ISAYA 44:17 - Biblía Axweesantá Hhohho' ar Mungú 2004

¹⁷ Bartá xa'ano tidá' aa met gan slaqsoó mungúr tleehh, nee gari i tumbarara'aat, gari sluufmiis gari firiirín iwa kaahi, «Kuúng an Munguúeé', aníng tu/áng.»

ISAYA 44:17 Iomraidhean Croise

1 WAAWITÁ 18:26

Aaruuseedár Ba'ali awuuín nguri tsawaariyé', nguri amohhe'eesiyé', Ba'ali nguri iimu/uné' firooro, iimír matlaatlér wa ale ay /ameetleemu. Nina ni/iné' nee kitangwduú ilahhooa taa tleéhh nguna harweeditiyé', tawa kaahi, «Ba'aáli, atén ti iiaárií qas!» Ala afór taa axaás i káhh, laqaá heé gaa mu/aywaats i kaahh.

1 WAAWITÁ 18:28

Aaruusér Ba'ali tana ló'wa tseé', tari siiqitiyé' ar tsat'i nee simeduwo, ar adoodá' slooir'ín i diri', nee tseerduuín nay ló'wa wa/aminé'.

ISAYA 2:8

Yaamuuín naa hatsiyé' munguaá murslaaqatuuwo, gár i sluufmisiya' a gadiyér dabaaín, muruú taa tlehhiít ar ditsaá kilá'.

ISAYA 37:38

Looarka wake waawutmo ina sluufmisuú áy baraá doó munguúwós kudá' ta bay Nisroki. Daaqaywós kudá' ta bay Adrameleki nee Shareseri nguri gaasiyé' ar paánga, niri /akumiitiyé' yaamaá Ararati. Naagáy garmaawós kudá' ta bay Esarhadoni iri waawuti'ín kitaangós wa alé.

ISAYA 44:15

Aluuwo tari migíruú hee, guna ásltár oohamiís guri mikaátér tleéhh, guri slaqsoó munguír tleéhh guri firiirín. Inós slaqsa'aá tawo gina tlehhiít giri sluufmiís.

ISAYA 44:16

Bahh'ale gari migíruú wa hamiís, fu'unaay giri migiruudár daá/, iri axwaneemiís iri oó', «Slaqwa aa axwaanuúr daxta, aníng asla aga sláw.»

ISAYA 45:20

Kuungaásingá' xoorór aa met, dinkwaárií burumburiité', hardahaaré' daqaní ni tseewurá'. Mukdaáduú murslaaqatuú gufteeraá loohiís i xu'utír konká, nee tan munguú hatlá' firiirín kudá' ba/amisaro gi aleeslawaaká.

ISAYA 46:6

Mukdaádá' sahaábuú duxuúm baraá tlakw'ii'ín wa alé peésa ngiri qoomeemeesiyá' ar kílo. Heedaáduú sahaábuú kwahhuút nguri buiyé' ar peésa, as slaqsa'aá mungui ngiwa tleehh. Naagáy kiri i tumbarara'aamiit kiri sluufmiis.

YEREMIA 2:27

Kuká' an kudá' xa'anoó babaawá', «Kuúng a baabuúeé',» nee tlaa/anoó, babawá', «Kuúng atén tina laqwál.» Ala inooín intlerhhuuín ngwa amor'eé' xu'usiyé' nee gitsee/er'ín nga amor'eé' xu'usi'iiká. Ala qoomár slahh'amaayeero i kaahiya', «Tlawáng ti /is.»

DANIELI 3:17

Bar adoosíng Munguúrén kudá' atén ta sagadiyusaan tiqo ba/amis baraá bohongwduú asltá gufteeriwo, inós atén ti ba/amis baraá dabaá waawutmoowo.

DANIELI 3:29

«Gawaá adoorihe aníng hamí an kah, umuú tlahhaywo nee umuú xoorooro nee umuú tsifriro ar múk /aymuú harimaaká gu oo' daanduú Munguú Shadraki nee Meshaki nee Abednegowo, xoorór adoorí mukós kun supín tay kaeemaá dimbadimbé, maray'ín tay taangu. Asma Munguú hatlá' oo hee gu aleesláw ba/amisaro ar loohír adór tí i kaahh.»

DANIELI 6:16

Aluuwo waawutmo Dario hara'aya gari oó', Danieli kuri kwaáhh baraá mar'ír direeri. Danieli kuri báy nee waawutmo, «Munguúwók kudá' ta sagadiyumaamis umuú daqto u tu/i.»

DANIELI 6:27

Inós i tu/ún nee i ba/amiimis, inós layu nee muruú waa/oo/amo gin tlehhiit, gawaá doori nee baraá yaamuwo. Inós an kudá' Danieli gwa ba/amis dir direeriwo.»

HOSEA 13:2

Hám daxta tana ak kumiít tlakweema tlehhtuuwo, inooín munguú slaqsaay kway tleéhh ar peésa. Heé fuqurángw koóm slaqsaywí guna tleéhh ar peésa. Muruuwí sleémeero kuna tleéhh nee heé kwahhór baál, tari oó', «Ilahhooár muruú ta tsu/i dír muruuwí ti hanmisé'.» Muu slaqsi'iidá' mungui ngiri ma'amisiyé', kudá' taa tleéhh ar slaqsoó dama.

MIKA 5:12

Aníng tam da/ariwók i hingeés baraawoge, ngay faák. Tam mukók kudá' iigu'utuú ara'ár ta baloó kumiitiiká.

HABAKUKI 2:19

Tsaxwaawós heedaadá' xa'anoó babáw, ‹Tlawáng›, laqaá kudá' tlaa/ár afaa wasl ga babáw, ‹Sihhiitáng›. Xay, muruusíng kuúng u intsaahhatísi? Qaytsiít, kwaa sliík ar sahaábu nee ar muqslár peésa, ala i hiinsluú kon'aaká baraaine.»

Tlehhema'aá ya/Abuuse 19:27

Gawaá adoorihe gadiyeérén tí i baraá tsaxwá úr i dirí', muu ngiwa waaqaai. Ala a har tí kiloseeká, ala doó hhoohhoó' oo munguúrén kwí úr oo /ameeni Artemi, kuri gaárií xuiiká sleeme. Slám tsaxwa i dayá' awa munguúwí oo Artemi xirfuuwós kuwa hhitin, inósuudá' ta sluufmamiisi nee muu sleémeero oo baraá yaamaá Asia, tam múk baraá yaamu sleémeerowo.»