ISAYA 44:11 - Biblía Axweesantá Hhohho' ar Mungú 2004

¹¹ Ga/aawaak, mulqeerós sleémeero ka mureekees, inooín a gadiyér dabaá muu, gimáy inooín sleémeero ta burumburiiti, mawaak i kilooín sihhitiye', ki dae tsaat, sleémeero ki dinkwaárí mureekees.

ISAYA 44:11 Iomraidhean Croise

1 WAAWITÁ 18:40

Eliya muu guri báy, «Aaruusér Ba'ali sleémeero ohiimare', tam oo wák miwa kotsqoót.» Naagáy sleémeero kiri ohín. Eliya giri huúw baraá yaaér Kishoni, giri tsuú/ baraadií ale.

WARA'AMI 97:7

Kudá' sleémeero awa munguiidaá hatlá' awa murslaaqat ngi haratlintaatiá' ki mureekees, kudá' sleémeero slaqsa'aá munguaá hatlá' ngir diiduusá'. Munguaá hatlá' sleémeero nin tumbararaa'atiyá' dir geeraá Mungú.

ISAYA 1:29

Asma kuungá' tundu mureekees kuwa sluumisá', as ti'ituudá' taa ilaatleerusé' kuwa sluufmisa', tunduri amoqwaarees as asalmoodá' taa tsawdé' kuwa sluufmisa'.

ISAYA 42:17

Kudá' munguaá slaqsi'i awa taa tleéhh ngi harahhifiitá' ki alií warqees kiri ló'wa mureekees, kudá' kaahá' dír slaaqsi'iidií aleeró, «Kuungá' a munguiirén.»

ISAYA 44:9

Muu sleémeero kudaá slaqsa'aá munguaá tlehhiít a gár tawo ló'wa ale, muruuwí ta saqwalaala/i gár ngiwa bui i káhh. Mukdaáduú munguiiká lamabu'uumá' inooín a taampu nee gár i xuiya' i káhh. Inooín ki mureekees.

ISAYA 45:16

Kudá' slaqsa'aá munguaá hatlá' tlehhiitá' gin mureekees, giri amoqwaarees. Sleémeero giri amoqwaarees.

ISAYA 65:13

Gawaá adoorihe, Aakoó MUNGÚ i kaahi, «Ga/aawaak, sagadiyuuser'eé' i /ayiín, ala kuungá' qwari nu tsuu/. Ga/aawaak, sagadiyuuser'eé' i wahaán, ala kuungá' waxe nu fák. Ga/aawaak sagadiyuuser'eé' i qwalaalá/, ala kuungá' tundu mureekees.

YEREMIA 10:14

Umuúqo heewo ku iimiboó/ nee i fuqurángw konká. Umuúqo kareeramoó sahaábuú kwahhuuta ku mureekees nee slaqsi'iiwós kudae, asma slaqsi'iidá' a lamtá tawo, i slafíngw kon'aaká.

YEREMIA 51:17

Umuú hee a daktani, ku xu'uti wásl, umuú kareeramowo nee murslaaqatuuwose ki mureekees, asma slaqsi'iiwós a lama, slám i hiinsliiaaká.

HOSEA 13:2

Hám daxta tana ak kumiít tlakweema tlehhtuuwo, inooín munguú slaqsaay kway tleéhh ar peésa. Heé fuqurángw koóm slaqsaywí guna tleéhh ar peésa. Muruuwí sleémeero kuna tleéhh nee heé kwahhór baál, tari oó', «Ilahhooár muruú ta tsu/i dír muruuwí ti hanmisé'.» Muu slaqsi'iidá' mungui ngiri ma'amisiyé', kudá' taa tleéhh ar slaqsoó dama.

DABE 4:28

Amoodaádae munguaá taa xaaír tleéhh nee tlaa/e kiri sagadiyusá', kudá' handá' awa gadiyér dabaá muu, inooínaadá' xumisa'aaká, laqaá axamisa'aaká, laqaá i /ayna'aaká, laqaá i tsaa'amina'aaká.