ISAYA 43:23 - Biblía Axweesantá Hhohho' ar Mungú 2004

²³ Kuungá' aníng iga bee/ángw ilahhooár dá/tí hubi'iiká, laqaá iga ilaiwa/i'iiká ar ilahhooár muruú ta tsu/i. Aníng kuungá' naa al'iloouwiiká ar ilahhooa, laqaá naa slaaqatisiiká ar ilahhooár mooyángw tsuú' ar ta da/aa/an.

ISAYA 43:23 Iomraidhean Croise

NEHEMIA 13:10

Slám ngay malé tsaáhh adór múk tlahhoó Laáwi hariímar'ín ngira slay'iiká, naxés múk tlahhoó Laáwi nee daauuse, kudá' geeraawo gadiyuusá', umuú heewo iri kií/ baraá qaymoorós.

TI'INAANGW 30:34

AAKOÓ MUNGÚ Mose guri báy, «Qoomoó alqoóm oo muruuwí tsuú' slaweek, moqonjoó xa'anoó ta bay natafi, nee oo xa'anoó ta bay shekeleti nee oo xa'anoó ta bay kelbena nee mooyángw tsuú'.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 21:27

Ilahhooár muruú ta tsu/i ar heé tlakusmo ka waak, Heé inslaway tlákw ilahhooarós kan ak slaiiká.

AXWEESANOÓ SAGALOOA 3:9

AAKOÓ MUNGÚ ilaiwawa/eek ar daqaari'iimarók, ilaiwawa/eek ar bu'úngw geera sleémeero oo baraá qaymoorók daáhh,

ISAYA 66:3

Ala mukwí adór i slaiya' ngin tlehhiitiyá', dir'ine dimbé i káhh bar awu ngwa gaasiyé', laqaá hee, Bar deelmoó bee/i ngwaa ilahhooár wa haniisiyé' laqaá seeaay. Bar balaangw ngwa ilahhooár wa haniisiyé' laqaá tseerér baynamo. Bar ilahhooár inslaslaangw ar mooyángw koóm ngwaa haniisiyé' laqaá bar munguúduú murslaaqat ngwa sluufmiisiyé'. Mukwí lohduuín gina kilooín sláy, nee muner'ín ka sla'atamis nee muruuín kudá' ni waak.

YEREMIA 7:21

AAKOÓ MUNGÚ Aleesleemusmo, Munguú Israeli i kaahi, «Gimsé' ilahhooarhúng ar da/a/aangw doogaak gawaá ilahhooár muruú ta tsu/i nee fu'unaay /ayaak.

YEREMIA 7:22

Asma baldá' bariiserhúng ngiwa duúx baraá yaamaá Misrír wa aleeró, aníng gár ngaa báw i káhh, laqaá hara'ayár naa haniís daanduú ilahhooár da/ato, nee ilahhooár muruú ta tsu/i i káhh sleeme.

TLAHHOÓ LAÁWI 2:1

«Umuúqo heé ilahhooár bu'uungw nga huuw dír AAKOÓ MUNGÚ, ilahhooarí masók a puuruú natsaatsaá'. Heedá' ilahhooa ngaa huuw puuruúdá' gun dí/tí qaas, nee mooyángw tsuú' sleeme guri baraadií qaas.

TLAHHOÓ LAÁWI 24:7

Nee umuúqo hhaywo ku mooyángw tsuú' i qás as tiwa alkona' nee mikaátedá' nee tawa ilahhooár da/a ar inslaslaangw dír AAKOÓ MUNGUHE.

AMOS 5:25

«Xáy, múk Israeli aníng ilahhooár muruú ta tsu/i nee ilahhooár hatlae ngina qo iinuúsi har'afiqoomaadár kureeraá mibeeraá tsiyahhe tawa baraá xaanxáy dir'a'?

MIKA 6:3

AAKOÓ MUNGÚ i kaahi, «Muk'eé', gár naa kuungá' a tleéhh a milá? Nee gár nura slaaqatís a umós? Gimsé', kuungá' ooare'.

MALAKI 3:8

Xáy, Mungú ku al/áyi nee hee? Ala kuungá' aníng i al/agiindá', slám kuungá' a kata', ‹Adór ura al/ayaán a adoomá?› Kuungá' ilahhooár gár wák baraá umuúqo muruú mibaango aga meeré', nee ilahhooár hatlae sleeme.

Matayo 11:30

Asma taaqwante'eé' i natsaatsá' nee huwar'eé' ka inslaahh.»