ISAYA 44:27 - Biblía Axweesantá Hhohho' ar Mungú 2004

²⁷ Aníng an kudá' ilo gi babáw, «/Oomé'.» Nee yauuhúng in kahaás.

ISAYA 44:27 Iomraidhean Croise

IIMU/UUNGW 8:1

Ala Mungú Noa guri insláy nee makaydá' baraá miringamoó i diriiá'. Mungú fur'ár ur gari ya/aáw gawaá daanduú yaamu, ma'aay nay /aaruyé'.

WARA'AMI 74:15

Kuúng kutlaay nee yau ina duxuún, kuúng yauudá' uren ina kahamís.

TI'INAANGW 14:21

Mose dakós guri looloqoós gawaá daanduú tlawi. AAKOÓ MUNGÚ tlawi gari tla/a tsaát ar fur'ár da/aá daahh xweera sleémeero, tlawi iri yaamaá kaahaar tleehhít, ma'aay niri tla/a tsatiitiyé'.

ISAYA 42:15

Tlom'i nee gongooamawo i hhitiím, sla/a sleémeero a kahaás. Yau i yaamaá kaahaar tleéhh, tlehheeso i /oomeés.

ISAYA 43:16

AAKOÓ MUNGÚ i kaahi, «Kudá' loohi gaa tla/ángw tláwtár tleehh, kudá' loohi gaa tleehh ar baraá ma'aá yaariir.

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

ISAYA 51:15

Aníng a AAKOÓ MUNGÚ, Munguúwók, aníng tlawi an /eera gaás nee gwaanduú ma'aay iri /orootl. Umuueé' an AAKOÓ MUNGÚ Aleesleemusmo.

ISAYA 63:12

Inós handá' ar /uuruuwose tlehhma'aá waa/oo/amo gina tleéhh ar dákw Mose. Kudá' tlawi gaa dír geeraaín wa tla/a tsaat as tiwa umuú alhhe'eesay wásl i slay.

YEREMIA 50:38

Ma'ay'ín ni kahiye', as kahhó' niwa kahiya', asma Babuloni a yaamaá murslaaqatuú mungui. Muu a slarhhamumuút daanduú slaqsa'aá munguaá hatláe.

YEREMIA 51:32

Duxe kaa hayóh, koo/i kaa daá/ ar asla, slaqwaruuse aa daandeemo feehhamít.»

YEREMIA 51:36

Gawaá adoorihe, AAKOÓ MUNGÚ i kaahi, «Ga/aawaak, aníng kuungá' nu aleekalaá/ daanduú kangwhunge nee li/aay nguwa buu' as kuungá'. Tlawtá Babuloni a /oomeés, nee kutlaywós u kahaás.

SEKARIA 10:11

Inooín nin waarahhiyá' ar baraá tla/ángw tláwtá slahh'amaaye, aníng gwaanduúwós kuduú ma'aay nguri slaáhh, nee iloodaá yaaér Nili niri /oná', daara/ángw Ashuru kuri hhitín, nee /uuruú múk Misri iri faak.

Geehhoeemaá 16:12

Malaykamoó lahhoó' slooqomoowós guri ku'uús baraá yaaeedá' ur ar ta bay Eufrate. Ma'aá yaaeedá' niri kahiyé', as waawituú da/aá daáhh loohir'ín kawa tleehhi.