ISAYA 45:23 - Biblía Axweesantá Hhohho' ar Mungú 2004

²³ Aníng lo'o aga /aáy kilooeé', asma baraá afkueene /ayma'aá ti'imiitá a axweesanoó ganaá'. Axweesante'eé' i tawo ki/ká. Umuú heewo ni dir'eenií tumbarara'aat. Umuú heewo lo'o gan /aay kuwa inkihhím dir'eene.

ISAYA 45:23 Iomraidhean Croise

IIMU/UUNGW 31:53

Munguú Abrahamu, nee Munguú Nahori, Munguú baabi'ii'ín, kasi ngi tsati tla/angwrene.» Yakobo lo'o gari /aáy ar umuú Mungú, Kudá' baabuúwós Isaka i da'ayuumiti.

NEHEMIA 10:29

tari haragwaá' dír hhaeeín nee dír muk'ín kudá' urén as lo'o ngiwa /ayiya' tawa baraá dabér Mungú wa hooti, tidá' aa haniís dír Mose sagadiyusmoó Mungú, nee hara'ayár AAKOÓ MUNGÚ, Aakoorén kawa harmagahhaan tlehhtuuwo, nee tidá' taa bayi nee kaahirose.

WARA'AMI 132:2

Adoodá' lo'o ngira /aáy as AAKOÓ MUNGÚ, inós lo'o gana /aáy as kudá' Aleesleemuú koóm oo Yakobo.

WARA'AMI 63:11

Ala waawutmo Mungú gun sa qwalalaa/, kudá' sleémeero al'axweesani nga qaasiye, ar umuuwós ta qwalalaa/, ala afér lamuuse kan xasltis.

WARA'AMI 98:2

AAKOÓ MUNGÚ baalirós gaa gwa/aateés, dír ilaá xoorduuwo gan'amuuwós gwaa laqán.

ISAYA 21:17

Miguusér niina, tidá' maheeraá tlaquut ar múk Kedari, in mét. Anuú AAKOÓ MUNGÚ, Munguú Israeli, tí ana oó'.»

ISAYA 45:19

Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

ISAYA 48:1

Iia qaasaak doó Yakobo, kudá' taa umuú Israelí tsaát, kuduú xwaylár Yuda. Kuungaádá' lo'ór /ayá' ar umuú AAKOÓ MUNGÚ nee kuungaádá' Munguú Israeli ngu tawo afeérár kaahá', ala ar looeemaawooká laqaá ar adór gana'aaká.

ISAYA 49:18

Axáy bihhe i qaytaak nee ka aandá' gár tleehharumiit. Inooín sleémeero taa burumburiyé' i baraawók i watliyá'. Anuú AAKOÓ MUNGÚ a kah, adoodá' aníng nir hotaatima, mukók sleémeero un adór kwasluú wa dahás, mukók u saqwalaalá/ adór dasír duuxór aw kwasluwós ngir saqwal/aa/at.

ISAYA 55:11

An adoodá' axweesantá aa baraá afkueé' wa ti'it, asma iwa tawo ki/ká amor'eé' ale. Ala aqo tidá' ni slaa' gan boo/és, aqo tidá' kasa ya/aáw gan tléhh.

ISAYA 60:14

Daaqoó mukdá' iga baramaanuus ni hardah iri i tumbarara'aat. Kudá' sleémeero iga waaqaqaiye' ta xupuu' dír ya'aawók. Inooín kiíng iri baya', ‹Gixsár AAKOÓ MUNGÚ, Siyoni ar kudá' hhoohhoó' oo Israeli.›

ISAYA 61:11

Asma adoodá' yaamu harma/o ngir duxaaxina', nee adoodá' qaymo gár taa baraá qaymórí dahaás ngir duxaaxiin, an adoodá' Aakoó MUNGÚ hotaá ganaa'á' nee xirif, ngir huwi dír geeraá xoordu sleémeero.

ISAYA 62:8

AAKOÓ MUNGÚ lo'o gaa /aáy ar dakós oo doó /iyáy nee ar dakwduú aleesleemú koóm, i kaahi, «Aníng balangwhúng u male hanisaaká tawa muruú /aymár wakuuserhúng. Tam dahaaye difaáírhúng ga baloó watká tidár gadiyér dabaahúng.

ISAYA 65:16

Gawaá adoorihe, umuú heé ti kilós tsuuquúm baraá yaamuwo ti tsuuqi ar umuú Munguú ló'. Nee heé lo'ór /aáy baraá yaamuukae, lo'o ngi /ayi ar umuú Munguú ló'. Asma slahh'amaayér aáng aa qaroó gunqaarút, dír ilaaeene kaa qaroó luú/.»

YEREMIA 22:5

Ala barnaxes aga iialooeesi'iiká baraá axweesante'eé' tihe, anuú AAKOÓ MUNGÚ lo'o aga /aáy adór yaamuuká' ngir taangu tleéhh. Anuú AAKOÓ MUNGÚ tí ngina oó'.› »

YEREMIA 4:2

Barnaxes lo'o aga /ák ar looeema nee ar sakwasleemár ganaa' nee ar hotaá ganaa'á', tari ó', ‹Ar adór AAKOÓ MUNGÚ ir hotaatina,› daqaní xoordu tsuuqa ngiri dir'eé' wa slayá', tari xirfayeemisiyá' as aníng.»

YEREMIA 49:13

Asma aníng lo'o aga /aáy adór gixsár Bosra kar dír dae tlaaq tleehhi, nee a dír waaqaseengw, nee dír taa hhitín nee ar taa lu'ús. Gixsaduuwós awa hatlá' sleémeero ki hhitín.

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

Rumi 11:4

Ala Mungú gár inós ngwa báy a milá? Guna báy, «Aníng múk kumér faanqw u koóm tam hamí oo Ba'ali gwa i tumbarara'atiiká.»

DABE 6:13

AAKOÓ MUNGÚ, Munguúhúng ilaiwawa/aak, inós kilós sagadiyusaak, nee lo'o /ayaak ar baraá umuuwós kilós.

Filipi 2:10

Asma muu sleémeero umuuwí ngu i tumbarara'ati, mukdá' gawaá doorií dirií' laqaá mukdá' baraá yaamií dirií' nee tam kuduú baraá gi'i.