ISAYA 45:22 - Biblía Axweesantá Hhohho' ar Mungú 2004

²² Amor'eé' ki/aare' nee tundu ba/amisi, kuungaásíngaá ku/iyaá yaamu sleémeero. Asma aníng a Mungú, Munguú hatlá' i kaahh.

ISAYA 45:22 Iomraidhean Croise

2 QOM'I 20:12

Aá Munguúrén, sakwasleema a tók, asma atén /uuru u koomanaaká oo nee xooroorí ur naa amoorén i haratleer tawa slaqwaan. Atén adór ta laqaan a xuanaaká, aqo har kuúng un harahhifaán.»

WARA'AMI 22:17

Ana beehhuút fadu kiri fát, wakuuse i ilií duxuún, i kaantiín.

WARA'AMI 22:28

Asma waawuti'iima ar AAKOÓ MUNGÚ. Inós an kudá' xoordu gi sa waawuti'iím.

WARA'AMI 65:5

Gawaá muruudá' ti dae tlaaqa atén kuúng ti mu/aywats nee ti tu/, kuúnguduú Mungú oo ba/amaarén. Kuúng a harahhifór hhapeemo sleémeero, nee ar tlabeemaá sawen.

WARA'AMI 65:6

Tlom'i ina qás kiri gawdés ar /uuruuwók, asma /uuruuwók ku ló'wa úr.

ISAYA 30:15

Asma Aakoó MUNGÚ, Kudá' Hhoohhoó' oo Israeli i kaahi, «Kuungá' an ba/aandá' ar loohír niwa amor'eéní ki/a' nee tawa dir'eéní xaslita'. Kuungá' bara xaslité' nee aníng bira harahhifé', daqaní /uuru u sleerá'.» Ala kuungá' adoorí aga slai'iiká.

ISAYA 41:22

muruú naa ti'iit atén bawaare', daqaní u alqaytsitaán, laqaá muruú aluú wa hardáh ooare'. Masók muruú hardáh u xuaán.

ISAYA 43:6

Aníng bihhaá /iya in baw, ‹Muk'eé' geemawaak.› Bihhaá basa ngiri baw, ‹Muk'eé' mu ila/amara'.› Daaqay'eé' amór saáw wa ki/isare' nee dasuueé' amór alhhe'eesoó yaamuú wa ki/isare'.

ISAYA 45:21

Kangwsíng ooare' ar gwa/aateema ti dinkwaárí hara'ayinde'. A heemá heé kaangwí naa ti'imiit gwa geerií oo'? Heé muruuwí ngwaa geerií alki/iit a heemá? Xáy, aqo aníngeéke AAKOÓ MUNGÚ? Munguú hatlá' i kaahh aqo har aníng kilooeé'. Munguú ganaá' nee oo ba/amusmo oo hatlá' i kaahh aqo har aníng kilooé'.

ISAYA 45:5

Aníng a AAKOÓ MUNGÚ, Munguú hatlá' i kaahh Munguú hatlá' i kaahh aqo har aníng kilooeé'. Aníng kuúng ugwa /uurií doóg, tam handá' aníng iga xu'kahe.

ISAYA 49:12

Ga/aawaak, muk'eé' ngu amór saáw wa ki/ís, bihhaá /iya nee /uwaawo, nee amór yaamaá Sinimuwo.

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

ISAYA 55:5

Ga/aawaak, xoordaá kuungá' ta xua'aaká in atetá', nee xoordaá kuungá' nu xua'aaká ni tii'íngwár hardihiyá' amorhúng. As anuú AAKOÓ MUNGÚ, Munguúhúng, kudá' hhoohhoó' oo Israeli, an kudá' kuungá' naa iia tleerees.»

ISAYA 55:6

AAKOÓ MUNGÚ leelehhitaak qoomaarí iwa deér firirimaak qoomaarí kuwa tseéw.

ISAYA 60:3

Xoordu ni hardihiyá' dír gwa/aateemaawók, nee waawitá nin hardah dír gwa/aateemaadá' iga i gwa/aatiye'.

ISAYA 66:18

Asma aníng tlehhmi'ii'ín i xuú' nee inslaway'ine, aníng xoordu sleémeero nee tsifrír dimbadimbé an burumbuúr. Inooín niri hardihiyá' xirfueé' nguri ariyá'.

YEREMIA 33:16

Deeloodae yaamaá Yuda ki ba/amis, nee awa Yerusalemu i hootiyá' ar saxareema. Gixsarí umuuwós kuri bay, ‹AAKOÓ MUNGÚ an gan'amuurén.›

HOSEA 13:4

Aníng a AAKOÓ MUNGÚ, Munguúhúng, kudaádá' naa tuu/ imiír baraá yaamaá Misrír wa ale, ala Munguú hatlá' ta xu' i kaahh, aqo har aníng kilooeé'. Ba/amusmoó hatlá' i kaahh.

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

MIKA 7:7

Ala aníng guruueé' un amór AAKOÓ MUNGÚ xu'ús ar sla'aari, Munguúeé' kudá' aníng i ba/amís un daamaaraám. Munguúeé' aníng i axaas.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Yohana 6:40

Asma Baabuúeé' gár i slai a tí, ‹Umuúqo heewo oo Garma gwa i qaytsiit, nee guri haratlintií', masók slafíngw alhhe'eesay wásl gu kón. Nee aníng nguri waaslee/atís bál deelór alhhe'eesaywo.› »

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

2 Petro 1:1

Anuú Simon Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór afhhamít gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.