ISAYA 45:1 - Biblía Axweesantá Hhohho' ar Mungú 2004

¹ AAKOÓ MUNGÚ heedaádá' taa dii/tár iimbalaáx ta bay Koreshi gun babay, Aníng an kudá' dakók oo doó /iyáy gwa oh, as xoordu ngiwa geeraawók wá guus, aníng an kudá' siinootoó waawitá gu gweér. Nee tseegamór gixsadu an geeraawók wa gweér. Afkú gixsa oo ta tseegi i kaahh.

ISAYA 45:1 Iomraidhean Croise

1 WAAWITÁ 19:15

AAKOÓ MUNGÚ guri báy, «Kií/ ar loohirók tidár xaanxoó Damasko. Bara hardát Hasaeli di/i tir iimbalax as tawa waawutmoó Aramu.

ESRA 1:1

Kurkú geera oo waawuti'iimár Koreshi, waawutmoó yaamaá Persia, as axweesantadá' AAKOÓ MUNGÚ aa oó' ar afkú aarusmo Yeremia iwa bo/, AAKOÓ MUNGÚ muunuú waawutmo Koreshi oo Persia guri gwarangwaár, inós afo gari ilahaniís baraá waawuti'iimarós sleémeero, sleeme gay gooín, iwa kaahi:

ESRA 1:2

«Waawutmo Koreshi oo Persia i kaahi, AAKOÓ MUNGÚ, Munguú doori, waawuti'iima sleémeero ar yaamu ngaa aníng i haniís. Aníng iga waawuti'iimár yaamu sleémeerowí haniís. Aníng iga ádbáy nguwa dó' i tleehh baraá Yerusalemu, tidár baraá yaamaá Yuda.

YOBU 12:21

Múk urén gun mureekees, Múk aleesleemuú koóm gun /uureemo hayoh.

WARA'AMI 73:23

Ala aníng a dinkwa nee kuúng daqisleém, dakw'eé' oo doó /iyáy una ót.

ISAYA 13:2

«Layarhúng tidár bendeéra laqaamaak, gawaá tloomár kwaankwarír wá ale, slaqwaruuse ateetaak ar afór ur, Ateetaak ar daba' as kahhó' niwa dahiiya' baraá gixsár múk urén!

ISAYA 13:3

Aníng muk'eé' kudá' naa tsawaár ugwa ádbáw nee muk'eé' kuduú miguuse ugwa ateét, kudá' aníng i xirfayeesá' nee baraa/á', as kahhó' buhhtaaeé' ngiwa boo/eesiya'.

ISAYA 41:13

Asma anuú AAKOÓ MUNGÚ, Munguúwók, dakók oo doó /iyáy un óh, nee aníng kuúng un babaw, ‹Ma da'ayumitaar, aníng kuúng u alee/iís.›

ISAYA 41:2

Heé heewí baaliliím umuú diiro gwaa da/aáwá sihhtis a heemá bar a aningeeká? Oo xooslu sleémeero gaa dabaawós í haniis, inós waawitá gun yaamií adah, guri teeri tlees ar paángarós, giri adór muundáy wá haritlees ar ga/aleerós.

ISAYA 41:25

Hee ngwa bihhaá /iikú wa duúk, inós ni hardah, inós ngwaa tsawaár bihhaá da/aáw wa ale, inós umuueé' gu oo', waawitá gun yaamií harakalaa/ adór baa/í adór tleeusmo tleeirós ngir lufu/aa/in.

ISAYA 42:6

Anuú AAKOÓ MUNGÚ, aníng kuúng una ateét ar hotaá ganaa'á', ugwa dawa óh nee u de'eém. Ar kuunge aníng alqado a tleéhh dír muu sleémeero, kuúng u gwa/aateema tleéhh dír xoorduuwo.

ISAYA 44:28

Aníng an kudá' Koreshi gu babáw, «Kuúng an de'eemusmoó muk'eé', kuúng tidá' aníng ni qomeemees an boo/és. Aníng an kudá' gixsár Yerusalemu ga babáw, ‹Kiíng Yerusalemu, ti male /abees tlehhmuwo.› Nee daanduú Doó Munguhe an kah, ‹Iihhafiirír Doó Mungú ka malé iihhaaf.› »

ISAYA 45:5

Aníng a AAKOÓ MUNGÚ, Munguú hatlá' i kaahh Munguú hatlá' i kaahh aqo har aníng kilooeé'. Aníng kuúng ugwa /uurií doóg, tam handá' aníng iga xu'kahe.

