ISAYA 45:20 - Biblía Axweesantá Hhohho' ar Mungú 2004

²⁰ Kuungaásingá' xoorór aa met, dinkwaárií burumburiité', hardahaaré' daqaní ni tseewurá'. Mukdaáduú murslaaqatuú gufteeraá loohiís i xu'utír konká, nee tan munguú hatlá' firiirín kudá' ba/amisaro gi aleeslawaaká.

ISAYA 45:20 Iomraidhean Croise

2 QOM'I 25:15

Gaarí AAKOÓ MUNGÚ guri ló'wa buhhtís, AAKOÓ MUNGÚ aarusmo guri ya/aáw amór waawutmo Amasia. Aarusmoowí waawutmo Amasia guri báy, «Ahaá waáy, gár munguaá hatlá' kis harahhifiti, kudá' muk'ín /iisaro ngwa har'slaqatiye' baraá dabaawoge?»

2 QOM'I 28:23

Asma ilahhooár muruú ta tsu/i gana haniís dír munguidaá múk Damasko, kudá' inós ngwaa baaliye' slaqwaraaro, as iwa kaahi, «Asma munguiiká' bar waawituú Aramu nguna /iisiyé', aníng bira ilahhooár muruú ta tsú/í haniís sleeme i /iisiyá'.» Ala munguiidá' inós nguna ak hhaamiisiyé' nee xoorór Israeli sleémeerowo.

WARA'AMI 115:8

Kudaádá' ngi tlehhahhitá' a slaqás nee inooín, sleeme nee kudá' sleémeero ngi harahhifa'a.

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 41:21

AAKOÓ MUNGÚ, waawutmoó Yakobo i kaahi, «Kuungá' munguaá xoordu, sakwasleemarhúng huwaare', axweesantahúng tidá' ta koonda ooár awaare',

ISAYA 43:9

Xoordu sleémeero ni dinkwarií burumburitiye', muu ni dinkwár i haraki/i, Xáy, baraá tla/angw'ine heé kangwsíng ngu alki/iít, nee oo muruudá' aa waaraahh ngu laqaám s heemá? Inooín lamabu'uuser'ín ngi huwiye' ar gi aleekalaa/ Inooín ka iiárií qaasi iwa kat, «Kaangwí oo tsuwa ló'.»

ISAYA 44:10

Heewí a heemá oo slaqsoó Mungú gwaa tleehh, kwí munguaá murslaaqat ngu /iisiaaká.

ISAYA 44:9

Muu sleémeero kudaá slaqsa'aá munguaá tlehhiít a gár tawo ló'wa ale, muruuwí ta saqwalaala/i gár ngiwa bui i káhh. Mukdaáduú munguiiká lamabu'uumá' inooín a taampu nee gár i xuiya' i káhh. Inooín ki mureekees.

ISAYA 46:1

«Munguúdá' ta bay Beli aa yaamií huú' munguú ta bay Nebo aa huú' munguiihúng kudaá slaqsi'i ki loohiis nee makaay nee hikwa qoomarkaaro muruuwí kuungá' una loohisé', hám daxta ina tsa/asé' gawaá daandemaá makaá naa slaqaamitiyé'.

ISAYA 48:14

Sleémeero dinkwa i burumburitaak iia qaasaak. Heé baraá tla/angwhunge kaangwí gwaa alki/iit a heemá? AAKOÓ MUNGÚ Koreshi gu slaa', inós tidá' Mungú i slai ga boo/ees daanduú Babuloniro, inós múk Kaldayo gu i haratláy.

ISAYA 57:13

Qoomár bar /aa/amiindá', gimsé' kár ala munguiihúng awa slaqsi'i kwisiingá' taa burumburiindé' nu tu/iye'. Fur'a gin amór saáw i ufáhh, tam hiinsluú hee gin amór saáw i puruuts. Ala heé naa amor'eé' goow yaamu gi aal, nee tloomar'eé' tidá' hhoohhoo' tari tós.

YEREMIA 10:14

Umuúqo heewo ku iimiboó/ nee i fuqurángw konká. Umuúqo kareeramoó sahaábuú kwahhuuta ku mureekees nee slaqsi'iiwós kudae, asma slaqsi'iidá' a lamtá tawo, i slafíngw kon'aaká.

YEREMIA 10:5

Slaqsi'ii'ín a adór inqwaarír xooyaangw gusisiingw baraá qaymooro, i axweesiaaká, aqo kin loohiis asma i hi'iimitiaaká. Slaqsi'iiká' mi da'ayumitaara'. Inooín hee gár tlaakw ngway tleehhiya' i káhh, tam ar hhoo' ngway tleehhiya' i káhh.

YEREMIA 10:8

Inooín sleémeero ki iimibo/ nee a daktana, asma slaqsi'iidá' a xaa'aá tawo.

YEREMIA 48:13

Qoomaarihe múk Moabu munguúín Kemoshi nguri murér wa ariyá' adoodá' múk Israeli Beteli munguúín kudá' i harahhifiya' ngura murér wa ariyé'.›

YEREMIA 48:47

Tam adoorihe aníng múk Moabu un diihhooárí ki/ís de'emaá hi'iita'a. Anuú AAKOÓ MUNGÚ tí ngina oó'. Kaangwí an sakwasleemár múk Moabu gu slaw.»

YEREMIA 50:28

«Iia qaasaak, inooín naa /akumiitiyé', naa kotsqomitiyé' baraá yaamaá Babulonír wa alé, ta baraá Siyonír wa kángw ilaharmiis adór AAKOÓ MUNGÚ, Munguúrén li/aay ngura buú', li/aay as Do'ós kudá' hhoohhoó'.

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.

Efeso 2:16

Inós ina gwaá' gawaá msalaába as wakaari ngiwa hingeesi. Gawaá adoorihe múk Yahudi nee múk xoordaá hatlá' giri wak tleéhh ar slaqwtá wák ar gawaá msalaába, giri ki/ís amór Mungú.