ISAYA 42:25 - Biblía Axweesantá Hhohho' ar Mungú 2004

²⁵ Gawaá adoorihe inós gin i daa/atúy buhhtaawo, tiri doogiyá' nee slaqwara. Buhhtaawós inooín ngin al'oohiyá', ala inooín kaa gaárí xuiiká. Kaa mak daá/, ala inooín gar naa tsaahhiyé' i káhh.

ISAYA 42:25 Iomraidhean Croise

2 WAAWITÁ 25:9

Doó AAKOÓ MUNGÚ guna daá/, nee doó waawutmoowo, nee mari sleémeerowo awa Yerusalemu, umuúqo doó ure guna ásltí qaás.

YOBU 40:11

Gimáy, muu xarasleemaá buhhtaawók ngu al'iwitiye', umuúqo heé daara/aama i qaytsiteek ku dáhh yaamií ale.

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

ISAYA 47:7

Kiíng ana kilók ó', ‹Aníng a waawuto'o daqisleém.› Ala muruuwí ugwa baraá muunaáwók i qasiká, tam alhhe'eesaywós ugwa insleeriiká.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

ISAYA 57:1

Heé hota ganaá' bira gwaá', heé adoorí ga gaárií xuú' i kaahh. Heé hhoó' bira gwaá', heé gaarí ga tsatsaahhaám i kaahh oo káh, «Heé hota ganaá' kura tláy, amotlakwe munguwa sleér,

ISAYA 57:11

Xáy, heé kuungá' nu dae tlaáq a heemá? Tam lameemo kiri tlaqé', aníng iri insleeri'iiká, tam aníng iri meeré' baraá inslawayhunge. Aníng iimír aange aga dir'eéní xasliitiikáhe, nee an gár kuúng is ilaiwawa/ká doóqa.

ISAYA 9:13

Tam muu gwaa muxi, ala taa amoorós i ki/iiká, AAKOÓ MUNGÚ Aleesleemusmo sleeme ngwa leelehhi'iiká.

ISAYA 9:19

Ar buhhtaá AAKOÓ MUNGÚ Aleesleemusmoowo, yaamu kaa daá/ ar asla, nee muu a adór migiruú asla kar oohisi. Tam heé hhiyaawós gu gurtlatláw i kaahh.

YEREMIA 12:11

Ngina darma tleehhiyé', gár i koon i káhh geeraaeene. Yaamu sleémeero a xaanxaay, slám heé ga gaárií xuú' i kaahh.

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

WA/AA/I 2:3

Inós /uuru sleémeero oo Israeli gwa yaamií daáhh ar buhhtaawós kudá' xaraaslá'. Inós alee/isaywós guna hingeés qoomár inooín nee wakuuser'ín tiwa doogiyé'. Buhhtaawós múk Yakobo nguna al'oohiyé' adór tsángw asla, umuú gaaro gari hhaamiís.

WA/AA/I 2:4

Ga/aleerós gari tseék adór wakusmo, dakós oo doó /iyáy guri amohhe'eés adór wakusmo, mukdá' sleémeero atén tar daara/aamaar guna tsuú/, buhhtaawós kudá' xaraaslá' adór asla gina ku'uús baraá heemadaá múk Siyoni.

ESEKIELI 20:34

Aníng kuungá' nun duúx baraá xoordaá hatlá' wa aleeró, nee nuri burumbuúr baraá yaamuudá' nuy diyaa/i, ar dakw'eé' oo ló'wa /uuruú koóm, ar xarasleema nee buhhtaeé'.

HOSEA 7:9

Dahaaye gwaa /uuru fák, ala inós gár i xui i káhh. Sagós al/awtani gwaa gás, ala inós gár i xui i káhh.

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.

DABE 32:22

Asltá buhhtaaeé' kaa oohiís, asla iri /ayiín ay baraá gi'i. Daanduú yaamu nee umuú gaaro guri /ák ihhafirír tlom'i ga /ák.