ISAYA 43:7 - Biblía Axweesantá Hhohho' ar Mungú 2004

⁷ Umuúqo heewo oo taa ateét ar umuueé', kudá' naa tleéhh as xirfueé', kudá' naa buqumbuquúm nee naa tleéhh.»

ISAYA 43:7 Iomraidhean Croise

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 50:23

Kudá' aníng i ilahhooár sluufáy duxuúm, an kudá' aníng i xirfayeemiís. Heé digir waketiingós gwaa qoomees aníng u ba/amís!»

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

ISAYA 29:23

Asma qoomár na/ii'ín birnga ariyé', kudá' aníng naa inooíní haniís, inooín umuueé' nguri xirfayeesiyá', umuú Kudá' Hhoohhoó' oo Israeli nguri xirfayemisiyá', nee Munguú Israeli nguri ilaiwawa/iyá'.

ISAYA 43:1

AAKOÓ MUNGÚ, Kudá' kuungaá múk Yakobo naa tleehh, kudá' kuungaá múk Israeli naa buqumbuqun, i kaahi, «Ma da'ayumitaara', asma kuungá' naa ba/amís. Aníng kuungá' naa ateét as tawa kwe'eé'.

ISAYA 43:21

Mukdá' naa tleéhh as aníng as xirfuueé' nguwa alki/itiya'.› »

ISAYA 44:23

Kuungaá doóri, daaé', asma AAKOÓ MUNGÚ tí gana tleéhh. Kuungaá ilo awa baraá yaamu, kuungaá tlóm'i, daaé' ar qwala/. Kiíngasír gara, nee xaa'aá baraasí diriiá', daaé', asma AAKOÓ MUNGÚ múk Yakobo gwaa ba/amís inós xirif guri sláy baraá yaamaá Israeliwo.

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

ISAYA 48:11

Adoorí an tleéhh as daanduueénuú kilá'. Asma waáy gár umuueé' kus waaqaqai? Aníng xirfuueé' u baloó heé hatlá' i haniisaaká.

ISAYA 56:5

Aníng inooín baraá guruú dooeene nee baraá guruú baquuwo in dír xiríf i haniís. Umuú ló'wa afhhamít oo na/aá daaqaay nee awa dasuuwo gi baa/ un haniís. Aníng in umií haniís oo ta inslaslay kureeri sleem oo ta baloó fitsiiká.

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 63:19

Atén a adór múk kuúng taa baloó sawaawuti'iindiiká, a adór múk taa umuuwók ar ateetiiká.»

YEREMIA 14:9

Ahaá waáy, kuúng misti ilaqaamís tawa adór heé aa sagaqwaar, adór pihhusmoó hee alee/isaro gu aleeslawaaká. Ala tam adoorihe, kuúng, AAKOÓ MUNGÚ, a dinkwa nee atén, nee atén tina ateét ar umuuwók, atén a mukók. Miti mawaar.»

YEREMIA 33:16

Deeloodae yaamaá Yuda ki ba/amis, nee awa Yerusalemu i hootiyá' ar saxareema. Gixsarí umuuwós kuri bay, ‹AAKOÓ MUNGÚ an gan'amuurén.›

DANIELI 9:18

Aá Munguúeé', iia qaaseek, qaytsiít slahh'amuú ta koomaan, nee adór gixsarí taa umuuwók ar ateét ir slahhaahha'. Gár atén kuúng us firirimaan a gan'amuureneeká, ala a as gurtleemuuwók oo yaariír.

DANIELI 9:19

Aá Aáko, atén ti iiárií qas, aá Aáko, atén ti gurtleer. Aá Aáko, ti iiárií qas, nee adoodá' ta sla' tleehheek, ala mindi tligaar as umuuwók, aá Munguúeé, as daanduú gixsarí nee mukwí taa umuuwók ar ateét.»

AMOS 9:12

Daqaní múk Israeli panayduú múk Edomu guri baal, tam nee xoordu sleémeero kudá' taa umuueénár ateét sleeme. Anuú AAKOÓ MUNGÚ kudá' muruuwí gu tlehhiít tí aga oó'.»

Yohana 15:8

Baabuúeé' ku xirfayeemiis, as adoodá' kuungá' mamu kiwa ló'wa laqwaliinda', nee tawa eeharuuser'eé' ar ló'.

Tlehhema'aá ya/Abuuse 11:26

Qoomár nguwa sláy nguri huúw ay Antiokia. Inooín kurkú wák kuri al faák nee eeharuuse, tidá' baraá Antiokiár i dirii', múk yaariír kuri intsaahhatimís. Yaamaá Antiokia an dír geera ar haratlintaauuse kawa báy kríshaanáy.

Rumi 9:23

Adoorí gana tleéhh as xooslaadá' gurtleemuú slaw ngiwa xirfuuwós oo yaariír i geehhooeesi. Kuká' an kudá' aa amohhe'eés as xirif kuwa slay.

2 korinto 5:17

Gawaá adoorihe, hee bir baraá Kristó i dirii', inós a heé /abén. Tidá' qaren aa waaráhh, ga/aaweek, ar /aben naa hardát.

Galatia 6:15

A gaarooká hee burkwa al/uútl, laqaá barnaxes kwa al/uutliiká, ala gár afhhamít a hee kuwa heé /abén tleehhi.

Efeso 1:12

Asma a sla'aarirós atén tawa xirfuuwós tleehhitaan baraá Kristowo, ateédá' Kristo ugwa geerií harahhifoórí gaasaan.

Efeso 1:6

Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

Efeso 2:10

Asma atén a gadiyér Mungú. Inós atén tina tleéhh ar baraá Kristo Yesu, as atén tlehhma'aá hho' kiwa tleehhaan, kudá' Mungú aa qaroó amohhe'eés as atén kiwa eeharaan.

Yakobo 2:7

Slám múk umuuhúng kwisíng hhoohhoó' oo Mungú naa haniís gu /oosliisliím a inooíneéka?

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.

1 Petro 4:14

Kuungá' bar tundun /ooslislín as Kristo, kuungá' daqaní a múk amoohhoó'. Asma Qeeruú Xirif kuduú Mungú, i gawaahúng i dirii'.

Geehhoeemaá 3:12

Heedaádá' arba/ati gaa slay, aníng inós un uhumoó Doó Munguúeé' tleéhh, nee baraadaádae iri ti'iitiiká baloó ale. Nee gawaawose aníng umuú Munguúeé' un gooiím, nee umuú gixsár Munguúeé', Yerusalemudá' /aben, tidá' awdiit gawaá dooriiwo amór Munguúeé' wa ale. Nee slám aníng umuueé' kudá' /abén u gooiím.

1 SAMUELI 12:22

AAKOÓ MUNGÚ mukós gu geexayká as ilaiwa/amér umuuwós kudá' iia tleér, asma AAKOÓ MUNGÚ adoorí guna sla'atís ar kuungá' nuwa mukósuú kilá' tleehhi.