ISAYA 44:15 - Biblía Axweesantá Hhohho' ar Mungú 2004

¹⁵ Aluuwo tari migíruú hee, guna ásltár oohamiís guri mikaátér tleéhh, guri slaqsoó munguír tleéhh guri firiirín. Inós slaqsa'aá tawo gina tlehhiít giri sluufmiís.

ISAYA 44:15 Iomraidhean Croise

2 QOM'I 25:14

Waawutmo Amasia niwa waátl baraá slaqwarár wa ale, ar múk Edomu nguwa baál, slaqsi'iidá' munguaá hatlá' awa múk Edomu ngina ar waátl, giri sihhtís giri sluufmiís, giri mooyángwí da/aa/án.

ISAYA 2:8

Yaamuuín naa hatsiyé' munguaá murslaaqatuuwo, gár i sluufmisiya' a gadiyér dabaaín, muruú taa tlehhiít ar ditsaá kilá'.

ISAYA 44:10

Heewí a heemá oo slaqsoó Mungú gwaa tleehh, kwí munguaá murslaaqat ngu /iisiaaká.

ISAYA 44:14

Hee xaa'aá sahhta gina tlaáq nee xa'anoó ta bay, beroshi oo hhoohhoó' laqaá oo ta/eewi nee iri uráy tla/ángw xaa'aá darmuú wa aleeró. Sahhtí gana dahaás, tluwaay iri tluúw iri ureér.

ISAYA 44:16

Bahh'ale gari migíruú wa hamiís, fu'unaay giri migiruudár daá/, iri axwaneemiís iri oó', «Slaqwa aa axwaanuúr daxta, aníng asla aga sláw.»

ISAYA 44:17

Bartá xa'ano tidá' aa met gan slaqsoó mungúr tleehh, nee gari i tumbarara'aat, gari sluufmiis gari firiirín iwa kaahi, «Kuúng an Munguúeé', aníng tu/áng.»

ISAYA 45:20

Kuungaásingá' xoorór aa met, dinkwaárií burumburiité', hardahaaré' daqaní ni tseewurá'. Mukdaáduú murslaaqatuú gufteeraá loohiís i xu'utír konká, nee tan munguú hatlá' firiirín kudá' ba/amisaro gi aleeslawaaká.

ISAYA 46:6

Mukdaádá' sahaábuú duxuúm baraá tlakw'ii'ín wa alé peésa ngiri qoomeemeesiyá' ar kílo. Heedaáduú sahaábuú kwahhuút nguri buiyé' ar peésa, as slaqsa'aá mungui ngiwa tleehh. Naagáy kiri i tumbarara'aamiit kiri sluufmiis.

Geehhoeemaá 9:20

Nee múk aa meet, oo taa tsu/iiká ar muxtaarí, gadiyeédár dabaaín kaa hhu'u'unká, neetlaame kaa mayká sluufmisuuwo, nee munguaá muqslaaqatuuwo, kudá' taa tleéhh ar sahaábu nee ar peésa nee ar muqsla nee ar tlaa/e nee xaai. Munguiiká' i xumisiiaaká nee i axamisiiaaká, slám i hi'iimitiiaaká.

HAR'OHUUSE 2:19

Ala qoomár har'ohusmoodá' bira gwaá', inooín nin alií ki/iyá', tlakweema ngin male tleehhiyá', baabi'ii'ín ba/a, munguaá hatlá' ngin eehariyé' nee ngin sagadiyuusiyá', nee ngin i tumbarara'amiitiyá'. Tlehhmi'ii'ín kudá' tlakw nga mayi'iiká, laqaá tam saga gawdeemaaín nga mayi'iiká sleeme.