ISAYA 44:24 - Biblía Axweesantá Hhohho' ar Mungú 2004

²⁴ AAKOÓ MUNGÚ kuduú ba/amusmoohúng, kudá' kuungá' naa baraá gur'ér amuuhúngí tleehh, i kaahi, aníng kilooeé' doori ina intláh nee yaamu ina hhaáf, qoomár ngiwa tlehhiit heé aníng iga alee/iis i kaahh.

ISAYA 44:24 Iomraidhean Croise

YOBU 26:7

/Iya gana tleéhh gawaá tawórí ale, nee yaamu giri tarereé' gawaá tawo.

YOBU 31:15

Ahaá kudá' aníng iga baraá guruú aayor'eéní tleehh, an kudá' lawaalmooeé' gwa tleehhiikáhe? Ahaá aqo kwí wakeekáhe oo atén ta buqumbuqun, baraá gur'ér amuurene?

YOBU 37:18

Kuúng doori intlaaharo i adór inós wá aleesleéra? Nari gawduyá' adór kioo'ór taa tleéhh ar muqslár da/aten?

YOBU 9:8

Inós kilós doori gina intláh nee gwaanduú ma'aay baraá tlawto guri xasltís.

WARA'AMI 104:2

Gwa/aateema ina tsít adór hiyáy wa ale. Doori ina intlát adór inqwaarír wa ale.

WARA'AMI 136:6

Inós yaamu gina intláh gawaá daanduú ma'áy ale, Asma sla'aarirós i warqeeraaká ay alhhe'eesay wasle!

WARA'AMI 71:6

Án kuúng ugwa haratlintií' iimír tiwa laqwaál, kuúng an kudá' aníng iga dux baraá guruú aayír'eé' wa ale, án kuúng u xirfayeemiís deelo sleémeero.

WARA'AMI 78:35

Kari insláy adór Mungú tar tlaa/ar'ín, Munguúduú Gáwtí dirií' an ba/amusmooín.

ISAYA 40:22

Inós yaamu sleémeero gaa harweér, múk gawaá daanduú yaamu a adór tsaxwi'i. Inós doori gina hhaáf adór inqwaari, slám giri kikií' adór heémár hota.

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 42:5

Adoorí an adoodá' AAKOÓ MUNGÚ i kaahi, Inós an kudá' doori nee yaamu gaa tleehh giri intláh, Inós an kudá' yaamu gaa tleehh, umuúqo gár baraadá' i diriia, Kudá' múk baraá yaamu gwa hiinslií haniis, kudá' qeeruuwós gwaa haniis dír múk baraá yaamuú wa hoót.

ISAYA 43:1

AAKOÓ MUNGÚ, Kudá' kuungaá múk Yakobo naa tleehh, kudá' kuungaá múk Israeli naa buqumbuqun, i kaahi, «Ma da'ayumitaara', asma kuungá' naa ba/amís. Aníng kuungá' naa ateét as tawa kwe'eé'.

ISAYA 43:14

AAKOÓ MUNGÚ kuduú Ba/amusmoohúng, Kudá' Hhoohhoó' oo Israeli, i kaahi, «Aníng slaqwaruuse a ya/aáw Babuloni as kuungá' afér baraá gixsa kawa giqay, qwal/uú múk Kaldayo iri warqáy tari tsuunqusmo.

ISAYA 43:7

Umuúqo heewo oo taa ateét ar umuueé', kudá' naa tleéhh as xirfueé', kudá' naa buqumbuquúm nee naa tleéhh.»

ISAYA 44:2

AAKOÓ MUNGÚ kudá' kuungá' naa tleehh, kudá' kuungá' naa buqumbuqun baraá guruú aayooro nee kudá' nu alee/iís, i kaahi, «Ma da'ayumitaara', kuungaá múk Yakobo, sagadiyuuser'eé', Yeshuruni kudá' aníng naa tsawaár.

ISAYA 44:6

AAKOÓ MUNGÚ waawutmoó Israeli, nee ba/amusmooín, AAKOÓ MUNGÚ Aleesleemusmo i kaahi, «Aníng an kuduú geera nee kuduú alhhe'eesaay Munguú hatlá' oo adór aníng i kaahh.

ISAYA 45:12

Aníng yaamu ina tleéhh, hee nguri tleéhh oo gawaadá' gi hoót. Doori aníng ina hhaáf ar dabaaeé', nee muruudá' gawaadií dirií' sleémeero un baliít.»

