ISAYA 43:22 - Biblía Axweesantá Hhohho' ar Mungú 2004

²² «Tam adoorihe kuungá' múk Yakobo, aníng iga firindi'iiká, kuungaá múk Israeli aga slaaqaté' as aníng.

ISAYA 43:22 Iomraidhean Croise

WARA'AMI 14:4

Xáy, múk tlakweemaá tlehhiít ku tsuwá xu'uti wásle? Ahaá, masta hoot ar muruú muk'eé' kuwa hayohin ar /uuru. Slám inooín AAKOÓ MUNGÚ ngu firirina'aaká.

WARA'AMI 79:6

Buhhtaawo daa/atúw gawaá daanduú kudá' kuúng u xuaaká, nee waawuti'iima sleémeero tidá' umuuwók gu ateetimaaká.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

ISAYA 64:7

Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

YEREMIA 10:25

Daa/atúw buhhtaawo daanduú xoordaá kuúng u xua'aaká, nee gawaá kudá' umuuwók ngu ateetima'aaká. Asma inooín múk Yakobo nguna tsu/iyé', nguna tsu/iyé' ngway hhaamiisiyé', yaamuuín ngiri taanguyé'.»

YEREMIA 2:5

AAKOÓ MUNGÚ i kaahi, «Xáy, gár tlaakw ar baabi'iihúng na ariyé' dir'eene a milá, tam tari puruúts dir'eene, tari eeharín alaá muruú tawór wa alé, nee inooín niri tawo tleehhitiyé'.

DANIELI 9:13

Atén kuúng taa múx ar adoodá' kara gooín baraá dabér Mosewo, ala tam hamí, aá AAKOÓ MUNGÚ, Munguúrén, gurtleemuuwók ugwa firimaniiká as tlakweemaarén kiwa mawaan, nee looeemaawók iga eeharaniiká.

MIKA 6:3

AAKOÓ MUNGÚ i kaahi, «Muk'eé', gár naa kuungá' a tleéhh a milá? Nee gár nura slaaqatís a umós? Gimsé', kuungá' ooare'.

MALAKI 1:13

Kuungá' a kata', ‹Aga slaaqamiitaán muruuwí sleémeero!› Nee iri waaqaé'.» AAKOÓ MUNGÚ Aleesleemusmo tí ngina oó', «Kuungá' muruú naa /awa/awiindé', nee oo toqooraay, nee oo tiqtuuse, un ilahhooar'eé' wa hanmisa'. Xáy, aníng a ya/aáma muruú adór kwí nguwa amor'eé' hanmisa'?» AAKOÓ MUNGÚ tí ngina oó'.

MALAKI 2:17

AAKOÓ MUNGÚ ugwa slaaqatisé' ar /aymi'iihúng. Ala kuungá' a kata', «/Ayma'aá kura slaaqatiisaán a gaalá?» Asma tawa kata', «Umuúqo heé tlakweemaá tlehhiít ku hhoó' dír ilaá AAKOÓ MUNGUHE. Inós múk adór kwí gun sa qwalalaa/,» laqaá tawa kata', «Munguúdá' sakwasleemár ganaa' ga tleéhh i amá?»

MALAKI 3:14

Kuungá' ana katé', ‹Slaasláwár dáw i káhh, Mungú kuwa sagadiyuusi. Gár naa slawaán a milá hara'ayaarós kawa oohaán, nee tawa daqawan ar gurhaami dír geeraá AAKOÓ MUNGÚ Aleesleemusmo?