ISAYA 44:5 - Biblía Axweesantá Hhohho' ar Mungú 2004

⁵ Oo wák iri ooi, ‹Aníng oo AAKOÓ MUNGÚ.› Kooko in ooi, ‹Aníng oo doó Yakobo.› Oo hatlá' /aymuuwí guri gawaá dakós i gooín, ‹Anuú doó AAKOÓ MUNGÚ.› Umuú tlahhaywós guri bay, hhay Israeli.»

ISAYA 44:5 Iomraidhean Croise

2 QOM'I 36:23

«Waawutmo Koreshi oo Persia i kaahi, ‹AAKOÓ MUNGÚ, Munguú doori, waawuti'iima sleémeero ar yaamu ngaa aníngií haniís, nee aníng iga ádbáy do'ós kuduú baraá Yerusalemu tidár yaamaá Yuda nguwa tleehh. Umuúqo heewo kuduú kós baraá tla/angwhunge, masók AAKOÓ MUNGÚ Munguúwós i dinkwa nee inós, nee i watli.› »

NEHEMIA 9:38

As tí aa tleehharuuti atén alqadór gawit an qaasaán ar gooi, nee mukrén oo urén, nee múk tlahhoó Laáwiwo, nee kaahamuuseero. Inooín dugeeni'ín ngi qaasiyá'.

WARA'AMI 116:16

AAKOÓ MUNGÚ, aníng a lawaalmoowók, án kuúng iga gwét baraá tseegmooro.

TI'INAANGW 13:9

Baalaasíng kuungá' tunduwa duúx baraá yaamaá Misriro ar /uuruú dakós an inslasleerá' adór mulkír gawaá dákwí dirii', laqaá ar gawaá gitsee/ií dirii', as kahhó' a sagaqwada'aaká hara'ayaarír AAKOÓ MUNGUHE.

ISAYA 2:3

Xoordaá yaariir nin daqayá' niri ooiya', «Qwalaasé', gusé', gawaá tloomár AAKOÓ MUNGÚ, amór doó Munguú Yakobo, as kahhó' inós tiwa intsaahhatisi lohduuwose, as kahhó' atén tawa baraá lohduuwós wa hootaan, asma baraá Siyoniro dabe nin ti'ít, nee baraá Yerusalemuro axweesantá AAKOÓ MUNGÚ a axaasaán.»

YEREMIA 32:10

Aníng gooidár aali ngiri gooiím ngiri dugunií qaás, lamabu'uuse ngiri ateét as ilooeemaá shekeélidá' kiwa qoomeesi ar qoomaay.

YEREMIA 50:5

Loohír gixsár Siyonír kaw kari yaahaas, amooqaqae gur'er'ín nga amoodá' xu'usiyé' tawa kaahi, ‹Qwalaas, ti haragwaa'aán nee AAKOÓ MUNGÚ baraá alqadoodá' alhhe'eesay wasl, tidá' baloó gunqarutaaká.›

MIKA 4:2

Nee xoorduuká' yaariir niri hardihiyá' tari ooi, «Qwalaasé', a tsa/amán gawaá tloomár AAKOÓ MUNGÚ, amór Doó Munguú Yakobo. Inós atén tiri intsaahhatis lohduwose, atén niri hi'imiitaán ar baraá irwaarós.» Asma intsaahhasa baraá Siyoni ngin dáhh, nee AAKOÓ MUNGÚ axweesantós ngin baraá Yerusalemúr wa oo'.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

2 korinto 8:5

Inooín adoodá' taa tleéhh a adór atén taa haraxuaniiká. Asma gár har geera a inooín tina kilooín haniisiyé' dír Mungú, nee slám tiri diréní haniisiyé' ar adoodá' Mungú aa slaá'.

Galatia 6:16

Mungú wayda ngu haniisi, nee gurtleemu, dír kudá' sleémeero naa ya/ane' kaangwí eeharto baraá slafingw'ine, tam dír múk Mungú sleémeerowo.

Galatia 6:17

Iimír hamí aníng hee miwa sangw daawiitiís, asma aníng a mulkoó Yesú koóm gawaá slaqwte'eene.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.