ISAYA 44:20 - Biblía Axweesantá Hhohho' ar Mungú 2004

²⁰ Inslawaywós i baraá gaadaádá' da/ara tleehhiit kilós. Heé adór kwí aa hhitiruút ti baloó ba/amisiiká, laqaá sleeme i kaahiiká. «Gaarír gawaá dakw'eé' oo doó /iyáy a lamtookáhe.»

ISAYA 44:20 Iomraidhean Croise

YOBU 15:2

«Ahaá, heé sagalooár koóm axweesani gan mu/aywátsi ar barawaslaay? Ahaá, gár iwa hatsi a boqondaá tawoóro?

YOBU 15:31

A tsiní birta kilós máy al/agooro nee muruú daktu'uuma harahhifooro. Asma daktu'uuma an slasláwaarós.

WARA'AMI 102:9

Asma da/ara an /aáy adór muruú /aymár wa ale. Umuúqo gár ni waha, an hhirhheeraá haraawáh.

WARA'AMI 115:4

Munguii'ín kina tleéhh ar peésa, muqsla nee sahaábu, a gadiyér dabaá muu.

WARA'AMI 144:11

Án ba/amisáng dír tsatoó xaraasle, tu/áng dabaá hoomadá' afer'ine lamemaá tlaaq, dír mukdá' lo'ór lama ga /aáy, ar dabér doó /iyáy ngiwa gáwtí tleemisiya'.

WARA'AMI 144:8

Inooín afer'ine in lamtá kaahiyá'. Lo'ór lama ngin /ayiyá' ar daber'ín ar doó /iyáy kawa gáwtí tleemisi.

AXWEESANOÓ SAGALOOA 15:14

Inslawoó heé muruú tsatsahhaám, a xu'uti gan leelehhiit, Ala afér múk daktana gár i sla' aqo daktu'uuma.

ISAYA 47:10

Kiíng aga yaandahhe'és baraá tlakweemaawók ale, a kat, ‹Heé aníng i ga/áw i kaahh.› Sagalooarók nee xu'utiroge iga qwaareesiyé', tari baraá muunaáwók i ó', ‹Aníng a kilooeé', heé hatlá' oo adór aníng i kaahh.›

ISAYA 57:11

Xáy, heé kuungá' nu dae tlaáq a heemá? Tam lameemo kiri tlaqé', aníng iri insleeri'iiká, tam aníng iri meeré' baraá inslawayhunge. Aníng iimír aange aga dir'eéní xasliitiikáhe, nee an gár kuúng is ilaiwawa/ká doóqa.

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

HOSEA 12:1

Umuú gaaro ar múk Efraimu i tlehhiiti a tawo. Lameemo nee muruú tlakwe ngin alkoná' tlehhtuuwo. Inooín alqado ngin tlehhiitiyá' nee múk Ashuru, nee di/i kan huwahuuw ay Misri.

HOSEA 4:12

Muk'eé' i gurbu'utá firiirín dír xa'ano. Inooín kin geeraharahaar nee iigu'utuú hhara, asma inslawoó fuqi inooín gaa qwaareés, Munguúín nguri mayé' nay fuqtá ayé'.

HABAKUKI 2:18

«Munguú slaqsaay oo taa tléhh ar daba' gár uwa bui, inós bar muqslír hee aa kwahhuút, gaa barqo lamtá tawo. Heedaádá' murslaaqat gwaa tleehh nguwa malé harahhifi gár nguwa bui, munguúwós kwí i qamin bar munguú murslaaqatuú axweesantá aslawká.

Luka 15:16

Garmaadá' qafoodá' baynu i /ayiya' giri slaá' ngiwa qwarkós ar tsaeemisi, asma heé gwa gaárí haniis i kaahh.

Rumi 1:25

Asma inooín looeemaá Mungú ngina warqeesiyé' ar lama. Inooín gadaádá' taa tleéhh nee Mungú, kan ilaiwawaa/, nee kari xirfayeemiis, ala Mungú inósuú kilá', kuduú Tleehharusmo, kwaa xirfayeesiiká. Inós an kudá' ta xirfayeemisi ay alhhe'eesay wasle. Amin.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

1 Timoteo 4:2

Intsaahhasarí amór i dahh a amór mukduú lamuuse. Afoodá' hho' ar baraá muner'ín aa hhitirút adór gár taa daá/ ar muqslír da/a/aam.

2 Timoteo 2:13

Atén bar inkihhimuú ala inós inkihhimuuwós i baloó faakiiká, asma inós kilós ti aleeslayká sa tlaankuuwo.»

2 Timoteo 3:13

Ala múk tlákw nee al/aymuuse ta ak geerií kumiit baraá tlakweemaawo. Inooín in al/aginá', nee slám inooín awa kilá' kaa al/aáy.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 13:14

Nee inós múk baraá yaamuú wa hoót gun paslimís ar layuuwós kudá' i tlehhit dír geeraá makiito'oodár geeraá wa ale. Inós mukdá' baraá yaamuú wa hoót gun babeer, «Murslaaqat tleehhaak oo slaqsoó makiito'oodá' taa inkaahhi'ií qaás ar paánga, nee iri male sláf.»

Geehhoeemaá 18:23

Nee slám gwa/aateemaá tsaa'asi ki baloó ariiká baraawoge. Nee afór garmoó duuxuxuúm nee ar dasír ta duxuuti ka baloó axaasiiká baraawoge malé alé. Asma mukók kudá' halaanu'uumár tleéhh, inooín a múk aleesleemuú koóm baraá yaamuwo, nee xoordu sleémeero kina al/agín ar da/ariwók.»

Geehhoeemaá 20:3

guri kwaáhh baraá bohongwdá' aa tsaree'. Bohongwdá' guri tseék, guri dugnií qaás, as inós múk xoordu munguwa malé al/agín ay dír kureeridá' kumuú wák i boo/iya'. Ala aluuwo gár kuwa hariím a kun gweer har qoomár niinawe.