ISAYA 44:19 - Biblía Axweesantá Hhohho' ar Mungú 2004

¹⁹ Heé tí gaa aldaakw i kaahh, laqaá oo xu'utír koóm i kaahh oo tí ga inslasláw tawa kaahi, «Tlaqtá xa'anoowí ana hamiís nee ngiri mikaátér tleéhh, ngiri fu'unár daá/ ngiri /aáy. Xáy bartadár hatlá' aa met an tleéhha ar gár ta waki, bartadár hatlá' aa met ngiri sluufmiísa?»

ISAYA 44:19 Iomraidhean Croise

1 WAAWITÁ 11:5

Solomon munguú ta bay Ashtaroti kuduú /ameeni oo múk Sidoni guna sagadiyuús, nee Milkomu kudá' ta waki oo múk Amoni guri eehár

1 WAAWITÁ 11:7

Gawaá tloomadár bihhaá da/aáw awa Yerusalemu, Solomon kiteeri giri tleéhh awa ilahhooa kawa hanmiisi dír munguúdá' ta waki oo ta bay Kemoshi oo múk Moabu nee dír munguúdá' ta waki oo ta bay Moloki oo múk Amoni.

2 WAAWITÁ 23:13

Waawutmo kiteeridá' gawaá gongoama' awa bihhaá da/aáw Yerusalemuro gina meeta gaás, nee bihhidaá tloomár hhituru'uuma didá' Solomon waawutmoó Israeli aa tleéhh as Ashtaroti, tidá' ta waki ar múk Sidoni, nee Kemosi ar múk Moabu, nee Milkomu ar múk Amoni.

2 WAAWITÁ 23:14

Uheemi gina giqáy, murslaaqatuú Ashera guri tlaáq, nee didá' ni sihhitiyé' gari fadaá múkwí dalaá/.

TI'INAANGW 7:23

Farao iri warqáy iri waátl amór do'ós, tam tí sleeme gaa gaárí xuiiká.

ISAYA 44:18

Mukwí gár i xui i káhh tam gár i tsatsahhana'. Asma ilaaín kaa gumamaá' as adoorí i xumisiaaká, fuquraangw i kaahh as adoorí gár i tsatsahhana' i káhh.

ISAYA 45:20

Kuungaásingá' xoorór aa met, dinkwaárií burumburiité', hardahaaré' daqaní ni tseewurá'. Mukdaáduú murslaaqatuú gufteeraá loohiís i xu'utír konká, nee tan munguú hatlá' firiirín kudá' ba/amisaro gi aleeslawaaká.

ISAYA 46:8

Kaangwí inslawaak nee ku aldakwá'. Axáy malé aldakwaak kuungaá tlakuuse.

ISAYA 5:13

Gawaá adoorihe, muk'eé' ku loohatis asma sagawasler'ín. Mukhúng kudá' ta ilaiwawa/i qwari gu tsuu/, múk yaariír waxe gu tsú/.

ISAYA 66:3

Ala mukwí adór i slaiya' ngin tlehhiitiyá', dir'ine dimbé i káhh bar awu ngwa gaasiyé', laqaá hee, Bar deelmoó bee/i ngwaa ilahhooár wa haniisiyé' laqaá seeaay. Bar balaangw ngwa ilahhooár wa haniisiyé' laqaá tseerér baynamo. Bar ilahhooár inslaslaangw ar mooyángw koóm ngwaa haniisiyé' laqaá bar munguúduú murslaaqat ngwa sluufmiisiyé'. Mukwí lohduuín gina kilooín sláy, nee muner'ín ka sla'atamis nee muruuín kudá' ni waak.

ESEKIELI 40:4

Naagáy iri báy, «Heewí, axáy, ló'wa qaytsiít nee iia qaasa hhe'eeseek. Axáy, ló'wa magaáhh umuú gár ni dirógií laqaama ara hhe'eeseek. Asma kuúng tuna diirií huúw as uwa gaarií laqaam. Múk Israeli ku afoorí ilaharís daanduú tidá' taa aandi.»

HOSEA 4:12

Muk'eé' i gurbu'utá firiirín dír xa'ano. Inooín kin geeraharahaar nee iigu'utuú hhara, asma inslawoó fuqi inooín gaa qwaareés, Munguúín nguri mayé' nay fuqtá ayé'.

HOSEA 7:2

Inooín tam tsaahhár niiná ngi kon'aaká, adór aníng tlakweemaaín ngir xuú', ala inooín kaa nagwaáhh nee tlakweemaaín badu sleémeero, tlakweemaaín sleémeero aníng i ga/áw.

HAGAI 1:5

Gawaá adoorihe AAKOÓ MUNGÚ Aleesleemusmo i kaahi, «Lohduuhúng alqaytsitaak.

DABE 27:15

«Umuúqo heewo oo slaqsaay gwaa tleehh, laqaá gwaa kwahhuut, nee umuúqo gaaro ar taa tleéhh ar daba' kari qawti sihhtís, tidá' AAKOÓ MUNGÚ i waki, kwaa lu'ús.» «Nee muu sleémeero ta ooi, Amin.»

DABE 32:46

inooín giri báy, «/Aymi'iiká' sleémeero awa daa'angwí laarí naa dirhúng i daá', baraá munerhúng ti qase', nee na/iihúng ki hara'ayiindá', as kahhó' niwa ilakaahareesiya' axweesanoó dabeerí ooharo.