ISAYA 43:20 - Biblía Axweesantá Hhohho' ar Mungú 2004

²⁰ Makaá sla/a aníng iri ilaiwawa/iyá' intsaawe nee sakweluuwo, asma aníng ma'aay ngin baraá darmuú wa duúx, yau ngin baraá xaanxáy wa wa/ás. As muk'eé' kudá' naa tsawaár ma'aá wahaangw ngiwa slay.

ISAYA 43:20 Iomraidhean Croise

1 QOM'I 16:13

kuungaá xwaylár sagadiyusmoowós Abrahamu, na/aá Yakobo, kudá' aa tsawaár.

WARA'AMI 104:21

Na/aá diraangw i /orootliyá' i muruú /aymár slaiyá', muruú /aymar'ín ngun daamaraná' amór Mungú i ale.

WARA'AMI 148:10

Kuungaá makaá sla/a nee makaá de'eengo, muruú gur'ér ar hi'imiita nee tsir/ór gáwtí tlatlaw!

WARA'AMI 33:12

Xoorór amohhoo' a tidá' AAKOÓ MUNGÚ tawa Munguúín. Múk amohhoó' a kudá' inós aa aalirós wa tsawaár.

ISAYA 13:22

Bahu niri gawaá daandemaá maray'ín wa buuheeliná', intsaawe iri dát baraá maraá waawitá, deelór Babuloni aa fák, slám deeloorós ka doogiiká.»

ISAYA 30:25

Baalaadá' wakuuserhúng barka hhaamiís, nee /aampar'ín tidá' tleer barka daáhh, kutltá ma'aay nin gawaá tlom'ií wa wá/, nee gawaá gongooamawo.

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 33:21

Ala AAKOÓ MUNGÚ ar Aleesleemuwose in baraadií dirii' as atén, yaamaá yau diren nee duxeero. Miringe nee hhansi'iwo ki baraadár uhisiiká tam meélír ur baraadá' gir otká.

ISAYA 35:7

Hhasángw adór asla oo baraá xaanxaay iri tlawtá ma'aáy tleehhiit, nee yaamaá naa waxiitiye' niri kutltá ma'aay tleehhitiyá', didá' tawér i hooti ma'aay ngiri dalaa/iyá' tsaaráy ngiri alti'iit, tari adór daa'a.

ISAYA 41:17

Múk narkuute nee oo gaa wásl bir ma'aá leelehhiitiyá', ma'aay i kahhiyá' waxeero hhehhuuín birna kahiyé'. Aníng AAKOÓ MUNGÚ i mu/aywaáts, Anuú Munguú Israeli i geexawaaká.

ISAYA 41:18

Aníng gawaá tlom'aá kaaharene yau ngi duúx, nee kutlaay baraá tla/ángw xatsoowo. Aníng xaanxaay u tlahhsár ma'aay tleéhh, nee yaamaá kaahaar nin kutloó ma'aay tleehhitiyá'.

ISAYA 43:19

Ga/aawaak, aníng muruú /abén u tleéhh muruuwí hám naa qaroó ti'iít, kuungá' ugwa aandi'iikáhe? Aníng loohi a tleéhh ar baraá tla/ángw darma, nee yau ngiri baraá xaanxáy wa wa/ás.

ISAYA 48:21

Qoomár ngiwa baraá xaanxáy wa geerahaár naa waximiti'iiká. Ma'aay gina baraá tlaa/ár wa duúx, tlaa/a gana feehhiís ma'aay nay baraadá' wa wa/iyé'.

ISAYA 49:10

Inooín i qwariitiiaaká sleeme waxitiaaká, fur'ár age laqaá tsee/amá gi slahhaeesiiká. Anuúdá' inooín gi gurtlatláw in geerahaár. In huúw dír duxuú ma'aá koóm.

ISAYA 65:15

Mukdá' naa tsawaár umerhúng ganar lu'umis nee Aakoó MUNGÚ kuungá' nun tsuu/, ala sagadiyuuseerós gan umuú /abén i tsaat.

YEREMIA 31:9

Muk'eé' ni kii/ ar hhirhheeri, ngi ki/ís as ngiwa gurkwa/as, aníng i geerahaár ay dír duxuú ma'aay, ar baraá loohír dukuutse ngiwa tuu'utká. Asma aníng a baabá dír múk Israeliwo, nee Efraimu a na/ay'eé' oo baris.

Yoeli 3:18

«Slám de'emaadae tlom'i difaáidá' tsuu' ngi taxmisiyá', nee ilwa nin gawaá dindirmaá wa wa/aminá', yau sleémeero awa Yuda ma'aywo nin hatsiyá', nee kutli nin baraá doó AAKOÓ MUNGÚ wa ti'ít, xatstá Shitimu gari eemís.»

Marko 13:20

Ala Aako bar deeloorí gaa /aareesiiká geeraawo, heé geeraawo ba/ám i kaahh. Ala inós deeloodá' gana /aareés as mukdá' inós aa tsawaár.

Yohana 4:10

Yesu gari báy, «Kiíng geera bar gurtleemuú Mungú ugwa xú', slám geera heewí kiíng i babáw, ‹Ma'aá wahaango qawáng,› bura xú', geera alók inós ugwa firiín, inós geera ma'aá slafíngw koomá' ngi haniis.»

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 21:6

Nee inós aníng iri báy, «Aa tleehharút. Aníng an Alfa nee Omega, iimu/uungw nee alhhe'eesaay. Heé aa waxiit u ma'áy haniis awa bu'utu wasl, awa baraá kutlá ma'aá slafíngw dahhá'.

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.