ISAYA 43:3 - Biblía Axweesantá Hhohho' ar Mungú 2004

³ Asma aníng a AAKOÓ MUNGÚ, Munguúhúng, Kudá' Hhoohhoó' oo Israeli, ba/amusmoohúng. Yaamaá Misri afkuhúng nguna /ayiyé', yaamaá Kushi nee Seba ina kuungár waa'aláh.

ISAYA 43:3 Iomraidhean Croise

IIMU/UUNGW 10:7

Daaqoó Kushi a Seba, nee Hawila, nee Sabta, nee Ra'ama nee Sabteka. Nee daaqoó Ra'ama a Sheba nee Dedani.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

TI'INAANGW 10:7

Geeraharuuse Farao guri beér, «Ay xaylá heewí i tsaaxweeli tleehhimaamiiti direne? Mukós kwisíng geemaweek i tlay, AAKOÓ MUNGÚ Munguúín ngu sluufmisuú aye'. Ay hamí aga tsahhkáhe adór yaamaá Misri nira qwaariyé'.»

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

AXWEESANOÓ SAGALOOA 11:8

Heé hota ganaá' baraá slahh'amko kun tuu/. Heé tlaákw afkós guri /aay.

AXWEESANOÓ SAGALOOA 21:18

Heé tlaákw ku daanduú heé ganaá' wá haniis, Heé haratlintao wásl i daanduú heé hhoó' wá dah.

ISAYA 19:20

Muruuwí tari laya nee lamabu'uungw dír AAKOÓ MUNGÚ Aleesleemusmoowo baraá yaamaá Misriro, qoomár birna amór AAKOÓ MUNGÚ i /aa/iyé' as baramaanusmo, inós gin ba/amusmoówí ya/aaw, giri aleekalaa/, giri ba/amis.

ISAYA 20:3

Aluuwo kurkudá' gixsár Ashdodi kawa hayóh, AAKOÓ MUNGÚ iri oó', «Ar adoodá' sagadiyusmooeé' Isaya ira hi'iimiít ar /aankwets nee ya'aá tawo, as iwa laya tleehhiti nee slaqsaay oo tleehharuút dír múk Misri nee oo Kushiro,

ISAYA 30:11

Warqawé', lohdaá looeema mawaak, atén ti meere' mawa kumitaán daanduú Mungú axamisuuwo, Kudá' Hhoohhoó' oo Israeli.› »

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 42:8

Aníng umuueé' a AAKOÓ MUNGÚ, xirfuueé' u hanisaaká dír heé hatlá', laqaá xirfayemisuueé' u hanisaaká dír munguaá murslaaqat.

ISAYA 43:11

Aníng kilooeé' an AAKOÓ MUNGÚ, ba/amusmoó hatlá' i kaahh aqo har án kilooeé'.

ISAYA 45:14

AAKOÓ MUNGÚ i kaahi, «Daqaari'iimár Misri nee ar Kushi a toohúng, mukdá' tlét oo Seba a lawaalerhúng, inooín kuungá' nu eehariyá', inooín kaa daba tsegiít nuri i tumbarara'atiyá', nuri firiná', iwa kaahiya', ‹Mungú a dinkwa nee kuungá', Munguú hatlá' i kaahh aqo har inós kilós.› »

ISAYA 45:15

Aá Munguú Israeli, ba/amusmo, looeemaawo kuúng a Mungú, ilaawo tu ar'aa'ariiká.

ISAYA 45:21

Kangwsíng ooare' ar gwa/aateema ti dinkwaárí hara'ayinde'. A heemá heé kaangwí naa ti'imiit gwa geerií oo'? Heé muruuwí ngwaa geerií alki/iit a heemá? Xáy, aqo aníngeéke AAKOÓ MUNGÚ? Munguú hatlá' i kaahh aqo har aníng kilooeé'. Munguú ganaá' nee oo ba/amusmo oo hatlá' i kaahh aqo har aníng kilooé'.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 60:16

Xoordu in muruú /aymárí huwiyá', waawitá sleeme iri muruú /aymár i huuw. Kiíng daqaní a tsáhh adór aníng tar AAKOÓ MUNGÚ, aníng an ba/amusmoowók. Nee an gweerusmoowók, kuduú Aleesleemusmo oo Yakobo.

ISAYA 63:8

Asma inós ina oó', «Looeemaawo mukwí a muk'eé', na/iieé' kudaá al/aymuuseerooká.» Nee inós tari ba/amusmooín.

YEREMIA 14:8

Kuúng kilók an harahhifór múk Israeli, kuúng an ba/amusmoorén qoomár slahh'amaayero, ahaá, kuúng baré a adór dahaaymo baraá yaamuurene, a adór heé waaraáhh oo aa qaat xweeraá wake.

YEREMIA 16:21

AAKOÓ MUNGÚ i kaahi, «Gawaá adoorihe ga/aaweek, aníng in intsaahhatís, qoomaarihe aníng inooín in /uuruueé' xu'utís, nee aleesleemueene, inooín ngiri tsaahhiyá' adór umuueé' tar AAKOÓ MUNGÚ.»

ESEKIELI 39:7

Umuueé' kudá' hhoohhoó' muk'eé' oo Israeli guri tsaahh, slám a baloó ya/amaaká umuueé' kudá' hhoohhoó' kuwa male slasla/areesi. Nee xoordu sleémeero ngiri tsaahhiyá' adór aníng tar AAKOÓ MUNGÚ, kudá' hhoohhoó' oo Israeli.

HOSEA 13:4

Aníng a AAKOÓ MUNGÚ, Munguúhúng, kudaádá' naa tuu/ imiír baraá yaamaá Misrír wa ale, ala Munguú hatlá' ta xu' i kaahh, aqo har aníng kilooeé'. Ba/amusmoó hatlá' i kaahh.

TLAHHOÓ LAÁWI 11:44

Asma aníng an AAKOÓ MUNGÚ Munguúhúng. Ti partle' as tawa múk hhohhó', asma aníng ti hhoohhoó'. Kuungá' miti meetagaasara' ar muruú gur'ér hi'iimiít oo gawaá daanduú yaamu.

AMOS 9:7

AAKOÓ MUNGÚ i kaahi, «Xáy, kuungá' múk Israeli, dimbé iqo deéro nee múk Kushi? Múk Filisti una duúx baraá yaamaá Kaftori wa ale, nee múk Aramu baraá Kirír wa ale. Ahaá aníng xoorór Israeli ngaa duuxikáhe baraá yaamaá Misrír wa ale?

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Yuda 1:25

Mungú kilós, inós a Ba/amusmoorén ar baraá Yesu Kristo Aakoorén. Xirif a kós, nee uraay, nee aleesleemu, nee /uuru, iimír iimu/úngw wa tleemu, ay hamí, tam ay alhhe'eesay wasle. Amin.