ISAYA 44:3 - Biblía Axweesantá Hhohho' ar Mungú 2004

³ Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 44:3 Iomraidhean Croise

YOBU 5:25

Na/aá yaariir kuúng in sleér, nee xwaylarók in ló'wa tláhh adór xwaylár hibaambi

WARA'AMI 107:35

Xaanxaay guna warqeés tari xatstá ma'aay, nee yaamaá kaahaar tawa kutlitá ma'aay.

WARA'AMI 63:1

AAKOÓ MUNGÚ, kuúng an Munguúeé', án kuúng u leelehhiít, án kuúng ugwa wa slahhaá' adór heé aa waxiit. Aníng kuúng ugwa wa slahhaá', adór yaamaá xaanxaay awa naa hhaahheeruutiyé'.

AXWEESANOÓ SAGALOOA 1:23

Warqawé' as nuwa gurbuú'. Daqaní án kuungá' nu fuqurangw'eéní haniís. Axweesante'eé' kari tsahhá'.

ISAYA 27:3

Anuú AAKOÓ MUNGÚ an dooslusmoowós, umuú qoomaaro an ma'áy eemamiís, an xumxaaxuúm xweera nee tlaatla/aango, as hee mingiwa hhitár áy.

ISAYA 32:15

Adoorí in kumaamít ay dír qeeruú Mungú kunguy gáwtá wá ku'uusi gawaaréní alé, daqaní xaanxaay iri warqáy tawa qaymór balángw hamaaremiis, nee qaymór balángw hamaaremiis iri darma tleehhít.

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 41:17

Múk narkuute nee oo gaa wásl bir ma'aá leelehhiitiyá', ma'aay i kahhiyá' waxeero hhehhuuín birna kahiyé'. Aníng AAKOÓ MUNGÚ i mu/aywaáts, Anuú Munguú Israeli i geexawaaká.

ISAYA 48:19

Xwaylarhúng geera a adór hhasaangw. Geera ki ló'wa ur adór hhasaangw umer'ín geeraawo ka baloó qwaareesiiká laqaá ki baloó hhaamiisiiká dír geeraaeene.»

ISAYA 48:21

Qoomár ngiwa baraá xaanxáy wa geerahaár naa waximiti'iiká. Ma'aay gina baraá tlaa/ár wa duúx, tlaa/a gana feehhiís ma'aay nay baraadá' wa wa/iyé'.

ISAYA 49:10

Inooín i qwariitiiaaká sleeme waxitiaaká, fur'ár age laqaá tsee/amá gi slahhaeesiiká. Anuúdá' inooín gi gurtlatláw in geerahaár. In huúw dír duxuú ma'aá koóm.

ISAYA 55:1

«Umuúqo heé aa waxiit qwalaas baraá ma'aay, tam heedaádá' peésár koomaaká qwaláng tlaxweek nee /ayeek, qwaláng difaái nee ilwa tlaxweek ala ar peésaarooká, nee ar tlaxoorooká.

ISAYA 59:21

AAKOÓ MUNGÚ i kaahi, «Aníng alqado a tlehhiít nee kuungá'. Qeeruueé' kuduú gawaahúng nee axweesante'eé' tidá' naa qaás gawaá aferhúng, miwa qútl baraá aferhunge, laqaá baraá afér na/iihunge, laqaá baraá afér na/aá na/iihunge, iimír hamí tam ay alhhe'eesay wasle.»

ISAYA 61:9

Xwaylar'ín iri iia tleeruúr baraá xoorduuwo, nee na/ii'ín baraá tla/ángw muko sleeme, umuúqo heé inooín gaa ari gari tsaahh, adór inooín tar múk taa tsuúq nee AAKOÓ MUNGÚ.»

ISAYA 65:23

Inooín gadiyér tawo ngi tleehhiiaaká, laqaá na/aá qatlá' ngi laqwlina'aaká. Asma inooín an xwaylár taa tsuúq nee AAKOÓ MUNGÚ. Inooín nee xwaylar'ine kaa tsuúq.

ESEKIELI 34:26

«Aníng ngiri hootiís bihhaá tloomar'eé' tidá' hhoohhoó' wa ale, nee nguri tsuúq. Tluwaay nguri huúw ar qom'aá hariimá', nee tluwaaywí a tluwoó tsuuqaá koóm.

ESEKIELI 36:27

Qeeruueé' nguri baraahúng i qaás, nee nuri intsaahhatís daber'eé' kawa eehada' nee kaahir'eé' kari iialooeesá'.

