ISAYA 45:19 - Biblía Axweesantá Hhohho' ar Mungú 2004

¹⁹ Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

ISAYA 45:19 Iomraidhean Croise

1 QOM'I 28:8

«Gimsé', daxta geeraá boo/oó múk Israeli sleémeero dinku'uumár AAKOÓ MUNGÚ, diirí Munguúrén iwa axamiisi aníng kuungá' nu baw, hara'ayár AAKOÓ MUNGÚ, Munguúhúng, harmagaahhaak nee aldakuutaak, as kahhó' kuungá' yaamuuká' hhoo' kiwa ala', nee kiri na/iihúng i geexeerá' as ngiwa aaliya' aluuhunge ay alhhe'eesay.»

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

2 QOM'I 7:14

barnaxes muk'eé' kwí birta tsatsaa'areés nee iri firiné', nee iri leeleehhiyé', nee tlehhmi'ii'ín kudá' tlakw ngiri mayé' tlehhtuuwo, aníng inooín i axaás gawaá doorí wa ale nee tlakweemaaín in gurtláw, nee diihhooa ngi slayá' baraá yaamuuine.

ESRA 8:22

Asma aníng ana muruút waawutmo nguwa firiim slaqwaruuseero nee kudá' faras ngu i tsa/aamá', as tiwa xuna' dír wakuuseero, asma atén waawutmo una bawaán, «Hhooeemaá Munguúrén i gawaá kudá' ngu leelehhiitá', nee /uuruú xarasleemaawós i gawaá mukdá' sleémeero inós gwa geexay.»

WARA'AMI 12:6

Al'axweesantá AAKOÓ MUNGÚ a ló', nee i ganá'. Ka hhohho' adór muqslír /awaak ar taa kwahhuút ar baraá asla, adór muqslír /awaak ar taa kwahho hhe'eés sagaá wa faanqw.

WARA'AMI 24:6

«Múk adoorí dirií' an kudá' Mungú gu leelehhiít, an kudá' tseewuwá' dír Munguú Yakobo.»

WARA'AMI 69:13

AAKOÓ MUNGÚ, aníng un fiririím, Mungú, qoomaadá' u sla'atimisa, án mu/aywatsáng ar sla'aarirók tidá' warqawaaká, ar inkihhimuwoge aníng tu/áng.

WARA'AMI 69:32

Awa taa baraamaanuús adoorí bir ngaa ariyé' ta qwalaa/, kuungaásingá' Munguú leelehhiitá', tunduri gurkwa/as.

WARA'AMI 78:34

Bál bar baraakarka ngaa tsuú/, awa hatlá' nay hhu'uu'uná', Mungú nguri leelehhiitiyé' ar tsáp.

WARA'AMI 9:10

Kudá' kuúng u xuá' u harahhifiyá', asma kuúng, AAKOÓ MUNGÚ, kudá' kuúng u leelehhiitá' iga meeriiká.

AXWEESANOÓ SAGALOOA 1:21

Dír boo/oó muu i dirii'i iqo axwés, tam dír afkú gixsaro i axwés.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 30:5

Umuúqo /aymuú Mungú aa ooi kwaa alqaytsiít. Inós a gaamboót dír mukdá' inós gu i gogoowa.

AXWEESANOÓ SAGALOOA 8:6

Iia qaasaak, asma aníng muruú hhó' ngu oó', baraá afkwe'eene gár ti'imiit a axweesanoó ganaá'.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 43:12

Aníng ana ilahanimiís nee ana ba/amiimís, nee ana alki/iít qoomár munguú hatlá' iwa kahhi baraá tla/angwhunge, nee kuungá' a lamabu'uuser'eé'. AAKOÓ MUNGÚ tí gana oó'.

ISAYA 44:8

Ma da'ayumitaara' laqaá ma xurumitaara'. Xáy aníng kuungá' iimír geeraawo naa kaangwí bawiikáhe? Kuungá' a lamabu'uuser'eé'. Xáy Munguú adór aníng i deéro? Tlaa/ár hatlá' i káhh, aníng a xuaaká.»

