ISAYA 43:25 - Biblía Axweesantá Hhohho' ar Mungú 2004

²⁵ Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

ISAYA 43:25 Iomraidhean Croise

2 QOM'I 6:21

Firor'eé' iiárií qaaseek, nee firór mukók Israeli iiárií qaaseek, qoomár bar gur'er'ín ngaa amoorí xu'usiyé'. Firoorén iiárií qaaseek gawaá doorí wa ale didár hotaawók, ti iiárií qas nee ti gurtleer.

WARA'AMI 103:12

Adór da/aáw nee /uwa kir harasawén, an adoodá' tlakweemaarén ngira kwaáhh giri saweés direne.

WARA'AMI 103:3

Tlakweemaeé' sleémeero ga gurtláy, tiqtir'eé' sleémeero gari hungu/uús.

WARA'AMI 25:11

Aá AAKOÓ MUNGÚ, tlakweemaaeé' gurtlaweek as umuuwók, asma tlakweemaaeé' ki yaariir.

WARA'AMI 25:7

Tlakweemaeé' nee dee/aanuueé' awa iimír án tawa masoomo mi inslawaar, aá AAKOÓ MUNGÚ, án inslawáng ar har qoomoó sla'aarirók ar warqawaaká asma hhooeemawók.

WARA'AMI 51:3

Asma án iringér'eé' a xuú' nee tlakweemaaeé' i dír geeraaeé' daqisleém.

WARA'AMI 51:4

Án kuúng una tlakweemáy tleéhh, kuúngú kilá', nee muruú slasl/arén una tleéhh dír geeraá ilaawoge, gawaá adoorihe kuúng tu tsaahhi adór tar dakuúsár koondaaká bar axwés, nee kwasleema bar tléhh i hariín.

WARA'AMI 51:9

Ilaawók tuuntukeek, tlakweemaaeé' mi i qaytaar, iringér'eé' hamaatleek.

ISAYA 1:18

AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

ISAYA 37:35

Asma aníng gixsarí an xuúm nee an ba/amís daanduueé' wá ale, nee as daanduú sagadiyusmooeé' Daudi.› »

ISAYA 38:17

Slahh'ámudá' naa sláw dir'eene an hhooa, ala kuúng slafingw'eé' una tú/ dír afkú bohóngw gi'i wá ale, asma kuúng tlakweemaaeé' sleémeero ina amór aluuwógí kwáhh.

ISAYA 43:11

Aníng kilooeé' an AAKOÓ MUNGÚ, ba/amusmoó hatlá' i kaahh aqo har án kilooeé'.

ISAYA 44:22

Aníng dakumisuuhúng kuduú adór huunkáy ugwa fiíts, nee tlakweemaahúng kudaá adór tlaanguhe. Amor'eé' ki/aare', asma aníng kuungá' naa ba/amís

ISAYA 48:11

Adoorí an tleéhh as daanduueénuú kilá'. Asma waáy gár umuueé' kus waaqaqai? Aníng xirfuueé' u baloó heé hatlá' i haniisaaká.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ISAYA 64:8

Hám daxta AAKOÓ MUNGÚ, kuúng an baabuúrén, atén an tleei, kuúng an tleeusmoorén, atén sleémeero a gadiyér dabaawók.

ISAYA 64:9

Aá AAKOÓ MUNGÚ, kuúng ma ló'wa buhhaar, nee tlakweemaarén mi inslaslawaar ay daqisleém. Ga/aaweek, tí aldakweek, atén sleémeero a mukók.

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

YEREMIA 50:20

AAKOÓ MUNGÚ i kaahi, «Qoomaadae nee daqtadae tlakweema ki leelehhiit yaamaá múk Israeliwo, ala ki ariiká. Dakuús ka leeleehh yaamaá Yudawo, ala ka harasliqitiiká asma aníng panaydá' aa meet u gurtláw.»

ESEKIELI 18:22

Tlakweemaawós kudá' sleémeero aa tleéhh ki inslayká, as gan'amuuwós kwihe in hoot.

ESEKIELI 20:14

Ala aníng tina kilooeé' ilaa/, as ilaiwa/amér umuueé' makawa waaqaá' nee xoorduudá' ngaa ariye', qoomár inooín ngiwa duúx baraá yaamaá Misrír wa aleeró.

ESEKIELI 20:22

Ala aníng dakw'eé' una ilaá/ as ilaiwa/amér umuueé', makawa waaqaá' nee xoorduudá' inooín ngaa ariye', qoomár ngiwa duxuum baraá yaamaá Misrír wa aleeró.

ESEKIELI 20:9

Ala aníng adoorí tleehhamooro ana máw as ilaiwa/amér umuueé', as kahhó' mukuwa waaqaqaá' nee xoorduudá' nee inooín alhootá', kudá' ngaa ariye', aníng tiwa xu'utís ngiwa duúx baraá yaamaá Misrír wa alé.

ESEKIELI 33:16

Tlakweemaawós kudá' sleémeero aáng aa tleéhh ki inslayká daanduuwós i ale, asma inós tidá' hariim nee hhoo' gaa tleéhh. Gawaá adoorihe heewí in hoot.

ESEKIELI 36:22

«Gawaá adoorihe múk Israeli kubeer, Aakoó MUNGÚ i kaahi, Tí ni tleehhár wa slaa' a tleehhaaká as kuungá', ala an tlehhiít as ilaiwa/amér umuueé' kudá' hhoohhoó', kudá' kuungá' taa slasla/areesé' baraá tla/ángw xoorduudá' ti diya/até'.

ESEKIELI 36:32

Ala xuaak, adoorí a tleehhaaká as kuungá'. Anuú Aakoó MUNGÚ tí aga oó'. Múk Israeli gimsé', muruuté' nee ta amoqwaqwadiindá' asma tlehhmi'iihúng kudá' tlakw.

Marko 2:7

«Asma milá mis adoorí kah? I Munguú /ooslislín. Heé tlakweema gurtleemuuwo gi aleesláw a heemá? A har Mungú kilóseéke?»

Luka 5:21

Intsaahhatuusér hara'ayár Mose nee múk Farisayowo tiri yaahamiisiyé' ta kaahi, «A heemá heewí /aymi'iiká' gi káh, awa Mungú /ooslisliingw? Heé tlakweema gurtleemuuwo gi aleesláw a heemá, a har Mungú kilosekáhe?»

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

Efeso 1:6

Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

Efeso 1:8

Gurtleemuuwí nguna atén i tlahhás. Adoorí gana tleéhh ar baraá sagalooarós nee xu'utirós sleémeero.

Ebrania 10:17

Nee iri malé oó', «Aníng tlakweemaaín nee tlehhemi'ii'ín kudá' tlakw i baloó inslawaaká.»

Ebrania 8:12

Asma aníng tlehhmi'ii'ín awa tlakw i gurtláw, nee tlakweemaaín ngiri baloó inslawaaká.»