ISAYA 45:14 - Biblía Axweesantá Hhohho' ar Mungú 2004

¹⁴ AAKOÓ MUNGÚ i kaahi, «Daqaari'iimár Misri nee ar Kushi a toohúng, mukdá' tlét oo Seba a lawaalerhúng, inooín kuungá' nu eehariyá', inooín kaa daba tsegiít nuri i tumbarara'atiyá', nuri firiná', iwa kaahiya', ‹Mungú a dinkwa nee kuungá', Munguú hatlá' i kaahh aqo har inós kilós.› »

ISAYA 45:14 Iomraidhean Croise

IIMU/UUNGW 27:29

Tlahh'aá muu u sagadiyuusiye', nee xoordu u ilaiwawa/iye'. Kuúng hhaeewók ki sawaawuti'iín, nee na/aá aayírók u ilaiwawa/iye'. Kudá' kuúng u lu'ús, ku lu'usi, nee kudá' kuúng u tsuúq, ku tsuuqi.»

2 SAMUELI 21:20

Aluuwo slaqwara nari malé ti'ít baraá yaamaá Gatiro. Baraá ayaadae heeko wák i deer, ku xatl-hhoó'. Umuú dako ditsa' ngi kon lahhoó', nee ditsaá ya'aawós a lahhoó' umuúqo yaaeero, ditsaawós sleémeero a mibeeri tsár nee tsiyáhh. Heewí oo xwaylár mukdá' dirén, tledaadét.

ESTA 8:17

Nee baraá ayko, nee umuúqo gixsaro, umuúqo dír hara'ayár waawutmo i hardati nee afoorose, múk Yahudi qwala/ gway sláy, nee tay baraá/ nee muruú /aymár úr kway /aáy. Tam múk hatlá' oo yaariír tiri ilaqaamiís nee múk Yahudi, asma múk Yahudi kuna da'ayuumiít.

YOBU 1:15

múk Seba atén tina ii haratláy, sagadiyuuseerók kari tsuú/ ar paánga, hikwa kiri hayóh, aníng kilooeé' ana /úw, as kaangwí nguwa oo'.»

YOBU 11:19

An qát tam heé u naáxw i kaahh, múk yaariír alee/isaay guri dirók i firín.

WARA'AMI 149:6

Xirfuú úr oo Mungú masók i baraá afer'ín waa ti'imiit. Nee paángár xaraasl ar afe tsár masók i baraá dabaaín.

WARA'AMI 149:8

Waawitaáín ku tseegi ar muqsla, nee geeraharuuser'ín kawa tseegi ar qutúr.

TI'INAANGW 11:8

Mose iri male oó', «Slám geeraharuuseerók tí sleémeero in i xupú' iri beer, ‹Tláw, kuúng nee mukdá' sleémeero u eeharahara!› Aluudae aníng niri tláw.» Naagáy Mose iri tláy dír Farao wa ale, aa qaroó daa/atúy buhhtaawo.

ISAYA 10:33

Ga/aaweek, AAKOÓ MUNGÚ Aleesleemusmo, haleemi gin tsaat ar /uuruú dae tlaáq, kudá' gáwtí tlet gin tlaaq, kudá' naa tlenaanuye' kin yaamií daahh.

ISAYA 18:1

Tsaxwaaín yaamuudá' xuuraaír hhampe'eeri kawa axamiisi, kudá' ya'aá Kushiro gayuqá' i diriiá',

ISAYA 18:7

«Qoomaadae AAKOÓ MUNGÚ Aleesleemusmo kungun qeemií huuw nee múk tledaadét nee oo slaqo natsatsa'ayen, xoorór dae tlaaq ar tsewen nee ar sawen, xooroodá' /uuruú koom nee baalaaliim, tidá' yaamuuwós taa qasiís nee yau, sluufaay kungun huuw amór tloomár Siyoni didá' AAKOÓ MUNGÚ Aleesleemusmo kuwa sluufmaamisi.»

ISAYA 19:21

AAKOÓ MUNGÚ tiri xu'utis dír múk Misri. Nee múk Misri AAKOÓ MUNGÚ nguri xuiyá', nguri sluufmiisiyá' ar ilahhooár muruú ta tsu/i, nee ilahhooár da/a/ango, nee al'axweesani ngiri oiná' dír AAKOÓ MUNGÚ, ngiri boo/eesiyá'.