ESEKIELI 39:29

Aníng qoomár qeeruueé' bura ku'uús gawaá múk Israeli, gitsee/aeé' i malé lu/aaká dír múk Israeliwo. Anuú Aakoó MUNGÚ tí aga oó'.»

ESEKIELI 47:8

Iri báy, «Ma'ayká' in wa/aminá' baraaká guruú yaamu nginar ohiiyá' ay yaamaá Araba, nee birna hardihiyé' ma'aay tlawtá diwi ngi tsuu'usiyá'.

HOSEA 10:12

Hotaá ganaa'á' ar hootaak, sla'aarír warqawaaká ka sleerá', slafingwhúng amohhe'eesaak, asma qoomaarí an qoomár AAKOÓ MUNGÚ kuwa leelehhita', as kahhó' inós niwa hardihi, nuri geerahaar baraá hotaá ganaa'á'.

Yoeli 2:27

Kuungá' kay xuá' adór aníng nir baraá tla/ángw múk Israeli i dirií', nee adór aníng tar AAKOÓ MUNGÚ, Munguúhúng, slám oo hatlá' i kaahh. Nee muk'eé' kureeriwo ku malé mureekeesiiká.»

Yoeli 2:28

«Daqaní alaá tihe aníng muu sleémeero u hatsiís ar Qeeruueé'. Daaqayhúng nee dasuuwo tari aarirín. Bariiserhúng iri tlatiitiín, nee masoombarhúng iigu'utu guri aán.

Yoeli 3:1

AAKOÓ MUNGÚ i kaahi, «de'emadá' nee qoomaadá' hotaarír múk Yuda nee oo Yerusalemu bar warqeés,

Yoeli 3:18

«Slám de'emaadae tlom'i difaáidá' tsuu' ngi taxmisiyá', nee ilwa nin gawaá dindirmaá wa wa/aminá', yau sleémeero awa Yuda ma'aywo nin hatsiyá', nee kutli nin baraá doó AAKOÓ MUNGÚ wa ti'ít, xatstá Shitimu gari eemís.»

MIKA 5:7

Baraá tla/ángw xoordaá yaariire panaydá' aa meet baraá múk Yakobowo tay adór har'uú amór AAKOÓ MUNGÚ daáhh, nee adór tluwoó doomu baraá gitsooro. Inooín hee ku harahhifiiká, nee muu ngu haratlinti'iaaká.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Matayo 12:43

«Bar neetlaame hee ngwa geemeér, aqo in tleér in baraá yaamaá kaahaár wa harweeriiriín, as dii ngiwa leelehhit ar i hungu/us, ala ga sleeraaká.

Tlehhema'aá ya/Abuuse 10:45

Ala múk Yahudi kudá' aa haratlintii', kudá' nee Petro naa al daqaye', tari waa/oó/, asma Mungú múk xoordaá hatlá' sleeme gwa tawó qáy Qeeruú hhoohhoó' oo Munguhe.

Tlehhema'aá ya/Abuuse 2:17

‹Mungú ina oó', Adoorí an adoodá' ni tleehh bál deelór alhhe'eesaywo, aníng muu sleémeero un Qeeruueé' i haniís, daaqayhúng nee dasuuhúng tari aariirín, masoombarhúng iigu'utu guri aán, nee bariiserhúng iri tlatitiín.

Tlehhema'aá ya/Abuuse 2:33

Gawaá adoorihe kuri xirfayeés, guri tsa/aás ay dákw /iyáy oo Mungú, nee al'axweesantadár Qeeruú hhoohhoó' oo Mungú gari dír Baabá wa ilaaóh. Nee nguri amooréní haniís. Nee hám an kaangwí kuungá' ta ga/eera' nee ta axamisa'.

Tlehhema'aá ya/Abuuse 2:39

Asma al'axweesantí a toohúng, nee ar na/iihúng, nee ar muu sleémeero oo sawén, kudá' sleémeero Aakoó Munguúrén i ateeti as nguwa i hardihiya'.»

Geehhoeemaá 21:6

Nee inós aníng iri báy, «Aa tleehharút. Aníng an Alfa nee Omega, iimu/uungw nee alhhe'eesaay. Heé aa waxiit u ma'áy haniis awa bu'utu wasl, awa baraá kutlá ma'aá slafíngw dahhá'.

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.