ISAYA 44:13 - Biblía Axweesantá Hhohho' ar Mungú 2004

¹³ Heé peehhoó dakuút guna gan'amiís, guna layarí qamín ar kalaámuú penséli, guri natsatsaeés ar ránda, gari adór slaqsoó hhoohhoó' oo heé wár tleehh, ngway qaasiyé' baraá maray'ín.

ISAYA 44:13 Iomraidhean Croise

IIMU/UUNGW 31:19

Qoomaadae Labani aa se'éngw bee/aangós tlaquú áy. Naagáy Raheli pa/aangw guri sleér oo murslaaqatuú munguiidá' baabá i haratlintaati'i ngiwa fis.

IIMU/UUNGW 31:30

A xuú' gár tasa fisiín, a inslawoó úr oo ki/imaá amór baabuúwók una sleér. Ala a milá gár murslaaqatuú munguiieé' kudá' ni haratlintatii' kisa fís?»

IIMU/UUNGW 31:32

Ala heé kuúng taqo sleera oo munguiidá' ta haratlintaati' gi koóm, ku gaasi. Dír geeraá mukrene kuúng umuúqo gaarók ar atén ta koomaan laqaamang, nee ka hayót geeraá mukók kwí wa alé.» Yakobo ga xuiiká adór Raheli murslaaqatuú munguiidá' Labani i haratlintaati'i ngura fís.

IIMU/UUNGW 35:2

Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

ISAYA 41:7

Heé peehhoó dakuút i heé sahaábú kwahhuút gurkwa/amis, nee kudá' peehhoó hhasliít, i kudá' asltá dukuúm harakeemiis nguwa babay, «Adoosíng i qoón.» Peehháy kun musmáráy muux as kahhó' iwa diingitiiká.

ISAYA 44:14

Hee xaa'aá sahhta gina tlaáq nee xa'anoó ta bay, beroshi oo hhoohhoó' laqaá oo ta/eewi nee iri uráy tla/ángw xaa'aá darmuú wa aleeró. Sahhtí gana dahaás, tluwaay iri tluúw iri ureér.

ESEKIELI 8:10

Naagáy aníng niwa dáh, koo/i ngiri ár, naxés kaa gooaaín slaqsa'aá dayshe nee awa makaá hatlá' awa slasla/aren, nee awa makaá sla/a awa i buhhtamisá', nee slaqsa'aá munguaá múk Israeli naa tleehhiyé' ar dabaaín, kaa tlehhahhiít, guruú do' ngway harweeriyé'.

ESEKIELI 8:11

Nee dír geeraá slaqsi'iikae bariise mibeeri faanqw ar múk Israeli, taa didií sihhiít dinkwa nee Ya'asaniya garmoó Shafani. Umuú heewo dakose i hhaansoó kón, nee quuír muruudú mooyángw tsuú' iri tsa/aán gáwtí alé.

ESEKIELI 8:12

Aluuwo Mungú iri báy, «Heewí, aga aándi kángw bariisér múk Israeli taa tlehhiít baraá giwtír wa alé, umuú heewo i baraá kutuwirós tidá' slaqsa'aá munguaá hatlá' koom. Inooín i kaahiya', ‹AAKOÓ MUNGÚ atén ti ga/ayká. AAKOÓ MUNGÚ yaamu gwaa máy.› »

Tlehhema'aá ya/Abuuse 17:29

Ala atén barnaxes a na/aá Mungú, a hariímarooká atén tawa kaahaan Mungú a slaqás nee sahaábu, laqaá peésa, laqaá tlaa/ano. Asma muruuwí a muruú taa tleéhh ar aleesleemuú muu nee sagalooa.

Rumi 1:23

Inooín Munguúduú slafíngw alhhe'eesay wásl koóm kwaa xirfayeemisiiká. Ala gár inooín taa xirfayeemiís a munguiidá' taa tleéhh ar slaqsa'aá múk qaátl nee awa tsir/o, nee awa makaay, nee awa makaydá' ya'a' waslen.

DABE 27:15

«Umuúqo heewo oo slaqsaay gwaa tleehh, laqaá gwaa kwahhuut, nee umuúqo gaaro ar taa tleéhh ar daba' kari qawti sihhtís, tidá' AAKOÓ MUNGÚ i waki, kwaa lu'ús.» «Nee muu sleémeero ta ooi, Amin.»

DABE 4:28

Amoodaádae munguaá taa xaaír tleéhh nee tlaa/e kiri sagadiyusá', kudá' handá' awa gadiyér dabaá muu, inooínaadá' xumisa'aaká, laqaá axamisa'aaká, laqaá i /ayna'aaká, laqaá i tsaa'amina'aaká.

HAR'OHUUSE 18:24

Mika iri oó', «Kuungá' munguiidá' aníng naa tleéhh ina ar tleeré' dinkwa nee kaahamusmo, ala gár aníng ni koom a milá? Slamí án kuungá' adór ir yaahasa' a adoomá?»