ISAYA 19:22

AAKOÓ MUNGÚ xoorór Misri gan muux, inós birnga muúx gari huungu/umiis. Inooín niri ki/iyá' amór AAKOÓ MUNGÚ, nee inós firor'ín gari axaas giri huungu/uus.

ISAYA 23:18

Peésaadá' ni sleer kari paraatl as AAKOÓ MUNGÚ, peésaadá' ka batsiiká, laqaá ka amohhe'eesiiká, ala aqo har mukdá' AAKOÓ MUNGÚ ngu sluufmamisá' kilooín kan muruú /aymár yaariírár tlaaxw nee tlabaá hhohho'.

ISAYA 43:3

Asma aníng a AAKOÓ MUNGÚ, Munguúhúng, Kudá' Hhoohhoó' oo Israeli, ba/amusmoohúng. Yaamaá Misri afkuhúng nguna /ayiyé', yaamaá Kushi nee Seba ina kuungár waa'aláh.

ISAYA 44:8

Ma da'ayumitaara' laqaá ma xurumitaara'. Xáy aníng kuungá' iimír geeraawo naa kaangwí bawiikáhe? Kuungá' a lamabu'uuser'eé'. Xáy Munguú adór aníng i deéro? Tlaa/ár hatlá' i káhh, aníng a xuaaká.»

ISAYA 45:24

Inooín daanduueene tan ooi, «Gan'amu nee /uuru i dír AAKOÓ MUNGÚ kilós i dirii'iyá'.» Kudá' sleémeero ngwaa buhhtisiye' nin hardihiyá' kiri mureekees.

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

ISAYA 54:3

Kiíng a doogiín bihhaá doó /iyáy nee awa doó basayhe, na/iiwók xoordu ngi aaliyá', taanguudaá gixsadaá taa geexáy niri hatsiyá'.

ISAYA 55:5

Ga/aawaak, xoordaá kuungá' ta xua'aaká in atetá', nee xoordaá kuungá' nu xua'aaká ni tii'íngwár hardihiyá' amorhúng. As anuú AAKOÓ MUNGÚ, Munguúhúng, kudá' hhoohhoó' oo Israeli, an kudá' kuungá' naa iia tleerees.»

ISAYA 60:3

Xoordu ni hardihiyá' dír gwa/aateemaawók, nee waawitá nin hardah dír gwa/aateemaadá' iga i gwa/aatiye'.

ISAYA 61:9

Xwaylar'ín iri iia tleeruúr baraá xoorduuwo, nee na/ii'ín baraá tla/ángw muko sleeme, umuúqo heé inooín gaa ari gari tsaahh, adór inooín tar múk taa tsuúq nee AAKOÓ MUNGÚ.»

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

ESEKIELI 23:42

Naagáy tsimaahhír múk hhaslitaaká adór múk aa oonimiit kari axaas i baraá xaanxoó dáhh. /Ameenadá' kari mungiaá hhohhó' i dahaás nee slam'aá hhohho' gawaá sager'ine.

ESEKIELI 31:3

Kuúng a adór sahhtír yaamaá Lebanoni, tidár haleemi hhohho', nee loo/o yaariir nee tidá' tleer, tsitsini ina purúts gawaá doori.

Yoeli 3:8

Aníng daaqayhúng nee dasuuhúng i qaás baraá dabaá múk Yuda, as inooín kiwa weerisi dír múk Sheba, xoordaá saaw ló'wa alé. Anuú AAKOÓ MUNGÚ kaangwí una oó'.»

FAARO 13:32

Gawaá adoorihe lameemaá tawo ngiri alki/iitiyé' dír múk Israeli daanduú yaamuudá' naa tsawtsawuusár ayi'i, tawa kaahi, «Yaamuudá' atén naa tsawtsawuusár awaán an yaamaá muk'ín tsu/á'. Nee sleeme múk atén taa araán a múk ló'wa dirén.

1 Korinto 14:25

Lu/aaroó muunaáwós iri geehhooúy. Inós daqaní Mungú guri i tumbarara'aat, guri sluufmiis, iri ooi, «Ar ló', Mungú i baraá tla/angwhúngií dirii'.»

1 Tesalonike 1:9

Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

Geehhoeemaá 3:9

Ga/aaweek, mukko i deer oo Neetlángw eeharahár. Inooín ta kaahi atén a múk Yahudi, ala laatí a loeká, ala inooín a lamuuse. Aníng mukwí ngu /uurutís as iwa amoorók i hardihi, nee iwa tumbarara'aati dír geeraawók i alé, as inooín ngiwa tsaahhiya' adór aníng kuúng ur slaá'.