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

ISAYA 45:7

Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

ISAYA 45:8

Kuungaá doóri, gáwtá wá tluwaaré' huunkáy hotaá ganaa'á' ngi paahhamiisi, yaamu i gweeritiye' ba/ama ngi huwiye' nee hotaá ganaa'á' ngi duuxiye'. Aníng a AAKOÓ MUNGÚ kudá' muruuwí gwa tleehh.

ISAYA 48:13

Dakw'eé' iihhafiirír yaamu gana qaás, nee dakw'eé' oo doó /iyayhe doori ina hhaáf. Qoomár bira ateét inooín nin dinkwaárií sihhiitiyá'.

ISAYA 48:17

AAKOÓ MUNGÚ, kuduú ba/amusmoohúng, kudá' hhoohhoó' oo Israeli i kaahi, «Aníng a AAKOÓ MUNGÚ, Munguúhúng kudá' kuungá' nu intsaahhatamís as amohhooarhúng kawa sleera', kudá' kuungá' nu geeraharahaár ar baraá loohidá' ganaa' ooharo.

ISAYA 49:1

Aníng iiárií qaasaré' kuungá' hhapaá sawen, iia qaasaak kuungaá múk sawén, AAKOÓ MUNGÚ ina ateét qoomár aníng niwa baraá guruú aayoórí kaahh, ina umií tsaát qoomár niwa baraá guruú aayor'eéní kaahh.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 51:13

AAKOÓ MUNGÚ kuduú tleehharusmoowók ugwa gunqarés, kudá' doori gaa hhaaf nee iihhafiirír yaamu gaa qaas. Kuúng kumiít de'eero umuú deélooro as buhhtaá kuduú baramaanusmo taa amohhe'ees kuúng uwa hhaamisi. Xáy, buhhtaá baramaanusmo i amá?

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

ISAYA 59:20

Inós ni Siyonírií hardah adór gweerusmo. A gweerusmoó xwaylár Yakobo tidá' tlakweema gaa meer, AAKOÓ MUNGÚ i kaahi.

ISAYA 60:16

Xoordu in muruú /aymárí huwiyá', waawitá sleeme iri muruú /aymár i huuw. Kiíng daqaní a tsáhh adór aníng tar AAKOÓ MUNGÚ, aníng an ba/amusmoowók. Nee an gweerusmoowók, kuduú Aleesleemusmo oo Yakobo.

ISAYA 63:16

Asma kuúng an baabuúrén, tam Abrahamu atén ti xuiikahe nee tam Israeli ti tsatsahhankahe. Kuúngú AAKOÓ MUNGÚ an baabuúrén, kuúng an gweerusmoorén, iimír aange umuuwók an kwí.

YEREMIA 10:12

AAKOÓ MUNGÚ yaamu gina tleéhh ar /uuruuwós, ar sagalooaarose yaamuuká' gina gawdeés, ar fuquraangose doori gina hhaáf.

YEREMIA 50:34

Ala ba/amusmooín oo /uuruú koóm, AAKOÓ MUNGÚ Aleesleemusmo an umuuwós. Inooín gin aleekalaa/, giri amohhooárií haniis baraá yaamuwo, ala yaamuloouusér Babuloni amoqwanaay gway sleér.»

YEREMIA 51:15

Inós yaamu gina tleéhh ar /uuruuwós. Yaamu gina gawdeés ar sagalooarós, baraá xu'utirose doori giri iihhaáf.

SEKARIA 12:1

Kaangwí an geehhoeemaá axweesantá AAKOÓ MUNGÚ daanduú Israeli. Tí an tidá' AAKOÓ MUNGÚ kudá' doori ga hhaaf, nee iihhafirír yaamu ga qaas nee qeeruú hee gwaa baraawós i tleehh.

Yohana 1:3

Mura' sleémeero ina tleehharuút ar inós. Geera bar inoseeká, gár aa tleehharut i káhh, baraá muruuwí sleémeero aa tleehharuuti.

Galatia 1:15

Ala Mungú aníng ina tsawaár iimír aníng tiwa laqwaaliiká, iri ateét as gurtleemuuwós, as aníng inós nguwa sagadiyuus.

Efeso 3:9

Nee án gár tiwa hariím a lu/aaráydá' Mungú i tleehhamór wa slai, loohír ir tleehharuuti an gwa/atimís dír múkwií ale. Iimír iimu/uungo Mungú, kudá' mura' sleémeero gwa tleehh, kaangwí guna luú/.

Ebrania 1:2

Ala de'emaarén kuká' alhhe'eesayhe ina dirén i axweés ar loohír Garmaawós, kudá' aa aaliitmoó mura' sleémeero wa qaás, slamí mura' sleémeero guna baraá inós ar tleéhh.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.