ISAYA 44:10 - Biblía Axweesantá Hhohho' ar Mungú 2004

¹⁰ Heewí a heemá oo slaqsoó Mungú gwaa tleehh, kwí munguaá murslaaqat ngu /iisiaaká.

ISAYA 44:10 Iomraidhean Croise

1 WAAWITÁ 12:28

Alaá waawutmo kaangwí nguwa gurií axweemaamiís, slaqsa'aá tsár giri tleéhh ar sahaábu. Muu guri báy, «Kuungá' awa múk Israeli, qaytsité', munguihúng kudaá na baraá yaamaá Misrír wa duuxiye' a kuká'. Gimsé' gár tas Yerusalemúr kakeera' i káhh.»

WARA'AMI 115:4

Munguii'ín kina tleéhh ar peésa, muqsla nee sahaábu, a gadiyér dabaá muu.

ISAYA 40:19

Inós nee slaqsi'iidaá mungui taa dakuút ti slay'aaká. Slaqsaydá' taa sliík ar sahaábu nee tlaatlawtá taa muqslír /awaákár tleéhh.

ISAYA 41:29

Ga/aaweek, munguii'ín sleémeero a al/ayma, gár tleehharo i aleeslaya' i káhh, slaqsi'ii'ín kudá' taa tleéhh a fur'ár tawo.

ISAYA 45:20

Kuungaásingá' xoorór aa met, dinkwaárií burumburiité', hardahaaré' daqaní ni tseewurá'. Mukdaáduú murslaaqatuú gufteeraá loohiís i xu'utír konká, nee tan munguú hatlá' firiirín kudá' ba/amisaro gi aleeslawaaká.

YEREMIA 10:5

Slaqsi'ii'ín a adór inqwaarír xooyaangw gusisiingw baraá qaymooro, i axweesiaaká, aqo kin loohiis asma i hi'iimitiaaká. Slaqsi'iiká' mi da'ayumitaara'. Inooín hee gár tlaakw ngway tleehhiya' i káhh, tam ar hhoo' ngway tleehhiya' i káhh.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

DANIELI 3:1

Waawutmo Nebukadnesa murslaaqatuú yangaariír guna tleéhh oo sahaábu, tlenaangós a miíta mibeeri tsár nee dakaát. Uroó bihheero a miíta tám, guri sihhtís baraá tlapár Dura ar baraá yaamaá Babuloni.

DANIELI 3:14

Nebukadnesa iri oó', «Aá Shadraki nee Meshaki nee Abednego, xaysé', axweesantí tawa kaahi murslaaqatuueé' kuduú sahaábu naa sihhtís ugwa ilaiwaa/i'iiká nee ugwa sluufisi'iiká ar lóe?

HABAKUKI 2:18

«Munguú slaqsaay oo taa tléhh ar daba' gár uwa bui, inós bar muqslír hee aa kwahhuút, gaa barqo lamtá tawo. Heedaádá' murslaaqat gwaa tleehh nguwa malé harahhifi gár nguwa bui, munguúwós kwí i qamin bar munguú murslaaqatuú axweesantá aslawká.

Tlehhema'aá ya/Abuuse 19:26

Kuungá' aga aandé' nee aga axasé' adór heewí ta bay Paulo i tlehhiiti. I kaahi, ‹Munguaá ta tlehhiiti ar dabaá muu a munguiwooká.› Inós múk yaariír gwa harakeemiís guri warqeés, ala a diirír gixsár Efeso kiloseeká, ala tam baraá yaamaá Asia sleémeero.

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.