ISAYA 42:22 - Biblía Axweesantá Hhohho' ar Mungú 2004

²² Ala mukwí an múk taa fisiisín, nee taa mura' hayóh. Sleémeero kaa ohín nee baa'a, sleémeero kaa luú/ baraá doó tseegma. Inooín a adór makaá ta slakaati, kudá' handá' heé gi /iís i kaahh. Inooín aa haasaáng kudá' handá' heé oó', «Ki/isak.» i kaahh.

ISAYA 42:22 Iomraidhean Croise

WARA'AMI 102:20

Wa/aa/ír mukdá' taa tsegiít gan iiárií qaas, mukdá' geera taa sakwasleemuút kiwa tsu/i gin gweer.

WARA'AMI 50:22

«Tí alhooreesaak, kuungaásingá aníng i gunqaaremisá', án kuungá' munduwa karslamiís, tam heé nu tuú/ iri qwaar.

ISAYA 1:7

yaamuuhúng kaa deewa'ameérí geexáy, gixsaduuhúng kaa daá/ ar asla. Yaamuuhúng hooma gaa dír ilaahúng wa ar tleér, i baraá deewaa'ame, kwaáo hooma gina hhitiín.

ISAYA 14:17

Kudá' yaamu ga xaanxaay tleéhhi? Kwí an kudá' gixsadaá baraá yaamu gaa hhaamísi? Aa kudá' mukdá' taa tsegiít gwa sí'i' gweermooro?›

ISAYA 18:2

kudá ya/abuuser'ín ya/abiitá' ar baraá yaaér Nili, kudá' aa'aá kakaawá' ar baraá ma'aay ar miringér taa tleéhh ar oombas. Tlawsé', kuungaásingaá ya/abuusér islahh, tlawsé', amór múk tledaadét nee oo slaqooín natsaatsa'á', amór mukdá' dae tlaáq umuú diiro, amór xooroodá' /uuruú koom nee baalaaliim, tidá' yaamuuwós taa qasiís nee yau.

ISAYA 24:18

Heé aa daér wa goow, in /eet baraá bohoongw, nee kudá' ni baraá bohóngw wa ti'imiít kun oh nee tsaaxweeli. Asma foxa'aá doori kaa gweér nee iihhafiirír yaamu i diingiín.

ISAYA 24:22

Sleémeero kiri dinkwárí burumbuur adór múk taa tsegiít, kuri /aytiís baraá bohoongw, Inooín kin tsegiit baraá doó tseegamo alaá deelór hhaawaakahe kiri muux.

ISAYA 24:3

Yaamu ki xaanxay tleehh, kiri kángw kilá' wa qwaarees, asma AAKOÓ MUNGÚ tí gana oó'.

ISAYA 36:1

Kurkú mibaá nee tsiyáhh iimír waawutmo Hesekia iwa waawuti'ín, waawutmo Senakeribu oo Ashuru gixsadu sleémeero awa yaamaá Yuda, kudá' koo/i gawden gina i haratláy, giri hayóh.

ISAYA 42:23

Heé baraá tla/angwhunge gaarí ga iiárií qaas, oo iia ga qaás nee gari axaas qoomár hi'iita?

ISAYA 42:7

Taampu in ila' qaytsitís, múk baraá tseegamo kuri gwét, nee mukduú baraá giwti kuri duux.

ISAYA 45:13

AAKOÓ MUNGÚ i kaahi, «Aníng Koreshi ugwa sihhtís iwa gan'amúr hooti, lohduuwós iga gan'aás, inós gixsar'eé' ga tleehh. Nee mukduú baraá loohaay gun gweer. Inós i bu'utuú leelehhitiiká laqaá slukma.»

ISAYA 5:29

Slaqwaruuser'ín in /orótl adór diraangw, nin /orootliyá' adór na/aá diraangw, kudá' /orootlá' nee sluqor'ín ngi oohá' ngiri huwiyé' amór saaw dír heé ga tuú/ iwa kahhi.

ISAYA 51:23

Aníng wakuuseerók an wahaás, tidá' kuúng u babaw, ‹Yaami qaateek atén a gawaawók ar waarahhaán, daanduuwók nguri adór yaamu tleehhaán tari adór loohír tar warhhahhati.› »

ISAYA 56:9

Kuungaá makaá xaraaslá' sleémeero, kuungaá makaá xaraaslá' awa baraá gara, qwalaasé' muk'eé' /ayaak.

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

YEREMIA 52:31

Kurkú mibeeri tám nee faanqwe iimidá' Yehoyakini waawutmoó Yuda kuwa ar tláy, bál slahhángw mibaá nee tsár tawa mibeeri tsár nee kooán, Efil-merodaki waawutmoó Babuloni, kurkuduú kilá' kuwa waawutmoó wa qaás, waawutmo Yehoyakini oo Yuda guna gurtláy, guri gweér baraá tseegamooro.