ISAYA 44:28 - Biblía Axweesantá Hhohho' ar Mungú 2004

²⁸ Aníng an kudá' Koreshi gu babáw, «Kuúng an de'eemusmoó muk'eé', kuúng tidá' aníng ni qomeemees an boo/és. Aníng an kudá' gixsár Yerusalemu ga babáw, ‹Kiíng Yerusalemu, ti male /abees tlehhmuwo.› Nee daanduú Doó Munguhe an kah, ‹Iihhafiirír Doó Mungú ka malé iihhaaf.› »

ISAYA 44:28 Iomraidhean Croise

2 QOM'I 36:22

Kurkú geera oo waawuti'iimár Koreshiwo waawutmoó yaamaá Persia as axweesantadá' AAKOÓ MUNGÚ aa oó' ar afkú aarusmo Yeremia iwa bo/, AAKOÓ MUNGÚ muunuú waawutmo Koreshi oo Persia guri gwarangwaár, inós afo gari ilahaniís baraá waawuti'iimarós sleémeero, barwiito'o gari gooín sleeme, iwa kaahi,

2 QOM'I 36:23

«Waawutmo Koreshi oo Persia i kaahi, ‹AAKOÓ MUNGÚ, Munguú doori, waawuti'iima sleémeero ar yaamu ngaa aníngií haniís, nee aníng iga ádbáy do'ós kuduú baraá Yerusalemu tidár yaamaá Yuda nguwa tleehh. Umuúqo heewo kuduú kós baraá tla/angwhunge, masók AAKOÓ MUNGÚ Munguúwós i dinkwa nee inós, nee i watli.› »

ESRA 1:1

Kurkú geera oo waawuti'iimár Koreshi, waawutmoó yaamaá Persia, as axweesantadá' AAKOÓ MUNGÚ aa oó' ar afkú aarusmo Yeremia iwa bo/, AAKOÓ MUNGÚ muunuú waawutmo Koreshi oo Persia guri gwarangwaár, inós afo gari ilahaniís baraá waawuti'iimarós sleémeero, sleeme gay gooín, iwa kaahi:

ESRA 1:2

«Waawutmo Koreshi oo Persia i kaahi, AAKOÓ MUNGÚ, Munguú doori, waawuti'iima sleémeero ar yaamu ngaa aníng i haniís. Aníng iga waawuti'iimár yaamu sleémeerowí haniís. Aníng iga ádbáy nguwa dó' i tleehh baraá Yerusalemu, tidár baraá yaamaá Yuda.

ESRA 1:3

Umuúqo heewo kuduú kós baraá tla/angwhunge, masók Munguú i dinkwa nee inós, nee i tsa/an ay Yerusalemu, baraá yaamaá Yuda, Doó AAKOÓ MUNGÚ nguwa tleehhi, Munguú Israeli, inós an Mungú baraá Yerusalemuro.

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

ISAYA 41:27

Anuú AAKOÓ MUNGÚ adoorí ana geerií oó' dír Siyoni, sleeme kaangwí hhó' nguri huúw dír Yerusalemu.

ISAYA 42:15

Tlom'i nee gongooamawo i hhitiím, sla/a sleémeero a kahaás. Yau i yaamaá kaahaar tleéhh, tlehheeso i /oomeés.

ISAYA 45:1

AAKOÓ MUNGÚ heedaádá' taa dii/tár iimbalaáx ta bay Koreshi gun babay, Aníng an kudá' dakók oo doó /iyáy gwa oh, as xoordu ngiwa geeraawók wá guus, aníng an kudá' siinootoó waawitá gu gweér. Nee tseegamór gixsadu an geeraawók wa gweér. Afkú gixsa oo ta tseegi i kaahh.

ISAYA 45:13

AAKOÓ MUNGÚ i kaahi, «Aníng Koreshi ugwa sihhtís iwa gan'amúr hooti, lohduuwós iga gan'aás, inós gixsar'eé' ga tleehh. Nee mukduú baraá loohaay gun gweer. Inós i bu'utuú leelehhitiiká laqaá slukma.»

ISAYA 45:3

Aníng daqaari'iimadá' taa luú/ ngi haniís tidá' dír naaqoórií dirii'. Kuúng daqaní a tsáhh adór aníng tar AAKOÓ MUNGÚ. Munguú múk Israeli, kudá' kuúng ugwa ateet ar umuuwók.

ISAYA 46:11

Aníng deelaqaasi an iimír da/aáwí ateét. Heé sufueé' gu xuú' un amór yaamaá saáwá huúw. Tí aníng aga oó' nee an boo/eés, tidá' naa qoomeés aqo an tleéhh.

ISAYA 54:11

«Aá Yerusalemu, kiíngadá' taa slahh'eemiís, tidá' taa daawitamiís, ar gurkwa/asa gaa dakus. Ga/aaweek i malé tleéhh ar tlaa/aá tlaxo uren, iihhafiirirók a tleéhh ar tlaa/aá yakutír sirboo/.

ISAYA 58:12

Taanguhúng kudaá aáng ki male /abees, kuungá' tari tleehhitá' gawaá iihhafiirír aáng, kuungá' tunduri bay, ‹Múk koo/i gaa /abees tleehharo, múk lohaá yaamaá ta hooti gaa /abees tleehharo.› »

ISAYA 63:11

Aluuwo mukós de'emaá aáng gina insláy, kudaá sagadiyusmoowós Mose. Inooín tari oó', «Kudá' de'eemuusér bee/aangós gaa waarahhaas tlawto i amá? Kudá' Qeeruuwós oo hhoohhoó' gwaa baraá tla/angw'ín i qaas gaálaay?

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 27:6

Hám daxta yaamuuká sleémeero iga haniís dír sagadiyusmoeé' Nebukadnesa, waawutmoó Babuloni, tam sleeme makaá sla/a iga haniís as nguwa sagadiyuusiya'.

YEREMIA 43:10

Daqaní inooín ki beer, AAKOÓ MUNGÚ Aleesleemusmo, Munguú Israeli i kaahi, ‹Ga/aawaak, aníng sagadiyusmooeé' waawutmo Nebukadnesa oo Babuloni ngu huúw, inós kitaangós kuduú waawuti'iima gu qaas gawaá tlaa/eeká' aníng naa luú/ nee hhaftuú waawuti'iimarós guri hhaaf gawaaká'.

DANIELI 10:1

Kurkú tám oo waawuti'iimár Koreshi, waawutmoó Persia, axweesantá Mungú kana geehhooeés dír Danieli, kudá' taa báy Belteshasa. Geehhooeemaaká' awa tsuwa ló', a daanduú slaqwarár ur. Inós geehhoeemaaká' giri tsaáhh nee iigu'utudá' guri xuú'.