ISAYA 48:15

Aníng tí ana oó' nee inós una ateét. Aníng Koreshi nguna huúw, nee diihhooa ga sláy baraá tidá' i tlehhiiti.

YEREMIA 27:6

Hám daxta yaamuuká sleémeero iga haniís dír sagadiyusmoeé' Nebukadnesa, waawutmoó Babuloni, tam sleeme makaá sla/a iga haniís as nguwa sagadiyuusiya'.

YEREMIA 43:10

Daqaní inooín ki beer, AAKOÓ MUNGÚ Aleesleemusmo, Munguú Israeli i kaahi, ‹Ga/aawaak, aníng sagadiyusmooeé' waawutmo Nebukadnesa oo Babuloni ngu huúw, inós kitaangós kuduú waawuti'iima gu qaas gawaá tlaa/eeká' aníng naa luú/ nee hhaftuú waawuti'iimarós guri hhaaf gawaaká'.

YEREMIA 50:3

«Asma xoororka /iikú daahh ni haratleér amór xooroorí, yaamuuká' ngiri deewa'atisiyá'. Heé baraaká' i hotaá áw i kaahh, muu nee makaywo tan tlatlaahh baraá yaamuudae.»

YEREMIA 50:35

AAKOÓ MUNGÚ i kaahi, «Qatlo i gawaá múk Kaldayo, nee gawaá yaamuloouusér Babuloni, nee i gawaá geeraharuuser'ín, nee i gawaá muk'ín oo sageloén.

YEREMIA 51:11

AAKOÓ MUNGÚ munér waawituú múk Mede gaa dúk asma Babuloni ga ló'wa hhaamiisár wa slaa'. Asma gaarí an li/aydú AAKOÓ MUNGÚ, kudá' i bu'un as Do'ós. Maheerihúng duuxaak! Gaambu oohaak!

YEREMIA 51:30

Slaqwaruusér Babuloni slaqwara gaa harslaaqát, naa meetiyé' baraá ku/er'ín tidá' gawden, /uureemooín naa faakiyé'. Inooín an adór /ameena, maray'ín kaa daá/ ar asla, muqslár afér maray'ín kaa giqáy.

YEREMIA 51:58

«Anuú AAKOÓ MUNGÚ Aleesleemusmo a kah, koo/idá' yangaariit ar Babuloni ka yaamií daahh kari hhapeérár alqoomees, nee afeerós tidá' urén kari daa/ ar asla. Muu ina tawo gadiyumaamiís, xoordu tina tawo gadiyédár faakiyé' ala alhhe'eesay'ín a asla.»

ESEKIELI 29:20

Aníng yaamaá Misri i haniís as tawa bu'utuú slaqwaruuseerós, asma gadiyér ur ngaa tleehhiyé' as aníng. Anuú Aakoó MUNGÚ tí aga oó'.

DANIELI 5:6

Gitse/aá waawutmo niri warqayé' inós iri daanda feehhiít, diqiyawós niri tsatiitiyé' nee gurunge'eeriwós niri kitlkitliitiyé'.

DANIELI 7:5

«Naxés makiito'ór hatlá' ar tsár ngiri ár. Inós a adór duúbu, inós kaa sihhitís ar ya'aá alu. Afkose gweehhaamaá tám gaa kíhh. Aforka iri ó', ‹Gimáy, fu'unaá yaariir /ayeek qoomoó ta asleesleer.›

DANIELI 8:3

Naxés niwa qaytsiít, gwaanda una ár aa sihhiít dír afaá yaeerí. Gwaanduwí xareemaá tlet tsár gi kón, ala xarmoó wák ku ak tleér, nina ti'iít dír alaá kuduú hatlá' wa aleeró.

DANIELI 8:4

Gwaanduwí una ár i slaaqw bihhaá /uwa, nee /iya nee basa. Tam makiito'ór gwa tlaampa'as i káhh, laqaá ar aa kotsqot dír /uuruuwose i káhh. Inós adoodá' i slai gana tleéhh, tina kilós xirfayeés.

NAHUMU 2:6

Afér yau aa gweerít, doó waawutmo aa hirqamiít daeero.

NAHUMU 3:13

Ga/aaweek, xuumuuseerok a da'ayuuse adór /ameena, afér dahmuú baraá yaamuuwók i kístí dirí' dír wakuuseeroge, asla duuxuteerós sleémeero gaa /ák.