ISAYA 45:17 - Biblía Axweesantá Hhohho' ar Mungú 2004

¹⁷ Ala AAKOÓ MUNGÚ xoorór Israeli ga ba/amis ar ba/amár alhhe'eesay wasl. Kuungá' tundu murekesiiká nee tundu amoqwaaresiiká ay kureeraá kureér.

ISAYA 45:17 Iomraidhean Croise

WARA'AMI 103:17

Sla'aarír warqawaaká ar AAKOÓ MUNGÚ i deer ar iimír iimu/uungw wasle ay alhhe'eesay wasle, dír mukdá' ngu ilaiwawaá/. Gan'amuuwós in kumaamiit ay nángw naangw,

WARA'AMI 25:3

Ar ló', kudá' kuúng u harahhifá' tumu wák mukuwa mureekeés, ala kudá' al/aymár tlehhiitá' tawó alé i muruutiye'.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 26:4

AAKOÓ MUNGÚ na harahhifeek ay kureeraá kureér, asma AAKOÓ MUNGÚ, an tlaa/ár alhhe'esay wasl.

ISAYA 29:22

Gawaá adoorihe AAKOÓ MUNGÚ kudá' Abrahamu gwa ba/amis, daanduú Yakobowo i kaahi, «Xwaylár Yakobo ka baloó murekesiiká, sager'ín mureero ngi malé yaamií xupu'usiaaká.

ISAYA 33:6

Mungú tari kudá' tundus dinqisiiká baraá slafingwhunge, nuri ló'wa ba/amiimis, nuri sagalooárí hanmiis nee xu'utiro. Qaasirhúng ar ur tari AAKOÓ MUNGÚ kuwa ilaiwawa/a'.

ISAYA 45:25

Xwaylár Israeli baali ga sleér nee xirfuuwo dír AAKOÓ MUNGÚ wa aleeró.

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

ISAYA 50:7

Asma Aakoó MUNGÚ in alee/iimiis, gawaá adoorihe, heé nee aníng ti tlaampa'aasá' i kaahh, gawaá adoorihe, aníng guruueé' ugwa tlaa/árí dahaás. Aníng a xuú' ti baloó mureekeesiiká.

ISAYA 51:6

Gawaá doori i qaytsitaak, daanduú yaamu xuxuaak, asma doori i waaraahhiyá' adór quui, yaamu i feehhamiitiyá' adór inqwaarír qaren awa baraadá' hootá' i qatliyá' adór naanaga. Ala ba/amar'eé' in kumaamít ay kureeraá kureér, nee gweeramor'eé' i alhhe'eesoó koondaaká.

ISAYA 51:8

Inooín ki /aay nee sisibú adór tlawuú qarén, tlusá gi /aay adór kaahari. Ala ba/amar'eé' in kumaamít ay kureeraá kureér, nee ba/amar'eé' ar ni huuw ar qari sleémeero.

ISAYA 54:4

Ma da'ayumitaar ti mureekesiiká, ma amoqwaqwadimaar ti male waaqaaiiká, asma mureekesayduú masoombi'iimarók u gunqaarés, tam /oosliislíngw tawa kwaalo'o u baloó insleeraaká.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

ISAYA 60:19

Tsee/amá tlaatla/aango u baloó yaahaská tam gwa/aateemaá slahhaangw sleeme qoomár xweeraawo. Ala AAKOÓ MUNGÚ an gwa/aateemaawók awa alhhe'eesay wasl. Anuú AAKOÓ Munguúwók an xirfuuwók.

YEREMIA 31:3

AAKOÓ MUNGÚ tina amór saáwá laqán i kaahi, Aníng kuúng una ló'wa slaá' ar sla'aarír alhhe'eesay wasl. Gawaá adoorihe aníng an kumamiít tiwa inkihhím diroge.

YEREMIA 33:16

Deeloodae yaamaá Yuda ki ba/amis, nee awa Yerusalemu i hootiyá' ar saxareema. Gixsarí umuuwós kuri bay, ‹AAKOÓ MUNGÚ an gan'amuurén.›

HOSEA 1:7

Ala múk Yuda u gurtláw. Aníng AAKOÓ MUNGÚ, Munguúín, in ba/amís. Slám i ba/amisaaká ar ga/ale, laqaá ar paánga, laqaá ar slaqwara, laqaá ar faras, laqaá ar múk faras ngwa i tsa/an.»

YONA 2:9

Ala aníng ilahhooár muruú ta tsu/i ngi kuúngií haniís ar afór sluufaay, nee al'axweesante'eé' a boo/eés, asma ba/ama amór i dahh a amór AAKOÓ MUNGÚ!»

SEFANIA 3:11

Baalaadae tlakweemaawók kudá' tawa dee/aanút dir'eene, gár kiwa sa muruumit i káhh. Asma baalaadae mukdá' daara/aám nee ti xirfayeemiís un hingeés diroge. Slám kiíng a malé daara/utká gawaá tloomar'eé' tidá' hhoohhooe.

Yohana 10:28

Aníng u slafíngw alhhe'eesay wásl i haniís, nee inós i baloó qwaariiká. Slám heé gu gawaá dakw'eé' wa hayóh i kaahh.

Yohana 5:24

«Án a kah, heé axweesante'eé' ga axamiís, nee kudaádá' aníng iga ya/aaw guri haratlintii', slafíngw alhhe'eesay wásl gu kón, slám i dahiiká baraá sakwasleema. Ala ina waaraáhh ar baraá gwa'ara, iri hardáh baraá slafiingw.

Yohana 6:40

Asma Baabuúeé' gár i slai a tí, ‹Umuúqo heewo oo Garma gwa i qaytsiit, nee guri haratlintií', masók slafíngw alhhe'eesay wásl gu kón. Nee aníng nguri waaslee/atís bál deelór alhhe'eesaywo.› »

Rumi 10:11

Asma Gooi i kat, «Heé inós gwa haratlintii' ku mureekeesiiká.»

Rumi 11:26

Daqaní múk Israeli sleémeero i ba/án. Asma kaa gooín, «Ba/amusmo naa hardáh, amór i dahhi a amór Siyoni. Inós dee/anu sleémeero gu hingees dír xwaylár Yakobowo.

Rumi 8:1

Gawaá adoorihe sakwasleema i káhh dír mukdaádá' baraá Kristo Yesu i diriia.

Rumi 9:33

Adoodá' kara gooín, «Qaytsiít, aníng tlaa/anoó dukuutsmo u qaás baraá Siyoni, nee tlaa/ár muu gu daraahh. Ala umuúqo heewo oo inós gwaa haratlintii' ku mureekeesiiká.»

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

1 Petro 2:6

Asma Gooi i kat, «Ga/aaweek, aníng tlaa/ár ur ar do' ir gawduy, tidá' taa tsawaár nee ar afhhamít, a qaás gawaá Siyoni. Umuúqo heewo oo inós gwa haratlintii' ku mureekeesiiká.»

1 Yohana 4:15

Hee bira ya/án adór Yesu Kristo tar Garmoó Mungú, Mungú i baraawós i dirii'. Nee inós i baraá Mungú.