ISAYA 45:23

Aníng lo'o aga /aáy kilooeé', asma baraá afkueene /ayma'aá ti'imiitá a axweesanoó ganaá'. Axweesante'eé' i tawo ki/ká. Umuú heewo ni dir'eenií tumbarara'aat. Umuú heewo lo'o gan /aay kuwa inkihhím dir'eene.

ISAYA 45:25

Xwaylár Israeli baali ga sleér nee xirfuuwo dír AAKOÓ MUNGÚ wa aleeró.

ISAYA 48:16

Dir'eé' tseewuwaare', tí iiárií qaasaak, iimír iimu/uungo aníng aga axweesiiká ar naaqo, iimír muruuwí iwa tleehharuuti aníng an qaroó daadáw. Hám daxta Aakoó MUNGÚ aníng iga ya/aáw nee iga qeeruuwós i haniís.

ISAYA 63:1

«Heewí a heemá oo Edomúr daáhh? Kwí Bosrár daáhh oo tlabaawós tseere aa leér. Heé tlabaá xirif ngaa dahaas a heemá? Kuqá' a heemá oo hi'iít ar /uuruwós oo yaariír?» «A anuú AAKOÓ MUNGÚ kudá' gan'amuú káh, kudá' aleesleemuú ba/ama gu koóm.»

ISAYA 65:9

Na/ii ki laqwaal doó Yakobowo nee dír doó Yudawo aaliitmoó tlom'ieé' ni ti'iit. Kudá' naa tsawaár i aalín nee sagadiyuuser'eé' i baraadií hotaá eér.

ISAYA 8:19

Nee qoomár burna bayé', «Tlawé' gi'i yaahamisuú awaak, nee muruú /ayma'aá mululu'uúm adór tsir/o, asma i qoón muu munguii'ín ngiwa yaahamisiya', nee múk aa qaatl kuwa yaahamiisi as múk slaáf.»

YEREMIA 2:31

Xaysé', múk Israéli, te'eé' tí ni kah iiárií qaasaak, aníng a AAKOÓ MUNGÚ. Xáy aníng aga darma tleehhíti dír Israeliwo, laqaá aga yaamaá giiwá' tleehhíti? Ahaá waáy, muk'eé' masta kaahi, «Atén a múk amohhoó', ni amoorógií daqawanaaká?»

AMOS 5:4

Kuungaá múk Israeli, AAKOÓ MUNGÚ nun babay, «Aníng leelehharé', daqaní a slafá'.

Yohana 18:20

Yesu iri oó', «Aníng ana axweemaamiís dír geeraá muu sleémeero daqisleém. Dír án niwa intsaahhatimaamiis a baraá maraá saaliingw nee baraá Doó Mungú, dír múk Yahudi sleémeero iwa burumburimaamiti. Gár naa axweés ar sufa i káhh.

Yohana 7:26

U ga/eéraáke, i axwees ar geehhoeema, ala inooín gár ku babay i káhh. Dooqa mukwí urén gaa xuú' adór heewí tar Krísto.

Yohana 7:28

Yesu iri tseé' ar afór ur baraá Doó Mungú wa ale iwa intsaahhatimisi, iri oó', «Án kuungá' i xuá', nee amoodá' ni daahh a xuá' sleeme. Ala án naa hardihiiká as sla'aarir'eé'. Kudá' aníng iga ya/aaw, inós a looeema, slám kuungá' inós u xua'aaká.

DABE 29:29

«Muruú naaqo oo AAKOÓ MUNGÚ, Munguúrén, ala muruudá' taa geehhooatís a koorén nee na/iirén ay alhhe'eesay wasle, as axweesanoó dabeerí kuwa harmagahhaan.»

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

Yakobo 4:3

Slám a mak firiiriindá', ala a slasleera'aaká asma firorhúng ka tlakw. Asma an firiiriindá' as ilatleerirhúng kawa boo/esa'.