ISAYA 44:23 - Biblía Axweesantá Hhohho' ar Mungú 2004

²³ Kuungaá doóri, daaé', asma AAKOÓ MUNGÚ tí gana tleéhh. Kuungaá ilo awa baraá yaamu, kuungaá tlóm'i, daaé' ar qwala/. Kiíngasír gara, nee xaa'aá baraasí diriiá', daaé', asma AAKOÓ MUNGÚ múk Yakobo gwaa ba/amís inós xirif guri sláy baraá yaamaá Israeliwo.

ISAYA 44:23 Iomraidhean Croise

1 QOM'I 16:31

Kuungaá doóri, qwalaa/é', kuungaá yaámu qwalaa/é', xoordu sleémeero bawaak, «AAKOÓ MUNGÚ a waawutmo.»

1 QOM'I 16:32

Tlawi i xuuru'ut nee muruudá' sleeme gaa hatsisi. Qamu i qwalaala/iye' nee umuú gár baraadií diriia.

1 QOM'I 16:33

Xaa'aá baraá gara sleémeero i daaiye' ar qwala/, geeraá AAKOÓ MUNGÚ wa ale. Asma inós nin hardah as yaamu ngiwa sakwasleemuuti.

WARA'AMI 148:7

AAKOÓ MUNGÚ xirfayeemisaak iimír yaamuú wa ale, kuungá' makaá uren awa baraá ma'aá hootá', nee kuungá' iloodaá baraá tlawi sleémeero, AAKOÓ MUNGÚ xirfayeemisaak,

WARA'AMI 148:9

Kuungá' tlom'i nee dindirma' sleémeero, xaa'aá mamaá koomá' nee sahhta sleémeero! AAKOÓ MUNGÚ xirfayeesaak!

WARA'AMI 65:13

Bee/aangw qawtanaay gwa tuuntuúk, nee balaangw aa hamaár baraá yaamuwo, umuúqo gaaro i bará/ ar qwala/.

WARA'AMI 69:34

Doori nee yaamu ngu xirfayeemisiye', tlawi nee umuú gár baraawós wa hoota ngu xirfayeemisiye'.

WARA'AMI 69:35

Asma Mungú gixsár Siyoni ga ba/amis, nee gixsadaá Yuda gi malé tleehh, nee sagadiyuuseerós iri baraadá' wa hót, yaamuudá' tari kooín.

WARA'AMI 89:13

Dakók i aleesleemuú kón, dakók oo doó /iyáy i /uuruú kón nee arba/ati.

TI'INAANGW 18:9

Yetro kuri qwal/atís nee tlehhmi'iiká hho' AAKOÓ MUNGÚ aa tlehhahhiít dír múk Israeli, awa ngiwa ba/amís gawaá dabaá múk Misriro.

ISAYA 12:5

AAKOÓ MUNGÚ xirif ti dae', asma muruú urén guna tleéhh, tí i xu'utit baraá yaamu sleémeerowo.

ISAYA 26:15

Ala aá AAKOÓ MUNGÚ, kuúng xoororén ana tlahhás, nee yaamurén ngina dók, as adoorí kuúng tu xirfayemiis.

ISAYA 43:1

AAKOÓ MUNGÚ, Kudá' kuungaá múk Yakobo naa tleehh, kudá' kuungaá múk Israeli naa buqumbuqun, i kaahi, «Ma da'ayumitaara', asma kuungá' naa ba/amís. Aníng kuungá' naa ateét as tawa kwe'eé'.

ISAYA 43:7

Umuúqo heewo oo taa ateét ar umuueé', kudá' naa tleéhh as xirfueé', kudá' naa buqumbuquúm nee naa tleéhh.»

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

ISAYA 49:13

Kuungaá doóri daaé' ar qwala/, kuungaá yaámu xirfayeemisé' kuungaá tlóm'i baraa/é', asma AAKOÓ MUNGÚ mukós gwaa gurkwa/ás nee mukós kudá' aa slahhahhaa' gwaa gurtláy.

ISAYA 49:3

Inós aníng iri báy, «Kuúng a sagadiyusmooeé', aá Israeli muu aníng i xirfayees as kuúng.»

ISAYA 52:9

Taangwaá yaamaá Yerusalemu daaé', asma AAKOÓ MUNGÚ mukós gwaa gurkwa/ás inós Yerusalemu gaa gweér.

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

YEREMIA 31:11

Anuú AAKOÓ MUNGÚ múk Yakobo ngwa gweér baraá tseegamooro. Una ba/amís dír kudá' inós gu baá/ /uuruuwo.

YEREMIA 51:48

Naagáy doori nee yaamu, nee umuúqo gár baraaínií diriia, tari daa' ar qwala/ as Babuloni, asma hhituusér /iikú daahh aa amor'ínií haratleér. Anuú AAKOÓ MUNGÚ tí ngina oó'.

ESEKIELI 35:14

«Anuú Aakoó MUNGÚ a kah, ‹Qoomár aníng kiíng Edomu bira xaanxay tleéhh, daanduú yaamu sleémeero iri qwalaa/,

ESEKIELI 36:1

Aakoó Mungú aníng ina báy, «Heewí, aariím daanduú tlom'aá Israeliwo. Kibeeto, Axweesante'eé' iiárií qaasaak.

ESEKIELI 36:8

Ala gawaá tlom'aá yaamaá Israeliwo xaai haleemi ngi duuxiyá', nee mamu ngi laqwaaliyá' as muk'eé' oo Israeli, asma inooín deeloorí tseewe ta kii/ ayaaín.

ESEKIELI 39:13

Muu sleémeero baraá yaamuudae tu'uudá' gin foliit. Nee gaarí an gár xirfuú huwahuuw dir'ine, baldá' xirfuueé' bura geehhooatís. Anuú Aakoó MUNGÚ tí aga oó'.

Efeso 3:21

Mungú i xirfuuti baraá mukose, as adoodá' atén tiwa haragaás nee Kristo Yesu. I xirfuuti umuúqo qarto ay alhhe'eesay wasle. Amin.

Efeso 4:9

Ala /aymuuwí gídaabárós a milá, kwí tawa kaahi, «Ina tsa/án». Gídaabárós a ina ala geerií aweér sleeme baraá yaamaá baraay.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.

Geehhoeemaá 12:12

Gawaá adoorihe, kuungá' doóri, bara/é', nee kuungaásingá' sleémeero awa baraasíng wa hootá' sleeme. Kuungá' yaámu nee tláwi, a tsaxwaahúng. Asma Neetlaangw, inós naa amorhúng i aweér. Inós i ló'wa xaraasl, asma gaa xuú' adór deeloorós ar aa met kar ureeká.»

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.