuwa /uuruú i haniisi, as tawa qitla' baraá mura' sleémeero oo ti'imiita.

2 Petro 1:1

Anuú Simon Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór afhhamít gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.

Geehhoeemaá 11:18

Múk xoordu ina buúhh. Ala xarasleemaawók naa hardihiyé'. Nee slám qooma naa hardát ar múk aa qaatl kuwa sakwasleemuuti. Nee slám qooma naa hardát ar sagadiyuuseerók tidár aaruuse kawa bu'utuuínií haniisi, nee mukók kudá' hhohhó', tam mukdá' sleémeero kuúng u ilaiwawaá/, múk urén nee na/iiwo. Nee slám qooma naa hardát ar mukdá' yaamu gi hhititiím kuwa hhitin.»

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.