ISAYA 43:13 - Biblía Axweesantá Hhohho' ar Mungú 2004

¹³ Aníng an Mungú, iimír hamí wa tleemu ay alhhe'eesaay, aníng an Inós. Heé gawaá dabaeene kuungá' nu tuú/ i kaahh. Heé gadiyér'eé' ga baáq a heemá?»

ISAYA 43:13 Iomraidhean Croise

YOBU 10:7

Kuúng a xú' adór aníng nir tlakweemaá koomaaká nee aníng heé i tuú/ baraá dabaawoge adór ir kaáhh, kuúng a xú'.

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

YOBU 9:12

Gaarós ar i slai gan taataahh gari ar tláy, heé inós ilaa/aro gu aleesláw a heemá? Heé inós gu báw, «Ma tlehh,» a heemá?

WARA'AMI 102:28

Na/aá mukók kudá' u sagadiyuús amohhooa ngin ar hootiyá'. Na/aá i laqwaaliya' nin saxareemár kumiitiyá' geraawoge.

WARA'AMI 50:22

«Tí alhooreesaak, kuungaásingá aníng i gunqaaremisá', án kuungá' munduwa karslamiís, tam heé nu tuú/ iri qwaar.

WARA'AMI 90:2

Tam qoomár tlom'i kiwa tlehhká. Tam qoomár yaamu kiwa tlehhká, kuúng an Munguú daadáw iimír iimu/ungw wasle ay alhhe'eesay wasle.

WARA'AMI 93:2

Kitaangók ku qaroó gawít iimír iimu/uungo, kuúng an kudaádá' dáw iimír iimu/ungw wasle.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

AXWEESANOÓ SAGALOOA 8:23

Tina tleéhh iimír aáng wa ale baalaadae yaamu naa deeruti'iiká.

ISAYA 14:27

Asma AAKOÓ MUNGÚ Aleesleemusmo adoorí gaa tsabín, heé ga sií' a heemá? Inós gaa istí tsaát xoordu ngiwa muxi, heé inós gu ilaá/ a heemá?

ISAYA 41:4

Heé adoorí sleémeero a tleehharut gaa tleehh a heemá? Heé umuúqo qarto gaa iimír iimu/úngw wá ateet? An aníng AAKOÓ MUNGÚ kuduú iimu/uungw nee oo alhhe'eesaay, aníng aqo kudaádá' adoorí gaa tleehh.

ISAYA 46:10

Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›

ISAYA 46:4

Tam qoomár bar aga dimadiindé', aníng aqo kuduú kilá', Tam qoomár se'engwhúng al/awtanto bira /awaakúy aníng kuungá' nu loohiís. Aníng adoorí ana tleéhh nee an kumiít tlehhtuuwo, nun loohiís nee nu ba/amís.

ISAYA 47:15

Mukdá' taa harahhíf ador'ín a tí, kudá' taa sagedawiimít, kudá' nee kiíng aga alhi'iimite' iimír masoombi'iimaroge. Inooín tambeera gin áy, umuú heewo iri amoorós xuu', tam oo kiíng i ba/amís i kaahh.»

ISAYA 48:16

Dir'eé' tseewuwaare', tí iiárií qaasaak, iimír iimu/uungo aníng aga axweesiiká ar naaqo, iimír muruuwí iwa tleehharuuti aníng an qaroó daadáw. Hám daxta Aakoó MUNGÚ aníng iga ya/aáw nee iga qeeruuwós i haniís.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

HOSEA 2:10

Aníng an /aankwetsiís dír ilaá mulqeerós wa ale, tam heé wák oo ga baraá dabaaeéná wa tuú/ i kaahh.

HOSEA 5:14

Asma aníng a adór diraangw tleehhiít dír múk Israeliwo, nee adór na/aá diraangw dír doó Yudawo. Aníng, nu karslamiís, nuri hhimbiriítl, tam heé nu tuú/ iri qwaar.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

FAARO 23:20

Qaytsiít gár aníng taa báy a inooín in tsuúq, inós gina tsuúq, aníng warqeesaro i aleeslawaaká.

Yohana 8:58

Yesu iri oó', «Án a kah, iimír Abrahamu kuwa laqwaliiká, aníng a qaroó daadeer.»

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.

DABE 28:31

Hikwaawók kiri geeraawók wa tsuu/, ala kuúng fu'unay'ín i tsaqká. Daqwaayerók kan dír ilaawók wa ar tláy ar /uuru, ala heé ngi ki/ís i kaahh. Bee/angók húng kun wakuuseerók i haniis, ala hee tam oo wák oo kuúng u alee/ís i kaahh.

DABE 32:39

«Gimsé' daxta tsaahhaak adór aníng kilooé' tar Mungú, Munguú hatlá' i kaahh, aqo har aníng kilooeé'. Aníng an kudá' tsu/uút nee kudá' slafmís, kudá' nor'omiís nee kudá' hungu/umiís. Nee baraá dabaaeene heé hee gu tuú/ i kaahh.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

Ebrania 13:8

Yesu Kristo an kuduú kilá', isá/ nee laarí tam ay alhhe'eesay wasle.

YOSHUA 2:2

Waawutmoó gixsár Yeriko kuri kaangwí báy, tari oó', «Mukko Israeli naa baraá gixsár i dáh xweeraá laarí as yaamu kiwa tsawtsawuusi.»

Geehhoeemaá 1:8

Aakoó Mungú i kaahi, «Aníng an Alfa nee Omega, aníng an iimu/uungw nee alhhe'eesaay.» Aníng an kudá' qaroó dáw, kudá' daadáw, nee kudá' hardáh, kuduú Aleesleemusmoó mura' sleémeero.